ບັນດາປະເທດຄູ່ຮ່ວມພັດທະນາເຕືອນລັດຖະບານລາວກ່ຽວກັບ
ການພັດທະນາເສດຖະກິດ ທີ່ອິງໃສ່ການຂຸດຄົ້ນຊັບພະຍາກອນ
ທໍາມະຊາດ ວ່າຈະບໍ່ເປັນຜົນດີຕໍ່ການພັດທະນາ ໃນລະຍະຍາວ.
ທ່ານສົມຈິດ ອິນທະມິດ ລັດຖະມົນຕີ ຊ່ວຍວ່າການກະຊວງ
ແຜນການ ແລະການລົງທຶນ ຖະແຫຼງຢືນຢັນວ່າ ໃນໂອກາດ
ກອງປະຊຸມໂຕະມົນລະດັບສູງຄັ້ງທີ 11 ທີ່ໄດ້ຈັດຂຶ້ນໃນຊ່ວງເດືອນພະຈິກທີ່ຜ່ານມາ ຢູ່ນະຄອນວຽງຈັນ ບັນດາຜູ້ແທນລັດຖະບານຈາກ 37 ປະເທດ ແລະອົງການສາກົນ ທີ່ເຂົ້າຮ່ວມໃນກອງປະຊຸມດ້ວຍນັ້ນ ໄດ້ເຕືອນລັດຖະບານລາວກ່ຽວກັບການພັດທະນາເສດຖະກິດ ທີ່ອິງໃສ່ການຂຸດຄົ້ນຊັບພະຍາກອນທໍາມະຊາດເປັນດ້ານຫຼັກນັ້ນ ວ່າຈະບໍ່ເປັນຜົນດີຕໍ່ການພັດທະນາລາວໃນລະຍະຍາວ ແຕ່ຈະສົ່ງຜົນກະທົບດ້ານລົບຫຼາຍຂຶ້ນ ນັບມື້.
ທັງນີ້ໂດຍສະເພາະແມ່ນການອະນຸຍາດໃຫ້ສໍາປະທານໃນການ
ຕັດໄມ້ ການຂຸດຄົ້ນແຮ່ທາດແລະການໃຫ້ສໍາປະທານສິດທິການ
ເຊົ່າທີ່ດິນ ເພື່ອປູກພືດເສດຖະກິດຢ່າງກວ້າງຂວາງ ໂດຍບໍ່ມີ
ການສຶກສາເພື່ອປ້ອງກັນຜົນກະທົບຕໍ່ສັງຄົມ ແລະສິ່ງແວດລ້ອມ
ທໍາມະຊາດ ທີ່ໄດ້ມາດຕະຖານສາກົນນັ້ນ ຍ່ອມຈະສົ່ງຜົນເຮັດ
ໃຫ້ຊັບພະຍາກອນ ທໍາມະຊາດໃນລາວລົດນ້ອຍຖອຍລົງ ຕະ
ຫຼອດເວລາ ໂດຍທີ່ບໍ່ມີການພັດທະນາໃນດ້ານໃດ ເກີດຂຶ້ນໃນ
ລາວອີກດ້ວຍ ດັ່ງທີ່ທ່ານສົມຈິດ ໄດ້ໃຫ້ການອະທິບາຍວ່າ:
“ບັນດາຜູ້ໃຫ້ທຶນ ຫຼືວ່າຄູ່ຮ່ວມພັດທະນາໄດ້ໃຫ້ຂໍ້ສະເໜີແນະອັນດີໃຫ້ແກ່ລັດຖະ
ບານໃນຫຼາຍໆດ້ານ ເຊັ່ນເຂົາເຈົ້າໄດ້ເຕືອນພວກເຮົາວ່າ ໃນການພັດທະນາ
ເສດຖະກິດ ທີ່ອິງໃສ່ແຕ່ຊັບພະຍາກອນທໍາມະຊາດເປັນອັນຕົ້ນຕໍ ພວກເຮົາຕ້ອງ
ໄດ້ມີຄວາມລະມັດລະວັງ ພວກເຮົາຈະເຄີຍເຫັນບົດຮຽນຂອງບັນດາຢູ່ປະເທດອາ
ຟຣິກາ ທີ່ຂຸດຄົ້ນແຮ່ອອກໄປນໍາໃຊ້ເປັນວັດຖຸດິບ ເປັນຫຍັງອອກໄປຂາຍທາງ
ນອກ ແຕ່ໃນທີ່ສຸດກໍບໍ່ມີຄວາມຈະເລີນ ແຮ່ໝົດ ຄວາມທຸກຍາກກະຍັງມີຢູ່ຄືເກົ່າ.”
ການຈັດກອງປະຊຸມໂຕະມົນດັ່ງກ່າວມີເປົ້າໝາຍເພື່ອຂໍການຊ່ວຍເຫຼືອດ້ານງົບປະມານຈາກຕ່າງປະເທດ ເພື່ອນໍາໃຊ້ໃນການຈັດຕັ້ງປະຕິບັດແຜນການພັດທະນາເສດຖະກິດ
-ສັງຄົມແຫ່ງຊາດ ນັບແຕ່ປັດຈຸບັນ ໄປເຖິງປີ 2015 ໂດຍລັດຖະບານລາວຕ້ອງການຈະ
ໄດ້ຮັບຄວາມຊ່ວຍເຫຼືອຈາກຕ່າງປະເທດ ໃນມູນຄ່າລວມເຖິງ 1,620 ລ້ານໂດລ່າ ຊຶ່ງ
ໃນນີ້ກໍຈະ ແບ່ງເປັນ 795 ລ້ານໂດລ່າ ແລະ 825 ລ້ານໂດລ່າ ເພື່ອນໍາໃຊ້ໃນໂຄງ ການພັດທະນາຕ່າງໆຂອງລັດຖະບານລາວໃນແຜນການປີ 2013-2014 ແລະແຜນການປີ 2014-2015 ຕາມລໍາດັບ.
ໂດຍຕາມແຜນການດັ່ງກ່າວ ຄືເປັນຄວາມຕ້ອງການທີ່ຈະໄດ້ຮັບການຊ່ວຍເຫຼືອຈາກຕ່າງປະເທດເພີ່ມຂຶ້ນ ຢ່າງຕໍ່ເນື່ອງ ກໍຄື ເພີ່ມຈາກ 630 ລ້ານໂດລ່າ ໃນແຜນການປີ 2010-2011 ເປັນ 704 ລ້ານໂດລ່າ ແລະຫຼາຍກວ່າ 777 ລ້ານໂດລ່າ ໃນແຜນການປີ 2011-2012 ແລະແຜນການປີ 2012-2013 ຕາມລໍາດັບ ທັງຍັງເພີ່ມຂຶ້ນເກີນກວ່າ 30% ໃນແຜນ ການປີ 2014-2015 ທຽບກັບແຜນການປີ 2010-2011 ອີກດ້ວຍ.
ທາງດ້ານທ່ານທອງສິງ ທໍາມະວົງ ນາຍົກລັດຖະມົນຕີລາວ ກໍ
ໄດ້ຖະແຫຼງຍອມຮັບຕໍ່ ກອງປະຊຸມ ຄັ້ງນີ້ວ່າ ການຈັດຕັ້ງປະຕິ
ບັດ ແຜນການພັດທະນາ ຂອງລັດຖະບານລາວ ຈະບໍ່ສາມາດ
ບັນລຸເປົ້າໝາຍໄດ້ໃນຫຼາຍດ້ານ ເພາະຜົນກະທົບ ຈາກໄພທໍາ
ມະຊາດ ແລະການຂາດແຄນທາງດ້ານງົບປະມານຂອງລັດຖະ
ບານ ທີ່ມີສາເຫດມາຈາກການມີລາຍຈ່າຍເພີ່ມຂຶ້ນ ເກີນກວ່າ
ຄວາມສາມາດໃນການຈັດເກັບລາຍຮັບ.
ໂດຍໃນແຜນການພັດທະນາເສດຖະກິດ-ສັງຄົມ ສົກປີ 2013-2014 ນີ້ ລັດຖະບານລາວໄດ້ວາງເປົ້າໝາຍທີ່ຈະຊຸກຍູ້ໃຫ້ເສດຖະກິດແຫ່ງຊາດ ຂະຫຍາຍຕົວເພີ່ມຂຶ້ນໃນອັດຕາສະເລ່ຍບໍ່ຕໍ່າກວ່າ 8.3% ທຽບກັບແຜນການປີ 2012-2013 ຫາກແຕ່ວ່າການທີ່ຈະບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍຈໍາເປັນຈະຕ້ອງລະດົມການລົງທຶນໃຫ້ໄດ້ໃນມູນຄ່າ ລວມທີ່ບໍ່ໜ້ອຍກວ່າ 30,100 ຕື້ກີບ ຫຼືປະມານ 3,760 ລ້ານໂດລ່າ.
ຫາກແຕ່ວ່າລັດຖະບານລາວກໍຄາດວ່າຈະສາມາດປະກອບສ່ວນໄດ້ພຽງ 10.9% ຂອງເງິນທຶນທັງໝົດດັ່ງກ່າວເທົ່ານັ້ນ ໝາຍຄວາມວ່າໃນສ່ວນທີ່ເຫຼືອເຖິງ 89.1% ນັ້ນ ກໍຈະຕ້ອງລະດົມຈາກພາກເອກກະຊົນ ທັງພາຍໃນ ແລະຕ່າງປະເທດເປັນດ້ານຫຼັກນັ້ນເອງ.
ການພັດທະນາເສດຖະກິດ ທີ່ອິງໃສ່ການຂຸດຄົ້ນຊັບພະຍາກອນ
ທໍາມະຊາດ ວ່າຈະບໍ່ເປັນຜົນດີຕໍ່ການພັດທະນາ ໃນລະຍະຍາວ.
Your browser doesn’t support HTML5
ຟັງລາຍງານ ການພັດທະນາເສດຖະກິດ ໃນລາວ
ທ່ານສົມຈິດ ອິນທະມິດ ລັດຖະມົນຕີ ຊ່ວຍວ່າການກະຊວງ
ແຜນການ ແລະການລົງທຶນ ຖະແຫຼງຢືນຢັນວ່າ ໃນໂອກາດ
ກອງປະຊຸມໂຕະມົນລະດັບສູງຄັ້ງທີ 11 ທີ່ໄດ້ຈັດຂຶ້ນໃນຊ່ວງເດືອນພະຈິກທີ່ຜ່ານມາ ຢູ່ນະຄອນວຽງຈັນ ບັນດາຜູ້ແທນລັດຖະບານຈາກ 37 ປະເທດ ແລະອົງການສາກົນ ທີ່ເຂົ້າຮ່ວມໃນກອງປະຊຸມດ້ວຍນັ້ນ ໄດ້ເຕືອນລັດຖະບານລາວກ່ຽວກັບການພັດທະນາເສດຖະກິດ ທີ່ອິງໃສ່ການຂຸດຄົ້ນຊັບພະຍາກອນທໍາມະຊາດເປັນດ້ານຫຼັກນັ້ນ ວ່າຈະບໍ່ເປັນຜົນດີຕໍ່ການພັດທະນາລາວໃນລະຍະຍາວ ແຕ່ຈະສົ່ງຜົນກະທົບດ້ານລົບຫຼາຍຂຶ້ນ ນັບມື້.
ປ່າໄມ້ ເຂດສໍາປະທານແຫ່ງນຶ່ງ ໃນລາວ ທີ່ຖືກຕັດ ແລະຈູດເຜົາ
ທັງນີ້ໂດຍສະເພາະແມ່ນການອະນຸຍາດໃຫ້ສໍາປະທານໃນການ
ຕັດໄມ້ ການຂຸດຄົ້ນແຮ່ທາດແລະການໃຫ້ສໍາປະທານສິດທິການ
ເຊົ່າທີ່ດິນ ເພື່ອປູກພືດເສດຖະກິດຢ່າງກວ້າງຂວາງ ໂດຍບໍ່ມີ
ການສຶກສາເພື່ອປ້ອງກັນຜົນກະທົບຕໍ່ສັງຄົມ ແລະສິ່ງແວດລ້ອມ
ທໍາມະຊາດ ທີ່ໄດ້ມາດຕະຖານສາກົນນັ້ນ ຍ່ອມຈະສົ່ງຜົນເຮັດ
ໃຫ້ຊັບພະຍາກອນ ທໍາມະຊາດໃນລາວລົດນ້ອຍຖອຍລົງ ຕະ
ຫຼອດເວລາ ໂດຍທີ່ບໍ່ມີການພັດທະນາໃນດ້ານໃດ ເກີດຂຶ້ນໃນ
ລາວອີກດ້ວຍ ດັ່ງທີ່ທ່ານສົມຈິດ ໄດ້ໃຫ້ການອະທິບາຍວ່າ:
“ບັນດາຜູ້ໃຫ້ທຶນ ຫຼືວ່າຄູ່ຮ່ວມພັດທະນາໄດ້ໃຫ້ຂໍ້ສະເໜີແນະອັນດີໃຫ້ແກ່ລັດຖະ
ບານໃນຫຼາຍໆດ້ານ ເຊັ່ນເຂົາເຈົ້າໄດ້ເຕືອນພວກເຮົາວ່າ ໃນການພັດທະນາ
ເສດຖະກິດ ທີ່ອິງໃສ່ແຕ່ຊັບພະຍາກອນທໍາມະຊາດເປັນອັນຕົ້ນຕໍ ພວກເຮົາຕ້ອງ
ໄດ້ມີຄວາມລະມັດລະວັງ ພວກເຮົາຈະເຄີຍເຫັນບົດຮຽນຂອງບັນດາຢູ່ປະເທດອາ
ຟຣິກາ ທີ່ຂຸດຄົ້ນແຮ່ອອກໄປນໍາໃຊ້ເປັນວັດຖຸດິບ ເປັນຫຍັງອອກໄປຂາຍທາງ
ນອກ ແຕ່ໃນທີ່ສຸດກໍບໍ່ມີຄວາມຈະເລີນ ແຮ່ໝົດ ຄວາມທຸກຍາກກະຍັງມີຢູ່ຄືເກົ່າ.”
ການຈັດກອງປະຊຸມໂຕະມົນດັ່ງກ່າວມີເປົ້າໝາຍເພື່ອຂໍການຊ່ວຍເຫຼືອດ້ານງົບປະມານຈາກຕ່າງປະເທດ ເພື່ອນໍາໃຊ້ໃນການຈັດຕັ້ງປະຕິບັດແຜນການພັດທະນາເສດຖະກິດ
-ສັງຄົມແຫ່ງຊາດ ນັບແຕ່ປັດຈຸບັນ ໄປເຖິງປີ 2015 ໂດຍລັດຖະບານລາວຕ້ອງການຈະ
ໄດ້ຮັບຄວາມຊ່ວຍເຫຼືອຈາກຕ່າງປະເທດ ໃນມູນຄ່າລວມເຖິງ 1,620 ລ້ານໂດລ່າ ຊຶ່ງ
ໃນນີ້ກໍຈະ ແບ່ງເປັນ 795 ລ້ານໂດລ່າ ແລະ 825 ລ້ານໂດລ່າ ເພື່ອນໍາໃຊ້ໃນໂຄງ ການພັດທະນາຕ່າງໆຂອງລັດຖະບານລາວໃນແຜນການປີ 2013-2014 ແລະແຜນການປີ 2014-2015 ຕາມລໍາດັບ.
ໂດຍຕາມແຜນການດັ່ງກ່າວ ຄືເປັນຄວາມຕ້ອງການທີ່ຈະໄດ້ຮັບການຊ່ວຍເຫຼືອຈາກຕ່າງປະເທດເພີ່ມຂຶ້ນ ຢ່າງຕໍ່ເນື່ອງ ກໍຄື ເພີ່ມຈາກ 630 ລ້ານໂດລ່າ ໃນແຜນການປີ 2010-2011 ເປັນ 704 ລ້ານໂດລ່າ ແລະຫຼາຍກວ່າ 777 ລ້ານໂດລ່າ ໃນແຜນການປີ 2011-2012 ແລະແຜນການປີ 2012-2013 ຕາມລໍາດັບ ທັງຍັງເພີ່ມຂຶ້ນເກີນກວ່າ 30% ໃນແຜນ ການປີ 2014-2015 ທຽບກັບແຜນການປີ 2010-2011 ອີກດ້ວຍ.
ທ່ານ ທອງສິງ ທໍາມະວົງ ນາຍົກລັດຖະມົນຕີລາວ
ທາງດ້ານທ່ານທອງສິງ ທໍາມະວົງ ນາຍົກລັດຖະມົນຕີລາວ ກໍ
ໄດ້ຖະແຫຼງຍອມຮັບຕໍ່ ກອງປະຊຸມ ຄັ້ງນີ້ວ່າ ການຈັດຕັ້ງປະຕິ
ບັດ ແຜນການພັດທະນາ ຂອງລັດຖະບານລາວ ຈະບໍ່ສາມາດ
ບັນລຸເປົ້າໝາຍໄດ້ໃນຫຼາຍດ້ານ ເພາະຜົນກະທົບ ຈາກໄພທໍາ
ມະຊາດ ແລະການຂາດແຄນທາງດ້ານງົບປະມານຂອງລັດຖະ
ບານ ທີ່ມີສາເຫດມາຈາກການມີລາຍຈ່າຍເພີ່ມຂຶ້ນ ເກີນກວ່າ
ຄວາມສາມາດໃນການຈັດເກັບລາຍຮັບ.
ໂດຍໃນແຜນການພັດທະນາເສດຖະກິດ-ສັງຄົມ ສົກປີ 2013-2014 ນີ້ ລັດຖະບານລາວໄດ້ວາງເປົ້າໝາຍທີ່ຈະຊຸກຍູ້ໃຫ້ເສດຖະກິດແຫ່ງຊາດ ຂະຫຍາຍຕົວເພີ່ມຂຶ້ນໃນອັດຕາສະເລ່ຍບໍ່ຕໍ່າກວ່າ 8.3% ທຽບກັບແຜນການປີ 2012-2013 ຫາກແຕ່ວ່າການທີ່ຈະບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍຈໍາເປັນຈະຕ້ອງລະດົມການລົງທຶນໃຫ້ໄດ້ໃນມູນຄ່າ ລວມທີ່ບໍ່ໜ້ອຍກວ່າ 30,100 ຕື້ກີບ ຫຼືປະມານ 3,760 ລ້ານໂດລ່າ.
ຫາກແຕ່ວ່າລັດຖະບານລາວກໍຄາດວ່າຈະສາມາດປະກອບສ່ວນໄດ້ພຽງ 10.9% ຂອງເງິນທຶນທັງໝົດດັ່ງກ່າວເທົ່ານັ້ນ ໝາຍຄວາມວ່າໃນສ່ວນທີ່ເຫຼືອເຖິງ 89.1% ນັ້ນ ກໍຈະຕ້ອງລະດົມຈາກພາກເອກກະຊົນ ທັງພາຍໃນ ແລະຕ່າງປະເທດເປັນດ້ານຫຼັກນັ້ນເອງ.