ທ່ານຜູ້ຟັງທີ່ເຄົາລົບ ລາຍການຊີວິດຊາວລາວ ມື້ນີ້ຈະນຳພາ
ທ່ານຟັງການສຳພາດ ແລະຟັງເພງ ຕ່າຍ ດອກເກດ ນັກຮ້ອງ
ນັກປະພັນ ເພງຍອດນິຍົມ ຈາກ ສປປ ລາວ ທີ່ກຳລັງເດີນ
ທາງຢ້ຽມຢາມ ສະແດງຜົນງານຢູ່ທົ່ວ ສະຫະລັດ. ຕ່າຍ ເປັນ
ນັກສິນລະປິນສາວ ທີ່ໜ້າຮັກ ມີພອນສະຫວັນ ແລະກຳລັງ
ເປັນທີ່ນິຍົມ ຢູ່ໃນ ສປປ ລາວ ແລະນອກປະເທດ. ຄວາມ
ເປັນມາກ່ຽວກັບ ຕ່າຍ ດອກເກດ ເປັນຢ່າງໃດນັ້ນ
ກິ່ງສະຫວັນ ຈະນຳເລື້ອງນີ້ມາ ສະເໜີທ່ານໃນດັນດັບຕໍ່ໄປ.
Your browser doesn’t support HTML5
ຟັງການສຳພາດ ຕ່າຍ ດອກເກດ ສິນລະປິນ ຈາກ ສປປ ລາວ
ສະບາຍດີທ່ານຜູ້ຟັງທີ່ເຄົາລົບ ລາຍການຊີວິດຊາວລາວ ມື້ນີ້ ຂ້າພະເຈົ້າຈະນຳສະເໜີ
ການສຳພາດ ຕ່າຍ ດອກເກດ ນັກຮ້ອງ ນັກປະພັນ ສາວທີ່ໜ້າຮັກ ຈາກ ສປປ ລາວ
ແລະພ້ອມດຽວກັນນີ້ ທ່ານຈະໄດ້ຟັງຍອດນິຍົມຂອງ ຕ່າຍ ໜ້ອຍນຶ່ງ. ຕ່າຍ ເດີນທາງມາ
ຮອດ ສະຫະລັດ ໃນເດືອນເມສາ ແລະໄດ້ເລີ້ມເດີນທາງໄປຮ້ອງເພງ ກ່ອມອາຣົມບັນດາ
ປະຊາກອນ ລາວ-ອາເມຣິກັນ ຢູ່ໃນຫລາຍລັດ. ໃນວັນທີ 18 ເດືອນເມສາ ທີ່ຜ່ານມານີ້
ຕ່າຍ ໄດ້ເດີນທາງມາຢ້ຽມຢາມເຂດ ນະຄອນຫລວງ ວໍຊິງຕັນ ດີ.ຊີ ແລະໄດ້ມາກ່ອມອາ
ຣົມ ພີ່ນ້ອງລາວ-ອາເມຣິກັນ ຢູ່ໃນພິທີສະຫລອງບຸນປີໃໝ່ລາວ ທີ່ວັດລາວພຸດທະວົງ.
ທ່ານເກດ ຣາດຊສະມຸນຕີ ນັກສົ່ງເສີມນັກສິນລະປິນ ແລະຜູ້ຮັບປະກັນເອົາ ຕ່າຍ ດອກເກດ
ມາໄດ້ເລົ່າຄວາມເປັນມາເບື້ອງຕົ້ນສູ່ ວີໂອເອ ດັ່ງນີ້ :
ທ່ານເກດ ຣາດຊະມຸນຕຣີ ນັກສົ່ງເສີມສິນລະປິນລາວ
Your browser doesn’t support HTML5
ຟັງການສຳພາດ ທ່ານເກດ ຣາດຊະມຸນຕຣີ ນັກສົ່ງເສີມສິນລະປິນລາວ
ຕ່າຍ ດອກເກດ ເປັນລູກຫລານບ້ານໂນນຂີ້ເຫລັກ ເມືອງສີໂຄດຕະບອງ ນະຄອນຫລວງວຽງຈັນ ປະເທດລາວ. ນາງເປັນນັກຮ້ອງທີ່ມີພອນສະຫວັນ ເປັນທີ່ຮູ້ກັນດີຢູ່ໃນ ນະຄອນ
ຫລວງວຽງຈັນ ແລະໄດ້ຖືກເຊີນໄປຮ້ອງເພງກ່ອມອາຣົມຢູ່ໃນພິທີຕ່າງໆບໍ່ໄດ້ຂາດ. ຕ່າຍໄດ້ເລົ່າຊີວິດເບື້ອງຕົ້ນສູ່ ວີໂອເອ ຟັງດັ່ງນີ້ :
ຕ່າຍ ດອກເກດ ທີ່ວັດລາວພຸດທະວົງ ລັດ ເວີຈີເນຍ
Your browser doesn’t support HTML5
ຟັງການສຳພາດ ຕ່າຍ ດອກເກດ ສິນລະປິນ ຈາກ ສປປ ລາວ 1
ຕ່າຍ ໄດ້ນຳເອົາເພງອຳມະຕະຂອງ ບັນດານັກສິນລະປິນອະວຸໂສຫລາຍໆທ່ານມາຮ້ອງ ກ່ອມອາຣົມ ແລະໄດ້ດັດແປງໃຫ້ເຂົ້າກັບ ວິທີການຮ້ອງຂອງນາງເອງ. ນອກຈາກນັ້ນອີກແລ້ວ ຕ່າຍ ຍັງໄດ້ແຕ່ງເພງຂອງຕົນເອງຫລາຍເພງ ທີ່ຫາກໍ ນຳອອກມາເຜີຍແຜ່ໃຫ້ຊາວລາວໄດ້ຟັງກັນຢ່າງມ່ວນຊື່ນ ຊຶ່ງ ຕ່າຍໄດ້ເລົ່າຕໍ່ໄປວ່າ :
ຕ່າຍ ກຳລັງຍ່າງເລາະຮ້ອງເພງ ກ່ອມອາຣົມແຟນໆເພງ
Your browser doesn’t support HTML5
ຟັງການສຳພາດ ຕ່າຍ ດອກເກດ ສິນລະປິນ ຈາກ ສປປ ລາວ 2
ຕ່າຍ ໄດ້ເວົ້າເຖິງຄວາມຮູ້ສຶກກ່ຽວກັບການຢ້ຽມຢາມ ສະຫະລັດ ຄັ້ງທຳອິດໃນຊີວິດດັ່ງນີ້ :
ຕ່າຍ ໄດ້ເງິນໃບ 20 ໂດລາ ເຕັມກຳມື
Your browser doesn’t support HTML5
ຟັງການສຳພາດ ຕ່າຍ ດອກເກດ ສິນລະປິນ ຈາກ ສປປ ລາວ 3
ນັ້ນແມ່ນການສຳພາດ ຕ່າຍ ດອກເກດ ນັກສິນລະປິນສາວ ທີ່ກຳລັງເດີນທາງ ຢ້ຽມຢາມກ່ອມອາຮົມພີ່ນ້ອງລາວ-ອາເມຣິກັນ ຢູ່ທົ່ວ ສະຫະລັດ ແລະກ່ອນຈາກກັນໄປວັນນີ້ ມາຟັງເພງທີ່ມີຊື່ວ່າ “ຢຽບນ້ອງຈົມດິນ” ຊຶ່ງເປັນເພງສະແດງເຖິງຄວາມຜິດຫວັງ ເຈັບປວດ ແລະຊອກຊໍ້າ. ທ້າຍສຸດນີ້ ພວກເຮົາຂໍອວຍພອນໃຫ້ ຕ່າຍ ດອກເກດ ຈົ່ງປະສົບຜົນສຳເລັດໃນການມາສະແດງຜົນງານ ຢູ່ໃນ ສະຫະລັດ.
Your browser doesn’t support HTML5
ຟັງເພງ ຕ່າຍ ດອກເກດ "ຢຽບນ້ອງຈົມດິນ"
ນັ້ນຄືເພງ “ຢຽບນ້ອງໃຫ້ຈົມດິນ” ທີ່ຕ່າຍປະພັນ ແລະຮ້ອງເອງ ຊຶ່ງກຳລັງໄດ້ຮັບຄວາມນິຍົມຢູ່ໃນເວລານີ້.