ປະຊາຊົນຊາວອີຣ່ານເລີ້ມພາກັນໄປປ່ອນບັດ ໃນການເລືອກ
ຕັ້ງສະພາ ຊຶ່ງເປັນ ການເລືອກຕັ້ງແຫ່ງຊາດເທື່ອທຳອິດ ນັບແຕ່
ໄດ້ມີການຕົກລົງ ຄັ້ງປະຫວັດສາດ ກ່ຽວກັບເລື້ອງນິວເຄລຍໃນ
ປີກາຍນີ້ ທີ່ພາໃຫ້ມີການຍົກເລີກ ການລົງໂທດຂອງນາໆຊາດ
ເປັນບາງສ່ວນ ເພື່ອແລກປ່ຽນກັບການຫລຸດຜ່ອນກິດຈະກຳທາງ
ດ້ານ ນິວເຄລຍຂອງເຕຫະຣ່ານ.
ປະຊາຊົນຊາວອີຣ່ານປະມານ 55 ລ້ານຄົນ ໄດ້ຈົດທະບຽນ ທີ່ຈະ
ໄປປ່ອນບັດເລືອກເອົາສະມາຊິກສະພາແຫ່ງຊາດ ທີ່ມີບ່ອນນັ່ງທັງ
ໝົດ 290 ບ່ອນ ແລະກໍ ຄອບງຳໂດຍພວກນິຍົມແນວທາງເດີມ
ພ້ອມທັງສະມາຊິກສະພາຜູ້ຊ່ຽວຊານ ດ້ານສາສະໜາທີ່ປະກອບ
ດ້ວຍ 88 ຄົນ. ສະພາດັ່ງກ່າວແມ່ນຕິດຕາມເບິ່ງການເຮັດວຽກຂອງຜູ້ນຳສູງສຸດ Ayatolla Ali Khamenei ຊຶ່ງເປັນຜູ້ຕັດສິນຊີ້ຂາດກ່ຽວກັບນະໂຍບາຍການຕ່າງປະເທດຂອງອີຣ່ານ.
ຊາວອີຣ່ານ ພາກັນຢືນລຽນແຖວຢູ່ໜ່ວຍປ່ອນບັດແຫ່ງນຶ່ງ
ໃນຂະນະທີ່ປະຊາຊົນຊາວອີຣ່ານພາກັນໄປປ່ອນບັດເລືອກເອົາສະມາຊິກສະພາຢູ່ນີ້ ຜົນ
ຂອງການປ່ອນບັດດັ່ງກ່າວ ອາດຕີຄວາມໝາຍໄດ້ ເຖິງລະດັບໃນການໃຫ້ຄວາມສະໜັບ
ສະໜູນຕໍ່ນະໂຍບາຍຂອງປະທານາທິບໍດີ Hassan Rouhani ທີ່ຈະມີການເລືອກຕັ້ງເຂົ້າ
ຮັບຕຳແໜ່ງຕື່ມອີກໃນປີໜ້ານີ້. ທ່ານ Rouhani ຖືເອົາຂໍ້ຕົກລົງ ເລື້ອງນິວເຄລຍ ເປັນຈຸດ
ປະສົງຫຼັກສຳລັບລັດຖະບານຂອງທ່ານ.
ບັນດາຜູ້ສະໝັກຫົວປະຕິຮູບສ່ວນໃຫຍ່ໄດ້ຖືກຫ້າມບໍ່ໃຫ້ເຂົ້າຮ່ວມໃນການແຂ່ງຂັນເລືອກ
ຕັ້ງ ໂດຍອົງການຈັດຕັ້ງຂອງພວກຫົວແຂງກະດ້າງ.
Your browser doesn’t support HTML5
Iran Politics