ເນຶ່ອງໃນໂອກາດບຸນປີໃໝ່ ລາຍການຊີວິດຊາວລາວ ຈະນຳສະເໜີການສຳພາດ ພຣະອາຈານທອງວັນ ອຸຕມະປັນໂຍ ເຈົ້າອາວາດ ວັດລາວເວີຈີເນຍ ທີ່ເມືອງ Lorton ລັດ Virginia. ພຣະອາຈານທອງວັນ ເປັນລູກບ້ານເປີບ ເມືອງແປກ ແຂວງຊ່ຽງຂວາງ ປະເທດລາວ. ທ່ານໄດ້ເລີ້ມເຂົ້າບວດເປັນສາມະເນນຕັ້ງແຕ່ອາຍຸ 12 ປີ. ຄວາມເປັນມາ ຂອງ ພຣະອາຈານທອງວັນ ອຸຕມະປັນໂຍ ເປັນມາຢ່າງໄດ້ນັ້ນ ກິ່ງສະຫວັນ ຈະນຳມາ ສະເໜີທ່ານໃນອັນດັບຕໍ່ໄປ.
Your browser doesn’t support HTML5
ເຊີນຟັງ ການສຳພາດ ພຣະອາຈານ ທອງວັນ ອຸຕມະປັນໂຍ
ສະບາຍດີປີໃໝ່ ປີນີ້ແມ່ນປີວອກ ຫລືປີລີງ ພ.ສ 2559 ລາຍການຊີວິດຊາວລາວ ຂອງ ວີໂອເອ ຈຶ່ງຈະນຳສະເໜີການສຳພາດ ກັບພຣະອາຈານທອງວັນ ອຸຕມະປັນໂຍ ເຈົ້າ ອາວາດ ວັດລາວເວີຈີເນຍ ທີ່ເຂດນະຄອນຫລວງ ວໍຊິງຕັນ ດີ.ຊີ ພຣະອາຈານທອງວັນ ດາຣາວົງ ມີສາຍານາມວ່າ ພຣະອຸຕມະປັນໂຍ ເປັນລູກຄົນທີ່ແປດຂອງທັງໝົດໝົດ 12 ຄົນ. ທ່ານເກີດທີ່ບ້ານເປີບ ຫລືຮູ້ອີກວ່າ ບ້ານລາດບວກ ເມືອງແປກ ແຂວງຊຽງຂວາງ. ພຣະອາຈານທອງວັນ ໄດ້ເກີດມີຄວາມເຫລື້ອມໄສໃນ ພຣະພຸດທະສາສະໜາ ມາແຕ່ຍັງ ນ້ອຍໆ. ທ່ານໄດ້ຂໍລາພໍ່ແມ່ເຂົ້າບວດຕັ້ງແຕ່ອາຍຸ 12 ປີ ມາຈົນເຖິງປັດຈຸບັນ ຊຶຶ່ງອາຍຸຂອງທ່ານໄດ້ 39 ປິແລ້ວ.
ປັດຈຸບັນນີ້ ພຣະອາຈານທອງວັນ ເປັນເຈົ້າອາວາດ ວັດລາວເວີຈີເນຍ ຊຶ່ງເປັນວັດນຶ່ງໃນ ຈຳນວນ 115 ວັດພຣະພຸດທະສາສະໜາ ຫິນະຍານ ຂອງປະຊາຄົມອາເມຣິກັນລາວ ຢູ່ ໃນສະຫະລັດ. ພຣະອາຈານທອງວັນ ໄດ້ເລົ່າຊີວິດເບື້ອງຕົ້ນໃຫ້ວີໂອເອ ຟັງດັ່ງນີ້ :
ພຣະອາຈານ ທອງວັນ ອຸຕມະປັນໂຍ
Your browser doesn’t support HTML5
ເຊີນຟັງ ພຣະອາຈານທອງວັນ ອຸຕມະປັນໂຍ 1
ໃນຂະນະທີ່ພຣະອາຈານທອງວັນ ກຳລັງສຶກສາຝ່າຍທຳມະ ຢູ່ທີ່ປະເທດໄທນັ້ນ ທ່ານໄດ້ຖືກທາບທາມນິມົນຈາກ ບັນດາອອກຕົນຍາດໂຍມມາເຜີຍແຜ່ພຸດທະສາສະໜາ ແລະເປັນຜູ້ນຳພາແກ່ສັງຄົມອາເມຣິກັນເຊື້ອສາຍລາວ ໃນສະຫະລັດ ຊຶ່ງທ່ານໄດ້ເລົ່າຕອນນີ້ສູ່ຟັງວ່າ :
Your browser doesn’t support HTML5
ເຊີນຟັງ ພຣະອາຈານທອງວັນ ອຸຕມະປັນໂຍ 2
ສະຫະລັດ ອາເມຣິກາ ເປັນປະເທດທີ່ກວ້າງໃຫຍ່ໄພສານ ການໄປມາຫາກັນຕ້ອງຂີ່ ເຮືອບິນ ຫລືຖ້າຂັບລົດກໍຕ້ອງໄດ້ໃຊ້ເວລາຫລາຍຊົ່ວໂມງ ນອກນັ້ນຍັງມີ ມີສີ່ລະດູ ເຊັ່ນ ວ່າລະດູບານໃໝ່ ລະດູຮ້ອນ ລະດູໃບໄມ້ຫລົ່ນ ແລະລະດູໜາວ ຊຶ່ງເປັນລະດູທີ່ໄປມາ ຍາກ ເນື່ອງຈາກອາກາດໜາວຈັດ ແລະມີຫິມະຕົກ ຊຶ່ງພຣະອາຈາກທອງວັນ ໄດ້ເລົ່າ ປະສົບການສູ່ຟັງດັ່ງນີ້
ບັນດາພຣະພິຂຸສົງ ຢືນຢູ່ຕໍ່ໜ້າ ວັດລາວເວີຈີເນຍ
Your browser doesn’t support HTML5
ເຊີນຟັງ ພຣະອາຈານທອງວັນ ອຸຕມະປັນຍາ 3
ວັດວາອາຮາມພຣະພຸດທະສາສະໜາຂອງສັງຄົມອາເມຣິກັນລາວ ບາງບ່ອນຕັ້ງປະປົນ ຢູ່ກັບບັນດາບ້ານເຮືອນຂອງຊາວອາເມຣິກັນ ແລະບາງບ່ອນກໍມີດິນຢູ່ຮ່າງໄກເປັນຂອງ ຕົນເອງ. ພຣະອາຈານທອງວັນ ໄດ້ເລົ່າຊີວີດການເປັນຢູ່ ແລະກິດຈະການຂອງພຣະພິ ຂຸສົງ ໃນແຕ່ລະວັນສູ່ຟັງດັ່ງນີ້ :
Your browser doesn’t support HTML5
ເຊີນຟັງ ພຣະອາຈານທອງວັນ ອຸຕມະປັນຍາ 4
ເນື່ອງໃນວາລະໂອກາດບຸນປີໃໝ່ລາວ ພ.ສ 2559 ນີ້ ພຣະອາຈານທອງວັນ ອຸຕະມະປັນໂຍ ໄດ້ເລົ່າເຖິງຄວາມສຳຄັນຂອງບຸນປີໃໝ່ລາວ ແລະໄດ້ອວຍພອນແກ່ບັນດາພຸດທະສາສະນິກະຊົນດັ່ງນີ້ :
ບັນດາພຣະພິຂຸສົງ ທີ່ວັດລາວເວີຈີເນຍ
Your browser doesn’t support HTML5
ເຊີນຟັງ ພຣະອາຈານທອງວັນ ອຸຕມະປັນຍາ 5
ພ້ອມໆດຽວກັນນີ້ ພວກຂ້າພະເຈົ້າຄະນະຈັດທຳລາຍການພາກພາສາລາວ ປະຈຳວິທະຍຸ ວີໂອເອ ຈຶ່ງຂໍຖືໂອກາດອັນສັກສິດນີ້ອວຍພອນໃຫ້ທ່ານຜູ້ຟັງ ພ້ອມດ້ວຍຄອບຄົວ ເພື່ອນມິດທີ່ຢູ່ໃກ້ ແລະໄກທຸກທ່ານຈົ່ງປະສົບຜົນສຳເລັດທຸກສິ່ງ ທຸກປະການດ້ວຍເຖີດ.