ນາຍົກລັດຖະມົນຕີອິສຣາແອລ ທ່ານ Benjamin Netanyahu ກ່າວວ່າ ທ່ານຈະໃຫ້ໂອ
ກາດແກ່ການລົງໂທດຂອງນາໆຊາດຕໍ່ອີຣ່ານແລະຈະບໍ່ວາງແຜນໂຈມຕີສະຖານທີ່ນິວເຄລຍ
ຂອງອີຣ່ານພາຍໃນໄລຍະສອງສາມມື້ຫຼືສອງສາມອາທິດຂ້າງໜ້ານີ້.
ໃນການຖະແຫຼງຕໍ່ໂທລະພາບຂອງອິສຣາແອລ ໃນວັນພະຫັດວານນີ້ ທ່ານ Netanyahu
ເວົ້າວ່າ ທ່ານຢາກໃຫ້ມີການແກ້ໄຂບັນດັ່ງກ່າວໂດຍສັນຕິວິທີ ແຕ່ກໍຢືນຢັດວ່າປະເທດຂອງ
ທ່ານຈະບໍ່ຍອມປ່ອຍໃຫ້ອີຣ່ານມີອາວຸດນິວເຄລຍຢູ່ໃນຄວາມຄອບຄອງ.
ທ່ານໃຫ້ຄວາມເຫັນທີ່ວ່ານີ້ ນຶ່ງມື້ລຸນຫຼັງກັບຄືນໄປຈາກການເຈລະຈາທີ່ກຸງວໍຊິງຕັນບ່ອນທີ່
ທ່ານເວົ້າວ່າ ອິສຣາແອລບໍ່ສາມາດທີ່ຈະລໍຄອຍຖ້າ ໄປຕື່ມໄດ້ດົນອີກ ສຳຫຼັບການດຳເນີນ
ຄວາມພະຍາຍາມທາງດ້ານການທູດແລະການລົງໂທດເພື່ອຢັບຢັ້ງໂຄງການນິວເຄລຍຂອງ
ອີຣ່ານ.
ໃນມື້ວານນີ້ທ່ານ Netanyahu ຮັບຮູ້ໃນອັນທີ່ທ່ານເອີ້ນວ່າ ມີຄວາມເຫັນແຕກຕ່າງກັນຂັ້ນ
ພື້ນຖານລະຫວ່າງສະຫະລັດກັບອິສຣາແອລກ່ຽວກັບການແກ້ໄຂບັນຫາອີຣ່ານ ໂດຍເວົ້າວ່າ
ອິສຣາແອລຮູ້ສຶກວ່າໄພຂົ່ມຂູ່ຈາກນິວເຄລຍຂອງອີຣ່ານມີຄວາມຫຼໍ່ແຫຼມກວ່າວໍຊິງຕັນ.
ປະທານາທິບໍດີບາຣັກ ໂອບາມາຮຽກຮ້ອງໃຫ້ທ່ານ Netanyahu ໃຫ້ເວລາເພີ່ມຕື່ມແກ່ການ
ດຳເນີນຄວາມພະຍາຍາມທາງດ້ານການທູດແລະການລົງໂທດຂອງນາໆຊາດແຕ່ຂະນະດຽວ
ກັນ ທ່ານໂອບາມາກໍໄດ້ກ່າວຢໍ້າ ເຖິງທ່າທີຂອງທ່ານທີ່ວ່າ ທາງເລືອກທຸກຢ່າງແມ່ນຍັງເປີດ
ກວ້າງ ເພື່ອຍຸຕິບໍ່ໃຫ້ອີຣ່ານມີອາວຸດນິວເຄລຍຢູ່ໃນຄວາມຄອບຄອງ.
ເບິ່ງວີດີໂອລາຍງານເລື້ອງ: ອິສຣາແອລຈະທໍາລາຍນິວເຄລຍຂອງອິຣ່ານໄດ້ບໍ່?: