ດຣ. ບຸນມະມີ Kyle ແກ້ວຈໍາປາ ຫລື ດ້ອກເຕີ້ Kyle ຕາມຊື່
ອາເມຣິກັນນັ້ນ ເປັນລູກຊາຍຄົນທີ່ສາມຂອງ ອະດີດ ພັນຕີ
ບຸນມາ ເຈມສ໌ ແກ້ວຈໍາປາ ນາຍໝໍທະຫານ ກອງທັບແຫ່ງ
ພະລາດຊະອານາຈັກລາວ ແລະທ່ານນາງ ຄໍາມົກ ອະດີດ
ນາງພະຍາບານ ທີ່ໂຮງໝໍ ໂອບີ ເມືອງ ປາກເຊ. ດຣ. ຄາຍ
ເກີດໃນປີ 1979 ຢູ່ທີ່ສູນສໍາມະນາ ແຂວງອັດຕະປື ສປປ ລາວ.
ໃນປີ 1983 ເວລາ ທ່ານ ມີອາຍຸໄດ້ສີ່ປີນັ້ນ ດ້ອກເຕີ ຄາຍ ໄດ້
ຫລົບໜີຈາກເມືອງລາວກັບຄອບຄົວມາຢູ່ ສູນອົບພະຍົບນາໂພ
ປະເທດໄທ ແລະສູນອົບພະຍົບ ບາຕາອານ ປະເທດຟິລິບປີນ
ເປັນເວລາສັ້ນໆ ກ່ອນຈະເຂົ້າມາຕັ້ງຖິ່ນຖານຢູ່ໃນສະຫະລັດ.
ດ້ອກເຕີ ຄາຍ ກ່າວວ່າ ທ່ານບໍ່ມີຄວາມຊົງຈໍາ ກ່ຽວກັບຊີວິດຂອງ
ທ່ານ ໃນຕອນທີ່ຍັງເປັນເດັກນ້ອຍນັ້ນ.
ໃນທ້າຍປີດຽວກັນນັ້ນ ຄອບຄົວແກ້ວຈໍາປາ ໄດ້ເຂົ້າມາຕັ້ງຖິ່ນຖານຢູ່ທີ່ເມືອງ Houston ລັດ Texas ສະຫະລັດ ອາເມຣິກາ. ເນື່ອງຈາກການທໍາມາຫາກິນບໍ່ຄອຍສະດວກ ທ່ານບຸນມາຈຶ່ງໄດ້ພາຄອບຄົວ ຍ້າຍໄປຕັ້ງຖິ່ນຖານໃໝ່ຢູ່ເມືອງ Erving ລັດ Texas. ຢູ່ເມືອງ
ນີ້ເອງ ເດັກຊາຍຄາຍ ໄດ້ເລີ້ມເຂົ້າໂຮງ ຮຽນຈາກ ຊັ້ນປະຖົມ ແລະຈົບມັດທະຍົມ ໃນປີ 1986 ທີ່ ໂຮງຮຽນ Nimitz High School. ຫລັງຈາກນັ້ນ ທ່ານໄດ້ໄປຮຽນຕໍ່ທີ່ມະຫາວິລະຍາໄລ Pepperdine ຢູ່ທີ່ລັດ California.
ທ່ານ ຄາຍ ເກີດຢູ່ໃນຄອບຄົວຂອງນັກການແພດ. ຄວາມມັກຮັກໃນອາຊີບນີ້ ຈຶ່ງມີຢູ່ໃນ
ສາຍເລືອດຂອງທ່ານ ແລະທ່ານກໍຮູ້ດີຢູ່ໃນຈິດໃຈຂອງຕົນເອງຢູ່ສະ ເໝີມາ ຕັ້ງແຕ່ນ້ອຍແລ້ວວ່າ ຕົນຢາກເປັນໝໍຜ່າຕັດ ຄືກັນກັບພໍ່. ດ້ວຍເຫດນີ້ ທ່ານ ຄາຍ ຈຶ່ງໄດ້ເຈາະຈົງ ຮຽນກ່ຽວກັບວິຊາດ້ານການແພດມາຕະຫລອດ.
ໃນປີ 1991 ທ່ານ ຄາຍ ໄດ້ສໍາເລັດປະລິນຍາຕີ ຝ່າຍ Sports Medicine ຫລື ການແພດກິລາ ຈາກ ມະຫາວິທະຍາໄລ Pepperdine University. ຫລັງຈາກນັ້ນ ທ່ານ
ໄດ້ສຶກສາຕໍ່ອີກສີ່ປີ ທີ່ໂຮງຮຽນການແພດ ຢູ່ມະຫາວິທະຍາໄລ ເທັກຊັສ ຫລື School of Medecine, University of Texas ໂດຍເຈາະຈົງໃສ່ ການແພດ ຝ່າຍ ຫູ ດັງ ແລະຄໍ.
ໃນປີ 2006 ທ່ານ ຄາຍ ມີອາຍຸໄດ້ 27 ປີ ສໍາເລັດການສຶກສາຊັ້ນສູງ ແລະ ໄດ້ຮັບ ປະລິນ
ຍາເອກ ຫລື ດ້ອກເຕີ ແພດ ຝ່າຍ ຫູ ດັງ ແລະຄໍ. ເພື່ອໃຫ້ ສໍາເລັດຫລັກສູດ ກ່ອນອອກໄປປະກອບອາຊີບຢ່າງເປັນເອກກະລາດນັ້ນ ດ້ອກເຕີ ຄາຍ ຕ້ອງໄດ້ອອກເຝິກງານ ຄຽງຄູ່ກັບບັນດານາຍແພດມືອາຊີບ ເພື່ອສັງເກດການເບິ່ງປະສົບປະການໂຕຈິງອີກ ເປັນເວລາ 5 ປີ ທີ່ໂຮງໝໍຂອງມະຫາວິທະຍາໄລ Boston University/Boston Medical Center ຜະແນກ ຜ່າຕັດ ແລະຢູ່ໂຮງໝໍ Winchester ແລະ Massachusetts Eye ແລະ Ear Infirmary ທີ່ລັດ Massachusetts ດັ່ງທ່ານໄດ້ໃຫ້ການສໍາພາດຕໍ່
ວີໂອເອ ວ່າ:
ໃນປີ 1999 ດ້ອກເຕີ ຄາຍ ໄດ້ມີໂອກາດຕິດຕາມຄະນະນັກການແພດອາສາ ສະມັກ ເດີນທາງໄປປະເທດ Honduras ເພື່ອປີ່ີນປົວເດັກນ້ອຍສົບແຫວ່ງ ແລະໃນປີ 2010-11 ທ່ານໄດ້ອາສາສະມັກ ເດີນທາງໄປປິ່ນປົວເດັກນ້ອຍທີ່ ແຂວງອຸດົມໄຊ ສປປ ລາວ ພາຍໃຕ້ໂຄງການຂອງ Lao Rehabilitation Foundation ຫລືວ່າ ມູນນິທິ ປິ່ນປົວຟື້ນຟູລາວ ຊຶ່ງເປັນອົງການອາສາສະມັກ ທີ່ບໍ່ຂື້ນກັບລັດບານ. ພາຍໃຕ້ໂຄງການອາສາສະມັກອັນນີ້ ດ້ອກເຕີ ຄາຍ ໄດ້ມີໂອກາດ ຜ່າຕັດ ເດັກນ້ອຍສົບແຫວ່ງ ຄໍໜຽງ ຕາບອດ ແລະຫູໜວກ ຍ້ອນເປັນພະຍາດຕ່າງໆນັ້ນ ຫລາຍຄົນ.
ດ້ອກເຕີ ບຸນມະນີ ຄາຍ ແກ້ວຈໍາປາ ມີແຜນການຈະເດີນທາງ ຕິດຕາມຄະນະ ນາຍແພດ ອາສາສະມັກ ຂອງສະຫະລັດ ກັບຄືນໄປປິ່ວປົວບັນດາເດັກນ້ອຍລາວອີກ ທີ່ເຂດຊົນນະບົດ ທີ່ ສປປລ ໃນເດືອນກຸມພາ 2013 ປີໜ້ານີ້ອີກ. ດ້ອກເຕີ້ ແກ້ວຈໍາປາ ກ່າວວ່າ ທ່ານ ມັກເມືອງຫລວງພຣະບາງ ຊຶ່ງເປັນບ້ານເກີດຂອງພໍ່ ແລະມັກຄົນລາວ ທີ່ເປັນເຊື້ອສາຍຂອງທ່ານ. ທ່ານມີຄວາມຕັ້ງໃຈ ທີ່ຈະສືບຕໍ່ອາສາສະມັກ ກັບເມືອປິ່ນປົວປະຊາກອນລາວຜູ້ທຸກຈົນ ເວລາໃດທີ່ມີໂອກາດ ແລະມີຄວາມຝັນຢາກຈະກັບຄືນເມືອໃຊ້ຊີວິດຜັກຜ່ອນ ກິນເບ້ຍບໍາ ນານ ຢູ່ປະເທດລາວ ບ້ານເກີດເມືອງນອນ ໃນອະນາຄົດ.
ອາເມຣິກັນນັ້ນ ເປັນລູກຊາຍຄົນທີ່ສາມຂອງ ອະດີດ ພັນຕີ
ບຸນມາ ເຈມສ໌ ແກ້ວຈໍາປາ ນາຍໝໍທະຫານ ກອງທັບແຫ່ງ
ພະລາດຊະອານາຈັກລາວ ແລະທ່ານນາງ ຄໍາມົກ ອະດີດ
ນາງພະຍາບານ ທີ່ໂຮງໝໍ ໂອບີ ເມືອງ ປາກເຊ. ດຣ. ຄາຍ
ເກີດໃນປີ 1979 ຢູ່ທີ່ສູນສໍາມະນາ ແຂວງອັດຕະປື ສປປ ລາວ.
ໃນປີ 1983 ເວລາ ທ່ານ ມີອາຍຸໄດ້ສີ່ປີນັ້ນ ດ້ອກເຕີ ຄາຍ ໄດ້
ຫລົບໜີຈາກເມືອງລາວກັບຄອບຄົວມາຢູ່ ສູນອົບພະຍົບນາໂພ
ປະເທດໄທ ແລະສູນອົບພະຍົບ ບາຕາອານ ປະເທດຟິລິບປີນ
ເປັນເວລາສັ້ນໆ ກ່ອນຈະເຂົ້າມາຕັ້ງຖິ່ນຖານຢູ່ໃນສະຫະລັດ.
ດ້ອກເຕີ ຄາຍ ກ່າວວ່າ ທ່ານບໍ່ມີຄວາມຊົງຈໍາ ກ່ຽວກັບຊີວິດຂອງ
ທ່ານ ໃນຕອນທີ່ຍັງເປັນເດັກນ້ອຍນັ້ນ.
ໃນທ້າຍປີດຽວກັນນັ້ນ ຄອບຄົວແກ້ວຈໍາປາ ໄດ້ເຂົ້າມາຕັ້ງຖິ່ນຖານຢູ່ທີ່ເມືອງ Houston ລັດ Texas ສະຫະລັດ ອາເມຣິກາ. ເນື່ອງຈາກການທໍາມາຫາກິນບໍ່ຄອຍສະດວກ ທ່ານບຸນມາຈຶ່ງໄດ້ພາຄອບຄົວ ຍ້າຍໄປຕັ້ງຖິ່ນຖານໃໝ່ຢູ່ເມືອງ Erving ລັດ Texas. ຢູ່ເມືອງ
ນີ້ເອງ ເດັກຊາຍຄາຍ ໄດ້ເລີ້ມເຂົ້າໂຮງ ຮຽນຈາກ ຊັ້ນປະຖົມ ແລະຈົບມັດທະຍົມ ໃນປີ 1986 ທີ່ ໂຮງຮຽນ Nimitz High School. ຫລັງຈາກນັ້ນ ທ່ານໄດ້ໄປຮຽນຕໍ່ທີ່ມະຫາວິລະຍາໄລ Pepperdine ຢູ່ທີ່ລັດ California.
ທ່ານ ຄາຍ ເກີດຢູ່ໃນຄອບຄົວຂອງນັກການແພດ. ຄວາມມັກຮັກໃນອາຊີບນີ້ ຈຶ່ງມີຢູ່ໃນ
ສາຍເລືອດຂອງທ່ານ ແລະທ່ານກໍຮູ້ດີຢູ່ໃນຈິດໃຈຂອງຕົນເອງຢູ່ສະ ເໝີມາ ຕັ້ງແຕ່ນ້ອຍແລ້ວວ່າ ຕົນຢາກເປັນໝໍຜ່າຕັດ ຄືກັນກັບພໍ່. ດ້ວຍເຫດນີ້ ທ່ານ ຄາຍ ຈຶ່ງໄດ້ເຈາະຈົງ ຮຽນກ່ຽວກັບວິຊາດ້ານການແພດມາຕະຫລອດ.
ໃນປີ 1991 ທ່ານ ຄາຍ ໄດ້ສໍາເລັດປະລິນຍາຕີ ຝ່າຍ Sports Medicine ຫລື ການແພດກິລາ ຈາກ ມະຫາວິທະຍາໄລ Pepperdine University. ຫລັງຈາກນັ້ນ ທ່ານ
ໄດ້ສຶກສາຕໍ່ອີກສີ່ປີ ທີ່ໂຮງຮຽນການແພດ ຢູ່ມະຫາວິທະຍາໄລ ເທັກຊັສ ຫລື School of Medecine, University of Texas ໂດຍເຈາະຈົງໃສ່ ການແພດ ຝ່າຍ ຫູ ດັງ ແລະຄໍ.
ໃນປີ 2006 ທ່ານ ຄາຍ ມີອາຍຸໄດ້ 27 ປີ ສໍາເລັດການສຶກສາຊັ້ນສູງ ແລະ ໄດ້ຮັບ ປະລິນ
ຍາເອກ ຫລື ດ້ອກເຕີ ແພດ ຝ່າຍ ຫູ ດັງ ແລະຄໍ. ເພື່ອໃຫ້ ສໍາເລັດຫລັກສູດ ກ່ອນອອກໄປປະກອບອາຊີບຢ່າງເປັນເອກກະລາດນັ້ນ ດ້ອກເຕີ ຄາຍ ຕ້ອງໄດ້ອອກເຝິກງານ ຄຽງຄູ່ກັບບັນດານາຍແພດມືອາຊີບ ເພື່ອສັງເກດການເບິ່ງປະສົບປະການໂຕຈິງອີກ ເປັນເວລາ 5 ປີ ທີ່ໂຮງໝໍຂອງມະຫາວິທະຍາໄລ Boston University/Boston Medical Center ຜະແນກ ຜ່າຕັດ ແລະຢູ່ໂຮງໝໍ Winchester ແລະ Massachusetts Eye ແລະ Ear Infirmary ທີ່ລັດ Massachusetts ດັ່ງທ່ານໄດ້ໃຫ້ການສໍາພາດຕໍ່
ວີໂອເອ ວ່າ:
Your browser doesn’t support HTML5
ຟັງການສໍາພາດ ດ້ອກເຕິ ຄາຍ
ໃນປີ 1999 ດ້ອກເຕີ ຄາຍ ໄດ້ມີໂອກາດຕິດຕາມຄະນະນັກການແພດອາສາ ສະມັກ ເດີນທາງໄປປະເທດ Honduras ເພື່ອປີ່ີນປົວເດັກນ້ອຍສົບແຫວ່ງ ແລະໃນປີ 2010-11 ທ່ານໄດ້ອາສາສະມັກ ເດີນທາງໄປປິ່ນປົວເດັກນ້ອຍທີ່ ແຂວງອຸດົມໄຊ ສປປ ລາວ ພາຍໃຕ້ໂຄງການຂອງ Lao Rehabilitation Foundation ຫລືວ່າ ມູນນິທິ ປິ່ນປົວຟື້ນຟູລາວ ຊຶ່ງເປັນອົງການອາສາສະມັກ ທີ່ບໍ່ຂື້ນກັບລັດບານ. ພາຍໃຕ້ໂຄງການອາສາສະມັກອັນນີ້ ດ້ອກເຕີ ຄາຍ ໄດ້ມີໂອກາດ ຜ່າຕັດ ເດັກນ້ອຍສົບແຫວ່ງ ຄໍໜຽງ ຕາບອດ ແລະຫູໜວກ ຍ້ອນເປັນພະຍາດຕ່າງໆນັ້ນ ຫລາຍຄົນ.
ດັອກເຕີ ບຸນມະນີ ຄາຍ ແກ້ວຈໍາປາ ກໍາລັງຜ່າຕັດ
ດ້ອກເຕີ ບຸນມະນີ ຄາຍ ແກ້ວຈໍາປາ ມີແຜນການຈະເດີນທາງ ຕິດຕາມຄະນະ ນາຍແພດ ອາສາສະມັກ ຂອງສະຫະລັດ ກັບຄືນໄປປິ່ວປົວບັນດາເດັກນ້ອຍລາວອີກ ທີ່ເຂດຊົນນະບົດ ທີ່ ສປປລ ໃນເດືອນກຸມພາ 2013 ປີໜ້ານີ້ອີກ. ດ້ອກເຕີ້ ແກ້ວຈໍາປາ ກ່າວວ່າ ທ່ານ ມັກເມືອງຫລວງພຣະບາງ ຊຶ່ງເປັນບ້ານເກີດຂອງພໍ່ ແລະມັກຄົນລາວ ທີ່ເປັນເຊື້ອສາຍຂອງທ່ານ. ທ່ານມີຄວາມຕັ້ງໃຈ ທີ່ຈະສືບຕໍ່ອາສາສະມັກ ກັບເມືອປິ່ນປົວປະຊາກອນລາວຜູ້ທຸກຈົນ ເວລາໃດທີ່ມີໂອກາດ ແລະມີຄວາມຝັນຢາກຈະກັບຄືນເມືອໃຊ້ຊີວິດຜັກຜ່ອນ ກິນເບ້ຍບໍາ ນານ ຢູ່ປະເທດລາວ ບ້ານເກີດເມືອງນອນ ໃນອະນາຄົດ.