ທ່ານຜູ້ຟັງທັງຫຼາຍ ໃນລາຍການຊີວິດຊາວລາວ ມື້ນີ້ ເຮົາຈະ
ນຳເອົາ ການສຳພາດ ປະກອບ ວີດີໂອ ຂອງ ພະນະທ່ານ
ເອກອັກຄະລັດຖະທູດ ແສງ ສຸຂະທິວົງ ແລະ ພັນລະຍາ ທ່ານ
ນາງ ສົມດີ ສຸຂະທິວົງ ກ່ອນທີ່ພວກທ່ານທັງສອງຈະໄດ້ອຳລາ
ຈາກ ນະຄອນຫລວງ ວໍຊິງຕັນ ດີ.ຊີ ໄປ ເພື່ອກັບຄືນສູ່ ສປປ
ລາວ ຫລັງຈາກທີ່ໄດ້ມາປະຕິບັດໜ້າທີ່ເປັນເວລາ 14 ປີ ຊຶ່ງ
ກິ່ງສະຫວັນ ຈະນຳເລື້ອງນີ້ມາ ສະເໜີທ່ານ ໃນອັນດັບຕໍ່ໄປ.
Your browser doesn’t support HTML5
ເຊິນຟັງການສຳພາດ ພະນະທ່ານ ເອກອັກຄະລັດຖະທູດ ແສງ ສຸຂະທິວົງ
ສະບາຍດີ ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວມື້ນີ້ ວີໂອເອ ຈະນຳເອົາການສຳພາດ ທີ່ປະກອບດ້ວຍ ວີດີໂອ ສັ່ງລາຂອງ ພະນະທ່ານ ເອກອັກຄະລັດຖະທູດ ແສງ ພ້ອມດ້ວຍ ພັນລະຍາ ທ່ານນາງ ສົມດີ ສຸຂະທິວົງ ທີ່ຫາກໍພົ້ນຈາກໜ້າທີ່ ແລະໄດ້ກັບຄືນ
ສູ່ ສປປ ລາວ ຫລັງຈາກໄດ້ມາໃຊ້ຊີວິດ ປະຕິບັດງານຢູ່ໃນ ນະຄອນຫລວງ ວໍຊິງຕັນ
ດີ.ຊີ ເປັນເວລາ 14 ປີແລ້ວ.
ພະນະທ່ານ ເອກອັກຄະລັດຖະທູດ ແສງ ສຸຂະທິວົງ ເປັນນັກການທູດ ສປປ ລາວ ຄົນທຳ
ອິດທີ່ໄດ້ເດີນທາງມາປະຕິດບັດງານ ຢູ່ສະຖານທູດ ສປປ ລາວ ຢ່າງຍາວນານ ເລີ້ມແຕ່ປີ
1993 ໂດຍໄດ້ເຂົ້າມາຮັບຕໍ່າ ແໜ່ງເປັນ ເລຂາທິການເອກ. ຫລັງຈາກນັ້ນ ທ່ານກໍໄດ້ຖືກ
ເລື່ອນຕຳ່ແໜ່ງຂຶ້ນຕາມລຳດັບ. ເມື່ອຕົກມາເຖິງປີ 2010 ພະນະທ່ານແສງ ໄດ້ຖືກມອບ
ໝາຍໜ້າທີ່ໃຫ້ເປັນ ເອກອັກຄະລັດຖະທູດ ຜູ້ມີອຳນາດເຕັມ ແລະໄດ້ດຳລົງຕຳ່ແໜ່ງດັ່ງ ກ່າວມາ ຈົນເຖິງກາງເດືອນພຶດສະພາ ປີ 2015 ນີ້ເອງ. ພະນະທ່ານ ແສງ ສຸຂະທິວົງ ໄດ້ກ່າວເຖິງການປະຕິບັດງານຂອງທ່ານ ໃນເບື້ອງຕົ້ນດັ່ງນີ້:
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດແສງ ສຸຂະທິວົງ 1
ສ່ວນທ່ານນາງ ສົມດີ ສຸຂະທິວົງ ຜູ້ເປັນພັນລະຍາ ຂອງພະນະທ່ານແສງ ແລະຜູ້ຕາງໜ້າ
ສະຕີລາວ ໃນວົງການສາກົນ ກໍໄດ້ວາງບົດບາດອັນສຳຄັນໄວ້ ຢູ່ໃນວົງການປະຊາຄົມການ
ທູດ ຄືເຄີຍໄດ້ເປັນປະທານ ປະຊາຄົມ ກຸ່ມປະເທດອາຊຽນ ຊຶ່ງ ທ່ານນາງສົມດີ ໄດ້ກ່າວ
ເຖິງຈຸດສຳຄັນວ່າ:
Your browser doesn’t support HTML5
ຟັງການສຳພາດ ທ່ານນາງ ສົມດີ ສຸຂະທິວົງ 2
ສະຫະລັດ ອາເມຣິກາ ເປັນປະເທດ ມະຫາອຳນາດ ທັງອຸດົມຮັ່ງມີ ໂດຍສະເພາະເປັນປະເທດນຶ່ງທີ່ນຳໜ້າທາງດ້ານການສຶກສາ ແລະມີນັກສຶກສາຈາກທົ່ວໂລກມາຮຳ່ຮຽນຢູ່ຕາມ
ມະຫາວິທະຍາໄລຕ່າງໆທົ່ວປະເທດ. ໃນຂະນະທີ່ ພະນະທ່ານແສງ ໄດ້ປະຈຳການຢູ່ທີ່ ນະຄອນຫລວງວໍຊິງຕັນ ມັນຈຶ່ງເປັນໂອກາດອັນປະເສີດໃຫ້ແກ່ ລູກຊາຍ ແລະລູກສາວ
ຂອງເພິ່ນ ໃຫ້ໄດ້ຮັບການສຶກສາຢູ່ໃນ ສະຫະລັດ ຊຶ່ງ ພະນະທ່ານແສງ ໄດ້ກ່າວກ່ຽວກັບເລື້ອງນີ້ວ່າ :
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດແສງ ສຸຂະທິວົງ 3
ສະຫະລັດ ອາເມຣິກາ ໄດ້ເປີດສຳພັນທະໄມຕີ ທາງການທູດ ກັບປະເທດລາວ ມາແຕ່ປີ 1953 ຈົນເທົ້າເຖິງປັດຈຸບັນ ແລະໄດ້ແລກປ່ຽນ ເອກອັກຄະລັດທະທູດຜູ້ມີອຳນາດເຕັມມາຕະຫລອດ. ກ່ຽວກັບສາຍສຳພັນດ້ານການປະຕິບັດງານລະຫວ່າງສອງປະເທດ ພະນະທ່ານແສງ ໄດ້ໃຫ້ຄວາມຄິດເຫັນດັ່ງນີ້ :
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດແສງ ສຸຂະທິວົງ 4
ພະນະທ່ານແສງ ສຸຂະທິວົງ ໄດ້ສີ້ນສຸດໜ້າທີ່ການ ແລະໄດ້ເດີນທາງກັບຄືນ ສປປ ລາວ ພ້ອມດ້ວຍຄອບຄົວ ໃນວັນທີ່ 14 ເດືອນພຶດສະພາຜ່ານມາ. ກ່ອນຈາກໄປ ທ່ານໄດ້ສັ່ງລາ ບັນດາສະມາຊິກສະມາຄົມລາວ ທີ່ຢູ່ໃກ້ ແລະໄກດັ່ງນີ້
Your browser doesn’t support HTML5
ຟັງການສຳພາດ ພະນະທ່ານ ເອກອັກຄະລັດຖະທູດແສງ ສຸຂະທິວົງ 5
ທີ່ທ່ານໄດ້ຟັງສີ້ນສຸດລົງໄປນັ້ນ ແມ່ນລາຍງານ ແລະການສຳພາດກັບ ພະນະທ່ານແສງ ສຸຂະທິວົງ ອະດີດເອກອັກຄະລັດຖະທູດ ສປປ ລາວ ປະຈຳນະຄອນຫລວງ ວໍຊິງຕັນ ດີ.ຊີ. ທ່ານຈະສາມາດ ເຂົ້າໄປເບິ່ງ ວີດີໂອ ເລື້ອງນີ້ ໄດ້ທີ່ໜ້າເວັບໄຊຕ໌ ຂອງເຮົາ ທີ່ lao.voanews.com
Your browser doesn’t support HTML5
ເຊີນຟັງເພງ ລາກ່ອນຈາກ ໂດຍ ມາໄລວັນ ດວງພູມີ