ເມື່ອໄວໆຜ່ານມານີ້ ພົນເຮືອຕີ Samuel Perez Jr. ຮອງລັດຖະ
ມົນຕີຊ່ອຍວ່າການ ກະຊວງການຕ່າງປະເທດສະຫະລັດ ຮັບຜິດ
ຊອບກ່ຽວກັບເລື້ອງແຜນງານ ໂຄງການ ແລະການປະຕິບັດການ
ປະຈຳຫ້ອງການ ກິດຈະການດ້ານການເມືອງ ຝ່າຍທະຫານ ໄດ້
ເດີນທາງໄປຢ້ຽມຢາມ ສປປ ລາວແລະລຸນຫຼັງກັບມາເຖິງ ສະຫະ
ລັດແລ້ວທ່ານໄດ້ໃຫ້ສຳພາດແກ່ວີໂອເອພາກພາສາລາວ ດັ່ງໄພ
ສານ ຈະນຳມາສະເໜີທ່ານ ໃນອັນດັບຕໍ່ໄປ.
Your browser doesn’t support HTML5
ຟັງລາຍງານ ພົນເຮືອຕີ Samuel Perez Jr. ໃຫ້ສຳພາດ ກ່ຽວກັບ ການໄປຢ້ຽມຢາມ ລາວ
ພົນເຮືອຕີ Samuel Perez Jr. ຮອງລັດຖະມົນຕີຊ່ອຍວ່າການກະຊວງການຕ່າງປະເທດ ສະຫະລັດ ຮັບຜິດຊອບກ່ຽວກັບເລື້ອງແຜນງານ ໂຄງການແລະການປະຕິບັດການ ປະຈຳ ຫ້ອງການກິດຈະການດ້ານການເມືອງ ຝ່າຍທະຫານໄດ້ເດີນທາງໄປຢ້ຽມຢາມ ສປປ ລາວ ເປັນເທື່ອທຳອິດ ຊຶ່ງທ່ານກ່າວກ່ຽວ ກັບການໄປຢ້ຽມຢາມໃນຄັ້ງນີ້ວ່າ:
“ນີ້ແມ່ນການຢ້ຽມຢາມລາວເປັນເທື່ອທຳອິດຂອງຂ້າພະເຈົ້າ ດັ່ງນັ້ນຂ້າພະເຈົ້າຈຶ່ງ
ຮູ້ສຶກຕື່ນເຕັ້ນເປັນທີ່ສຸດ ທີ່ໄດ້ມີໂອກາດ ບໍ່ພຽງແຕ່ໄປເຫັນ ປະເທດລາວເທົ່ານັ້ນ
ແຕ່ຍັງໄດ້ໄປເຫັນ ການເປັນພາຄີ ຂອງປະເທດເຮົາທັງສອງ ແລະສິ່ງທີ່ຂ້າພະເຈົ້າ
ໄດ້ເຫັນ ແມ່ນຄວາມໝາຍໝັ້ນຂອງລັດຖະບານລາວ ແລະແນ່ນອນ ໂດຍເຫັນໄດ້
ແຈ້ງຂອງສະຫະລັດເຊັ່ນດຽວກັນ ແລະ ຂອງບັນດາກຸ່ມອົງການຈັດຕັ້ງທີ່ບໍ່ຂຶ້ນກັບ
ລັດຖະບານ ທີ່ມີຄວາມໝາຍໝັ້ນເພື່ອເຮັດໃຫ້ລາວ ປອດຈາກຜົນກະທົບຂອງສິ່ງ
ເສດເຫຼືອຈາກສົງຄາມ. ຖ້າພວກທ່ານຫາກເບິ່ງຂໍ້ມູນແລ້ວແມ່ນມີລະເບີດເປັນຈຳ
ນວນຫຼວງຫລາຍຢ່າງໜ້າຕົກໃຈ ທີ່ໄດ້ຖືກຖິ້ມລົງໃສ່ລາວ ແຕ່ເຖິງປານນັ້ນ ລັດຖະ
ບານລາວກໍໄດ້ຕັ້ງເປົ້າໝາຍອັນວິເສດ ຊຶ່ງເປັນເປົ້າໝາຍທີ່ມີຄວາມຫວັງສູງ ເພື່ອ
ຈະສ້າງຄວາມແຕກຕ່າງ ເຊັ່ນຕົວຢ່າງ ຂ້າພະເຈົ້າຄິດວ່າ ໃນປີກາຍນີ້ ພວກເຂົາ
ເຈົ້າມີຜູ້ເສຍຊີວິດ 41 ຄົນ ຄືຢູ່ໃນຈຳນວນປະມານ 40 ຄົນເສຍ ຊີວິດຍ້ອນລະ
ເບີດທີ່ບໍ່ທັນແຕກ. ແຕ່ 40 ກໍແມ່ນຍັງສູງເກີນໄປ. ແມ່ນແຕ່ຜູ້ນຶ່ງກໍຍັງສູງຫຼາຍເກີນ
ໄປຢູ່ ແຕ່ຖ້າຫາກທ່ານເບິ່ງໄປຍັງຈຳນວນຜູ້ເສຍຊີວິດທີ່ຫລຸດລົງແລ້ວ ມັນເປັນຂໍ້
ພິສູດທີ່ສະແດງໃຫ້ເຫັນວ່າ ລັດຖະບານລາວໄດ້ໃຊ້ການຊ່ອຍເຫລືອຈາກສະຫະ
ລັດແລະປະເທດອື່ນໆແບບໃດ ເພື່ອຫລຸດຜ່ອນຜົນກະທົບ ຈາກລະເບີດທີ່ບໍ່ທັນ
ແຕກ.”
Your browser doesn’t support HTML5
rear-admiral-samuel-perez-jr
ຕໍ່ຄຳຖາມທີ່ວ່າ ໃນແຕ່ລະປີສະຫະລັດໄດ້ໃຫ້ການຊ່ອຍເຫລືອແກ່ໂຄງການເກັບກູ້ລະເບີດ ທີ່ບໍ່ທັນແຕກຂອງລາວຫລາຍປານໃດ? ການຊ່ອຍເຫລືອເຫລົ່ານີ້ຮວມທັງເຈົ້າໜ້າທີ່ ແລະ ອຸບປະກອນບໍ? ແລະເງິນຊ່ອຍເຫລືອ ໄດ້ມີການແຈກຢາຍແບບໃດ? ພົນເຮືອຕີ Perez
ກ່າວວ່າ:
“ພວກເຮົາໄດ້ດຳເນີນງານ ຜ່ານອົງການຈັດຕັ້ງທີ່ບໍ່ຂຶ້ນກັບລັດຖະບານ ແລະກຸ່ມ
ສັນຍາຈ້າງຕ່າງໆ ເຖິງແມ່ນພວກເຮົາເປັນພາຄີກັບລັດຖະບານລາວກໍຕາມ ແຕ່
ພວກເຮົາກໍໃຊ້ກຸ່ມສັນຍາຈ້າງ ແລະບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານ
ຕ່າງໆ ເພື່ອດຳເນີນວຽກງານແລະພວກເຮົາພົບວ່ານັ້ນເປັນວິທີທາງທີ່ມີປະສິດທິ
ຜົນຫຼາຍເພື່ອໃຫ້ເປັນທີ່ແນ່ໃຈວ່າ ພວກເຮົາໄດ້ຜູ້ຄົນທີ່ຖືກຕ້ອງ ມີຄວາມສາມາດ
ພຽບພ້ອມ ເໝາະສົມກັບວຽກງານ ທີ່ຕ້ອງໄດ້ເຮັດ ແລະກ່ຽວກັບວ່າ ມັນເປັນເງິນ
ຫຼວງຫຼາຍປານໃດນັ້ນ ຂ້າພະເຈົ້າຂໍກ່າວເລື້ອງນີ້ຈາກມຸມມອງຂອງຂົງເຂດ ແລະ
ລັດຖະບານຂອງພວກເຮົາແມ່ນມີຄວາມໝາຍໝັ້ນ ຕໍ່ການສ້າງຄວາມກ້ຳເກິ່ງຄືນ
ໃໝ່ໄປຍັງຂົງເຂດປາຊີຟິກ ຂົງເຂດເອເຊຍ ຖ້າທ່ານຫາກເບິ່ງໄປແລ້ວ ພວກເຮົາ
ໄດ້ເພີ້ມຂຶ້ນຈາກ 20 ລ້ານ ເປັນ 30 ລ້ານ ແລະຂ້າພະເຈົ້າຄິດວ່ານັ້ນແມ່ນໄດ້ສະ
ແດງໃຫ້ເຫັນຄວາມໝາຍໝັ້ນທີ່ລັດຖະບານພວກເຮົາມີບໍ່ແມ່ນພຽງແຕ່ຕໍ່ລາວ ແຕ່
ຕໍ່ຂົງເຂດທັງໝົດ ກ່ຽວກັບວ່າ ພວກເຮົາມີຄວາມຈິງຈັງຂະໜາດໃດ ໃນການຊ່ອຍ
ເຫລືອເພື່ອກຳຈັດຜົນກະທົບຈາກເສດເຫລືອຂອງສົງຄາມແລະຂ້າພະເຈົ້າຄິດວ່າ
ນັ້ນແມ່ນຂໍ້ພິສູດໃຫ້ເຫັນການອຸທິດຕົນຂອງບຸກຄົນຈຳນວນນຶ່ງ ທີ່ເຮັດວຽກຢ່າງບໍ່
ຮູ້ອິດເມື່ອຍ ຊຶ່ງໄດ້ດຳເນີນການເພື່ອເຮັດໃຫ້ລັດຖະສະພາຮູ້ຈັກກ່ຽວກັບເລື່ອງນີ້
ແລະບັນດາສະມາຊິກສະພາທີ່ຮັບຮູ້ ພ້ອມທັງພະນັກງານ ທີ່ໄດ້ອອກມາກ່າວວ່າ
ນີ້ແມ່ນສິ່ງທີ່ຖືກຕ້ອງ ທີ່ຈະໄດ້ດຳເນີນກັນ ດັ່ງນັ້ນພວກເຮົາຈະສືບຕໍ່ຄວາມໝາຍ
ໝັ້ນອັນນັ້ນ ແລະຈະດຳເນີນການໃຫ້ດີທີ່ສຸດເທົ່າ ທີ່ພວກເຮົາສາມາດເຮັດໄດ້.”
Your browser doesn’t support HTML5
Rear Admiral Perez3.mov
ມີແຂວງໃດແດ່ຂອງລາວໄດ້ຮັບການຊ່ອຍເຫລືອຈາກກສະຫະລັດໃນເວລານີ້ ແລະແມ່ນ ຫຍັງຄືບູລິມະສິດຂອງສະຫະລັດ? ພົນເຮືອຕີ Perez ກ່າວວ່າ:
“ຂ້າພະເຈົ້າບໍ່ສາມາດບອກໄດ້ວ່າມີຈັກແຂວງແທ້ ແຕ່ຂ້າພະເຈົ້າສາມາດເວົ້າໄດ້
ວ່າ ໃນລະຫວ່າງການເດີນທາງ ຂອງຂ້າພະເຈົ້ານັ້ນ ພວກເຮົາໄດ້ເດີນທາງ ແຕ່
ພາກໃຕ້ໄປຫາພາກເໜືອຂອງປະເທດ ໄປຫາແຂວງຊຽງຂວາງ ຊຶ່ງຂ້າພະເຈົ້າບໍ່
ໄດ້ກຽມຕົວໄປເລີຍ ວ່າຊຽງຂວາງຈະໜາວຂະໜາດໃດໃນເວລານັ້ນ ຂ້າພະເຈົ້າ
ແມ່ນໜາວຫຼາຍຕະຫລອດເວລາການຢ້ຽມຢາມ ຂ້າພະເຈົ້າໄດ້ຄາດວ່າ ອາກາດ
ຢູ່ທີ່ນັ້ນຈະອຸ່ນກວ່ານີ້ຫຼາຍກ ແຕ່ມັນແມ່ນຄວາມໝາຍໝັ້ນຂອງລັດຖະບານລາວ
ໂດຍທັງໝົດ ບໍ່ແມ່ນພຽງແຕ່ກັບແຂວງຕ່າງໆ ດັ່ງນັ້ນ ພວກເຮົາໄດ້ດຳເນີນງານ
ຢ່າງໃກ້ຊິດກັບລັດຖະບານລາວ ໃນຂະນະທີ່ພວກເຮົາ ລະບຸເຂດຕ່າງໆທີ່ຕ້ອງ
ເຮັດໃຫ້ມີຄວາມປອດໄພ ໃນຂະນະທີ່ພວກເຮົາລະບຸເຂດຕ່າງໆທີ່ຕ້ອງໄດ້ເກັບ
ກູ້ແລະສຳຫລັບລັດຖະບານລາວນັ້ນ ພວກເຮົາຂໍຊຸກຍູ້ໃຫ້ເຂົາເຈົ້າສ້າງຕັ້ງຂໍ້ມູນ
ແຫ່ງຊາດ ເພື່ອວ່າພວກເຮົາຈະໄດ້ກຳນົດບູລິມະສິດ ໃນການດຳເນີນຄວາມພະ
ຍາຍາມຂອງພວກເຮົາ.”
Your browser doesn’t support HTML5
Rear Admiral Perez4.mov
ຍັງມີຄົນລາວຈຳນວນນຶ່ງ ທີ່ຍັງມີຄວາມຮູ້ສຶກທີ່ບໍ່ດີ ຕໍ່ສະຫະລັດ ຍ້ອນບັນຫາລະເບີດທີ່ບໍ່ ທັນແຕກ ແລະພວກເຂົາເຈົ້າກ່າວວ່າ ການຊ່ອຍເຫລືອທີ່ສະຫະລັດໃຫ້ແກ່ລາວນັ້ນແມ່ນ ຍັງໜ້ອຍຢູ່ ຖ້າສົມທຽບໃສ່ ລະເບີດທີ່ບໍ່ທັນແຕກ ຊຶ່ງຈະບໍ່ມີມື້ກຳຈັດໃຫ້ໝົດໄປ ຈາກດິນ ລາວໄດ້. ກ່ຽວກັບເລື່ອງນີ້ພົນເຮືອຕີ Perez ກ່າວວ່າ
“ບາດແຜສົງຄາມແມ່ນເລິກຫຼາຍແລະມັນເປັນການຍາກ ໂດຍສະເພາະສຳຫລັບ
ຜູ້ທີ່ສູນເສຍລູກເຕົ້າ ຫຼືພໍ່ແມ່ ຫຼືຜູ້ໃດກໍຕາມ ໃນສົງຄາມເຫຼົ່ານັ້ນ ທີ່ຈະລຶບລ້າງສິ່ງ
ນັ້ນໄປຈາກຈິດໃຈ ຂ້າພະເຈົ້າເຂົ້າໃຈດີ ທີ່ວ່າມີຍັງຫລາຍໆຄົນ ຍັງມີຄວາມໂກດ
ແຄ້ນຢູ່ ແລະຂ້າພະເຈົ້າຄິດວ່າ ຖ້າທ່ານເບິ່ງຢູ່ ໃນສະຫະລັດນີ້ ກໍຍັງມີຫຼາຍໆຄົນ
ທີ່ຍັງມີຄວາມໂກດແຄ້ນກ່ຽວກັບສົງຄາມນັ້ນ ຄືກັນ ແຕ່ນັ້ນບໍ່ແມ່ນສິ່ງທີ່ພວກເຮົາ
ຢາກເພັ່ງເລັງໃສ່. ສິ່ງທີ່ພວກເຮົາຢາກເພັ່ງເລັງກໍຄືຜູ້ຄົນທີ່ອາໄສຢູ່ໃນລາວເວລາ
ນີ້ ຊ່ວຍເຫລືອເຂົາເຈົ້າ ແລະເຮັດໃຫ້ປະເທດຂອງເຂົາເຈົ້າ ປອດຈາກຜົນກະທົບ
ຂອງສົງຄາມໃຫ້ຫຼາຍເທົ່າທີ່ຈະຫຼາຍໄດ້ແລະພວກເຮົາມີຄວາມໝັ້ນໝາຍໃນການ
ດຳເນີນງານດັ່ງກ່າວ ໂດຍການເປັນພາຄີກັບລັດຖະບານແລະບັນດາອົງການຈັດ
ຕັ້ງທີບໍ່ຂຶ້ນກັບລັດຖະບານຈົນກວ່າວຽກນີ້ຈະສຳເລັດເສັດສິ້ນລົງແລະບໍ່ເປັນຫຍັງ
ຖ້າພວກເຂົາເຈົ້າ ຍັງບໍ່ມັກເຮົາ ເຖິງຢ່າງໃດ ພວກເຮົາກໍຈະເປັນພາຄີ ກັບລັດຖະ
ບານເຂົາເຈົ້າ ພວກເຮົາຈະເຮັດໃນສິ່ງທີ່ຖືກຕ້ອງ.”
Your browser doesn’t support HTML5
Rear Admiral Perez6.mov