ສະບາຍດີທ່ານຜູ້ຟັງທີ່ເຄົາລົບ ວັນອາທິດທີ່ 8 ເດືອນມີນາ ທີ
ຜ່ານມານີ້ ແມ່ນວັນແມ່ຍິງສາກົນ ເພາະສະນັ້ນລາຍການຊີວິດ
ຊາວລາວມື້ນີ້ ຈຶ່ງຂໍໃຫ້ກຽດ ແມ່ຍິງ ໂດຍການນຳສະເໜີ ບົດສຳ
ພາດ ສະຕີລາວ-ອາເມຣິກັນ ທ່ານນາງບັນລັງ ຫລວງວິຊາ ພົມ
ມະສຸວັນ ອາຈານສອນມັດທະຍົມປາຍ ທີ່ໂຮງຮຽນ ມັດທະຍົມ
Roosevelt ລັດ Minnesota ພາກກາງເໜືອຂອງ ສະຫະລັດ ມາສະເໜີທ່ານ. ທ່ານນາງບັນລັງ ເປັນສະຕີລາວ-ອາເມຣິກັນໂຕຢ່າງ ທີ່ຫ້າວຫັນໝັ່ນພຽນ ເປັນຜູ້ນຳສັງຄົມ ເປັນນັກເຄື່ອນໄຫວ ແລະເປັນແມ່ທີ່ດີຂອງພວກລູກໆ. ທ່ານນາງໄດ້ວາງບົດບາດອັນສຳຄັນຫລາຍໆຢ່າງໃຫ້ແກ່ປະຊາຄົມ ຊຶ່ງ ກິ່ງສະຫວັນ ຈະນຳເລື້ອງນີ່ມາສະເນີທ່ານ ໃນອັນດັບຕໍ່ໄປ.
Your browser doesn’t support HTML5
ຟັງການສຳພາດ ທ່ານນາງບັນລັງ ຫລວງວິຊາ ພົມມະສຸວັນ
ສະບາຍດີ ທ່ານຜູ້ຟັງທີ່ເຄົາລົບ ວັນອາທິດ ທີ 8 ກຸມພາ ທີ່ຜ່ານມານີ້ແມ່ນ ວັນແມ່ຍິງສາກົນ
ທີ່ສະຫລອງກັນຢູ່ຫລາຍໆປະເທດທົ່ວໂລກ ຖືສຳຄັນວ່າເປັນມື້ໃຫ້ກຽດແກ່ຜູ້ຍິງທັງຫລາຍ
ໃຫ້ການຮັບຮູ້ເຖິງຄວາມສຳເລັດ ແລະຜົນງານຂອງເຂົາເຈົ້າ ໂດຍບໍ່ກ່ຽວວ່າເຂົາເຈົ້າ ແມ່ນ
ໃຜ ມາຈາກໃສ ຖືສາສະໜາຫຍັງ ເຜົ່າພັນໃດ ຊົນຊາດຫຍັງ ເວົ້າພາສາຫຍັງ ພື້ນຖານ
ເສດຖະກິດເປັນຢ່າງໃດ ແລະສັງກັດພັກການເມືອງໃດ. ວັນແມ່ຍິງສາກົນ ເປັນໂອກາດໃຫ້
ເຮົາເບິ່ງຄືນຫລັງເຖິງຄວາມອົດທົນ ສູ້ຊົນສູ່ຜົນສຳເລັດ ແລະສຳຄັນທີ່ສຸດນັ້ນກໍຄື ການເບິ່ງ
ໄປໜ້າເພື່ອຊອກຫາໂອກາດ ໃຫ້ແກ່ບັນດາຜູ້ຍິງລຸ້ນຕໍ່ໆໄປໃນອານາຄົດຂ້າງໜ້າ. ເພາະ
ສະນັ້ນ ຂ້າພະເຈົ້າ ຈະນຳເອົາຄວາມເປັນມາຂອງ ທ່ານນາງບັນລັງ ຫລວງວິຊາ ພົມມະສຸ
ວັນ ແມ່ພິມຂອງຊາດ ສັດຕະວັດທີ່ 21 ຄົນນຶ່ງ ປັດຈຸບັນນີ້ ເປັນຄູສອນຢູ່ໂຮງຮຽນມັດທະ
ຍົມປາຍ Roosevelt High School ລັດ Minnesota ນອກຈາກມີໜ້າທີ່ເປັນນາຍຄູ
ແລ້ວ ທ່ານນາງ ຍັງໄດ້ວາງບົດບາດການເປັນຜູ້ນຳສັງຄົມໃນຫລາຍໆດ້ານ.
ສ່ວນນຶ່ງຂອງ ຄະນະກຳມະການ ທ້ອນໂຮມລາວອະວຸໂສ
ແຕ່ກ່ອນອຶ່ນເຮົາມາເຂົ້າໃຈຄວາມເປັນມາຂອງ ວັນແມ່ຍິງສາກົນ
ເສຍກອ່ນ. ໃນປີ 1975 ສະຫະປະຊາຊາດ ໄດ້ເລີ້ມສະຫລອງ
ການລົງມະຕິເອົາວັນທີ່ 8 ເດືອນມີນາ ເປັນວັນແມ່ຍິງສາກົນ. ສອງ
ປີຕໍ່ມາໃນເດືອນທັນວາ ປີ 1977 ກອງປະຊຸມສະມັດຊາໃຫຍ່ ສະ
ຫະປະຊາຊາດ ໄດ້ຜ່ານມະຕິ ປະກາດວັນສະຫະປະຊາຊາດ ໃຫ້
ສິດທິຜູ້ຍິງ ແລະສັນຕິພາບສາກົນ ເພື່ອສະຫລອງໃນວັນໃດວັນ
ນຶ່ງຂອງປີ. ໃນການຮັບຜ່ານມະຕິດັ່ງກ່າວນັ້ນ ກອງປະຊຸມສະມັດ
ຊາໃຫຍ່ ໄດ້ຮັບຮູ້ບົດບາດຂອງຜູ້ຍິງ ໃນຄວາມພະຍາຍາມ ສ້າງສັນຕິພາບ ແລະພັດທະນາ ແລະຮຽກຮ້ອງໃຫ້ສີ້ນຍຸດຕິການລຳອຽງ ຈຳແນກກີດກັ້ນ ແລະເພີ້ມການສະໜັບສະໜູນ ແກ່ຜູ້ຍິງຢ່າງເຕັມທີ່ ແລະຢ່າງສະເໝີພາບ.
ທ່ານນາງບັນລັງ ຜູ້ຕາງໜ້າ ແມ່ຍິງຊຸມຊົນນ້ອຍ ພົບກັບ ທ່ານນາງ Hillary Clinton ໃນປີ 1995
ສະຫະລັດ ອາເມຣິກາ ວ່າເປັນດິນແດນແຫ່ງຄວາມສະເໝີພາບ ໄດ້ພິສູດໃຫ້ເຫັນຢ່າງແຈ້ງຂາວ ແກ່ບັນດາແມ່ຍິງເຊື້ອຊາດລາວທີ່ນັບບໍ່ຖ້ວນ ຜູ້ມີຄວາມອົດທົນ ເຊື່ອໝັ້ນດ້ານການສຶກສາສູງ ອັນນຳມາສູ່ຜົນສຳເລັດຂອງການເປັນຜູ້ນຳປະຊາຄົມ ແລະພົນລະເມືອງທີ່ດີຂອງປະເທດ. ທ່ານນາງບັນລັງ ພົມມະສຸວັນ ອະດີດນັກສຶກສາ ແລະຄູສອນທີ່ ວິທະຍາໄລອົບຮົມຄູດົງໂດກ ແຫ່ງອະດີດພະລາດຊະອານາຈັກລາວ ແມ່ນໂຕຢ່າງສະຕີລາວຜູ້ນຶ່ງ ທີ່ມີຄວາມເຊື່ອໝັ້ນໃນຄວາມສະເໝີພາບ. ທ່ານນາງໄດ້ປູເສັ້ນທາງອັນຍາວນານ ແລະ ວາງບົດບາດຈາກລະດັບທ້ອງຖິ່ນ ແລະລະດັບຊາດ ໄວ້ຢ່າງໜ້າສັນລະເສີນ ທ່ານນາງໄດ້ເລົ່າຊີວິດເບື້ອງຕົ້ນສູ່ ວີໂອເອ ດັ່ງນີ້ :
ທ່ານນາງບັນລັງ ກຳລັງສອນນັກຮຽນ
Your browser doesn’t support HTML5
ຟັງການສຳພາດ ທ່ານນາງບັງລັງ ຫລວງວິຊາ ພົມມະສຸວັນ 1
ທ່ານນາງບັນລັງ ປຽບສະເໜືອນແມ່ຜູ້ທີ່ສອງຂອງບັນດານັກຮຽນ ທ່ານມັກການສອນ ຊ່ວຍເຫລືອນັກຮຽນ ແນະນຳນັກຮຽນ ຢາກເຫັນເຍົາວະຊົນສຳເລັດການສຶກສາ ໄປສູ່ອະນາຄົດອັນແຈ່ມໃສ. ທ່ານເປັນຜູ້ເຂົ້າໃຈເຖິງວັດທະນາທຳລາວດີ ໂດຍສະເພາະໃຫ້ການແນະນຳຊ່ວຍເຫລືອບັນດາພໍ່ແມ່ຜູ້ປົກຄອງທີ່ເປັນຄົນລາວ ເຂົ້າໃຈເຖິງລະບົບການສຶກສາຢູ່ໃນ ສະຫະລັດ ຊຶ່ງທ່ານນາງ ໄດ້ກ່າວຕໍ່ໄປວ່າ :
ທ່ານນາງບັນລັງ ໄດ້ຮັບລາງວັນສັນລະເສີນ ຈາກຜູ້ປົກຄອງລັດ Minnesota ທ່ານ Rudy Pirch
Your browser doesn’t support HTML5
ຟັງການສຳພາດ ທ່ານນາງບັງລັງ ຫລວງວິຊາ ພົມມະສຸວັນ 2
ນອກຈາກເປັນຄູສອນແລ້ວ ທ່ານນາງບັນລັງ ຍັງເປັນກຳມະການບໍລິຫານ ທ້ອນໂຮມອະວຸໂສລາວ-ອາເມຣິກັນ ແລະກິດຈະການອື່ນໆຢ່າງບໍ່ອິດເມື່ອຍ. ນອກຈາກນັ້ນ ທ່ານນາງຍັງໄດ້ກຳກັບນຳພາ ລູກສາວທີ່ໜ້າຮັກສາມຄົນ ຕິດຕາມນຳຮອຍແມ່ ສຳເລັດການສຶກສາ ແລະກາຍມາເປັນນັກວິຊາການຢ່າງໜ້າສັນລະເສີນ ຊຶ່ງທ່ານນາງ ໄດ້ກ່າວຕໍ່ໄປວ່າ :
ທ່ານນາງບັນລັງ ຖືກແຕ່ງຕັ້ງເຂົ້າຮວມກອງປະຊຸມ ກ່ຽວກັບແມ່ຍິງ ຄັ້ງທີ່ສີ່
Your browser doesn’t support HTML5
ຟັງການສຳພາດ ທ່ານນາງບັງລັງ ຫລວງວິຊາ ພົມມະສຸວັນ 3
ເນຶ່ອງໃນໂອກາດ ວັນສະຫລອງແມ່ຍິງສາກົນ ວັນອາທິດ ທີ່ 8 ເດືອນມີນາ ທີ່ຜ່ານມານີ້ ທ່ານນາງບັນລັງ ໄດ້ຝາກຄວາມຄິດເຫັນໄວ້ແກ່ ບັນດາແມ່ຍິງລາວ ນ້ອຍແລະໃຫຍ່ດັ່ງນີ້ :
ທ່ານນາງບັບນລັງ ຫລວງວິຊາ ພົມມະສຸວັນ
Your browser doesn’t support HTML5
ຟັງການສຳພາດ ທ່ານນາງບັນລັງ ຫລວງວິຊາ ພົມມະສຸວັນ 4
ນັ້ນແມ່ນການສຳພາດ ທ່ານນາງບັນລັງ ຫລວງວິຊາ ພົມມະສຸວັນ ສະຕີລາວ-ອາເມຣິກັນ
ຜູ້ຫ້າວຫັນ ນັກສັງຄົມສົງເຄາະ ນັກເຄຶ່ອນໄຫວສັງຄົມ ແລະແມ່ພິມຂອງຊາດ ຢູ່ທີ່ລັດ Minnesota ສະຫະລັດ ອາເມຣິກາ.