ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວມື້ນີ້ ເຮົາຈະ
ນຳສະເໜີ ການສຳພາດກັບ ທ່ານນາງທິນນະກອນ ອາຣຸນສັກ
ນັກບໍລິຫານອະວຸໂສ ຂອງ ບໍລິສັດ ເພສັດຊະກຳ ຜະລິດຢາ
ປົວພະຍາດເບົາຫວານ ທີ່ມີຊື່ສຽງ Novo Nordisk ຂອງ
ປະເທດ Denmark. ວຽກງານຄວາມກ້າວໜ້າຂອງ ສະຕີ
ເຊື້ອ ສາຍລາວຄົນນີ້ແມ່ນເປັນທີ່ໜ້າພາກພູມໃຈ ແລະໜ້າ
ສັນລະເສີນ. ທ່ານນາງທິນນະກອນ ມີໜ້າທີ່ອົບຮົມ ຕິດຕາມ
ກົດລະບຽບ ແລະກົດໝາຍການຜະລິດຢາ ໃຫ້ແກ່ບັນດາພະ
ນັກງານ ທີ່ມີໂຮງງານຜະລິດຢາຢູ່ໃນເຈັດປະເທດ. ຊີວິດ
ຄວາມເປັນມາທີ່ໄດ້ນຳພາ ທ່ານນາງທິນນະກອນ ມາຕັ້ງຖິ່ນ
ຖານຢູ່ ປະເທດ Denmark ເປັນມາຢ່າງໃດນັ້ນ ກິ່ງສະຫວັນ
ຈະນຳເລື້ອງນີ້ມາສະເໜີທ່ານ ໃນອັນດັບຕໍ່ໄປ.
Your browser doesn’t support HTML5
ຟັງການສຳພາດ ທ່ານນາງ ທິນນະກອນ ອາຣຸນສັກ
ສະບາຍດີ ທ່ານຜູ້ຟັງທີ່ເຄົາລົບ ມື້ນີ້ ຂ້າພະເຈົ້າ ຂໍແນະນຳໃຫ້ ທ່ານຮູ້ຈັກກັບ ທ່ານນາງ
ທິນນະກອນ ອາຣຸນສັກ ອີກຄັ້ງນຶ່ງ ຊຶ່ງເປັນເວລາຫລາຍປີ ທີ່ຜ່ານມາ ວີໂອເອ ໄດ້ນຳ
ເອົາຊີວິດການປະຕິບັດງານຂອງ ທ່ານນາງມາເລົ່າສູ່ຟັງ. ບັດນີ້ ທ່ານນາງ ທິນນະກອນ
ໄດ້ກ້າວຂື້ນມາເປັນ ນັກບໍລິຫານອະວຸໂສ ໃຫ້ແກ່ ບໍລິສັດຜະລິດຢາປົວພະຍາດ Novo Nordisk ປັດຈຸບັນນີ້ຕັ້ງຖິ່ນຖານຢູ່ ພະລາຊະອານາຈັກ Denmark ຕັ້ງຢູ່ພາກເໜືອສຸດ
ຂອງຢູໂຣບໃກ້ກັບຂົ້ວໂລກເໜືອ. ປະເທດ Denmark ຢູ່ໃນກຸ່ມ ປະເທດ Nordic ທີ່ປະ
ກອບດ້ວຍ Findland, Iceland, Norway ແລະ Sweden ແລະບັນດາຂົງເຂດໝູ່
ເກາະທີ່ປົກຄອງຕົນເອງຄື Aland Islands, the Faroe Islands ແລະ Greenlands.
Denmark ເປັນປະເທດເກາະດອນ ຕັ້ງຢູ່ທາງໃຕ້ຂອງເຂດ Nordic ແລະມີປະຊາກອນ
ຢູ່່ 5,671.050 ຄົນ.
ແຜນທີ່ ປະເທດເດັນມາກ
ເປັນດ້ວຍເຫດໃດ ທິນນະກອນ ຈຶ່ງໄດ້ມາຕົກຢູ່ດິນແດນອັນ
ງົດງາມ ແລະກວ້າງໄກແຫ່ງນີ້ນັ້ນ? ຂ້າພະເຈົ້າ ຈະນຳພາທ່ານ
ເຂົ້າສູ່ຄວາມເປັນມາດັ່ງນີ້. ທິນນະກອນ ເກີດທີ່ນະຄອນຫລວງ
ພະບາງ ນາງໄດ້ເດີນ ທາງເຂົ້າມາ ສະຫະລັດ ອາເມຣິກາ ກັບ
ຄອບຄົວໃນປີ 1980 ເວລານັ້ນມີອາຍຸ 5 ປີ ແລະໄດ້ມາຕົກຢູ່ລັດ
Connecticut ທາງທິດຕາເວັນອອກຂອງ ສະຫະລັດ. ທິນນະ
ກອນ ຮຽນສຳເລັດການສຶກສາປະລິນຍາຕີ ຝ່າຍ Biochemistry
ຈາກມະຫາວິທະຍາໄລ Fairfield ໃນປີ 1991 ຢູ່ທີ່ລັດ Con-
necticut. ນາງໄດ້ເລີ້ມເຮັດວຽກໃຫ້ ລັດຖະບານທ້ອງຖິ່ນຂອງ
ລັດ Connecticut ແລະຕໍ່ມາໄດ້ປ່ຽນໄປເຮັດວຽກກັບ ບໍລິສັດ Novo Nordisk ຊຶ່ງເປັນ
ບໍລິສັດ ຜະລິດຢາປົວພະຍາດ ທີ່ມີຊື່ສຽງຂອງໂລກ.
ປັດຈຸບັນນີ້ ໜ້າທີ່ຂອງ ທ່ານນາງທິນນະກອນ ກໍຄືເປັນຜູ້ອົບຮົມວຽກງານໃຫ້ແກ່ ບັນດາ
ພະນັກງານ ກ່ຽວກັບການຜະລິດຢາ ໂດຍສະເພາະຢ່າງຍິ່ງດ້ານລະບຽບການ ແລະ
ກົດໝາຍການຜະລິດຢາ. ບໍລິສັດ Novo Nordisk ມີຊື່ສຽງໃນດ້ານການຜະລິດຢາປົວ
ໂລກເບົາຫວານ ມີພະນັກງານຢູ່ປະມານ 41,000 ພັນຄົນຢູ່່ທົ່ວໂລກ ແລະຂາຍຢູ່ໃນ
180 ປະເທດ.
ທ່ານນາງທິນນະກອນ ໄດ້ເລົ່າຊີວິດເບື້ອງຕົ້ນ ທີ່ໄດ້ເລີ້ມພົວພັນກັບວຽກງານ ອັນທີ່ນຳພານາງມາຕົກຢູ່ ປະເທດ Denmark ດັ່ງນີ້ :
ຄອບຄົວ ທ່ານນາງ ທິນນະກອນ ອາຣຸຸນສັກ
Your browser doesn’t support HTML5
ຟັງການສຳພາດ ທ່ານນາງ ທິນນະກອນ ອາຣຸນສັກ 1
ເນື່ອງຈາກວ່າ ບໍລິສັດ Novo Nordisk ເປັນບໍລິສັດໃຫຍ່ ແລະມີສາຂາຢູ່ທົ່ວໂລກ ເພາະ
ສະນັ້ນ ທ່ານນາງທິນນະກອນ ຕ້ອງໄດ້ເດີນທາງເປັນປະຈຳ ໂດຍສະເພາະມາ ນະຄອນ ຫລວງວໍຊິງຕັນ ເພື່ອປະຊຸມກ່ຽວກັບລະບຽບການຂອງ Food Drug Aministration ຫລື
ອົງການອາຫານ ແລະຢາ ຂອງ ລັດຖະບານກາງສະຫະລັດ ຊຶ່ງ ທ່ານນາງ ທິນນະກອນ ໄດ້ເລົ່າຕໍ່ໄປອີກວ່າ :
ພາກສ່ວນນຶ່ງຂອງ ນະຄອນ Copenhagen ປະເທດ Denmark
Your browser doesn’t support HTML5
ຟັງການສຳພາດ ທ່ານນາງ ທິນນະກອນ ອາຣຸນສັກ 2
ກ່ຽວກັບດ້ານຊີວິດການເປັນຢູ່ ທີ່ Copenhagen ນະຄອນຫລວງ ຂອງປະເທດ
Denmark ທ່ານນາງທິນນະກອນ ໄດ້ເລົ່າສູ່ຟັງດັ່ງນີ້ :
ທ່ານນາງ ທິນນະກອນ ແລະກິ່ງສະຫວັນ ທີ່ຫ້ອງຂ່າວ ວີໂອເອ
Your browser doesn’t support HTML5
ຟັງການສຳພາດ ທ່ານນາງ ທິນນະກອນ ອາຣຸນສັກ 3
ນັ້ນແມ່ນການສຳພາດ ທ່ານນາງທິນນະກອນ ອາຣຸນສັກ ຜູ້ບໍລິຫານອະວຸໂສ ຂອງ Novo
Nordisk ບໍລິສັດຜະລິດຢາປົວໂລກເບົາຫວານ ທີມີຊື່ສຽງບໍລິສັດນຶ່ງຂອງໂລກ ທີ່ປະເທດ
Denmark.