ບັນດາເຈົ້າໜ້າທີ່ອິນເດຍ ກ່າວໃນວັນສຸກມື້ນີ້ວ່າ ຈຳນວນຜູ້
ເສຍຊີວິດ ຈາກສະພາບອາກາດຮ້ອນຈັດ ຢູ່ໃນປະເທດດັ່ງກ່າວ
ໄດ້ເພີ້ມຂຶ້ນ ເປັນຫຼາຍກວ່າ 1,800 ຄົນແລ້ວ. ພວກເຄາະຮ້າຍ
ສ່ວນໃຫຍ່ຈາກສະພາບອາກາດຮ້ອນຈັດນີ້ ແມ່ນຢູ່ໃນລັດ
Andhra Pradesh ແລະລັດ Telangana ທາງພາກໃຕ້
ຂອງປະເທດ.
ບັນດາເຈົ້າໜ້າທີ່ ກ່າວອີກວ່າ ຈຳນວນຜູ້ເສຍຊີວິດທີ່ສູງຂຶ້ນນັ້ນ
ແມ່ນຄິດວ່າເປັນຍ້ອນ ເປັນລົມຍ້ອນຖືກແດດຫຼາຍໂພດ ທີ່ມີການ
ກະທົບຢ່າງບໍ່ສົມສ່ວນ ຕໍ່ພວກຄົນທຸກຍາກ ແລະ ໄຮ້ທີ່ຢູ່ອາໄສ
ຊຶ່ງເປັນພວກທີ່ມີໂອກາດນ້ອຍທີ່ສຸດ ທີ່ຈະຕາຍຢູ່ທີ່ໂຮງໝໍ.
500 ຄົນ ເສຍຊີວິດ ຍ້ອນອາກາດຮ້ອນ ຢູ່ອິນເດຍ
ບັນດາເຈົ້າໜ້າທີ່ອິນເດຍ ໄດ້ຮຽກຮ້ອງໃຫ້ປະຊາຊົນ ຢູ່ໃນບໍລິເວນທີ່ມີຮົ່ມ ໃຫ້ປົກຫົວຂອງ
ພວກເຂົາເຈົ້າ ແລະໃຫ້ດື່ມນ້ຳຫຼາຍໆ.
ອຸນຫະພູມໄດ້ຖີບຂຶ້ນ ປະມານ 43 ອົງສາ Celsius ແລະສູງກວ່ານັ້ນ ສຳຫລັບອາທິດນີ້.
ເຈົ້າໜ້າທີ່ກ່າວວ່າ ອຸນຫະພູມໄດ້ສູງຂຶ້ນ ຢູ່ໃນຫຼາຍເຂດຂອງປະເທດ.
ປະຊາຊົນໃນທົ່ວອິນເດຍ ໄດ້ຈົ່ມທຸກເຖິງການຂາດແຄນນ້ຳ ແລະ ພວກພືດທີ່ຫ່ຽວແຫ້ງຕາຍ.
ຢູ່ໃນນະຄອນຫຼວງ New Delhi ຄວາມຕ້ອງການພະລັງໄຟຟ້າ ສຳຫລັບແລ່ນພວກເຄື່ອງ
ປັບອາກາດ ໄດ້ເຮັດໃຫ້ໄຟຟ້າໝົດ ແລະເຮັດໃຫ້ຫຼາຍພັນຄົນ ບໍ່ມີໄຟຟ້າໃຊ້.
ຄາດກັນວ່າ ລົມມໍລະສຸມຈະພັດເຂົ້າມາທາງພາກໃຕ້ຂອງປະເທດຊຶ່ງຈະ ພາໃຫ້ມີຝົນຕົກ ໃນສອງສາມມື້ຂ້າງໜ້ານີ້ ກ່ອນທີ່ຈະພັດຜ່ານໄປທົ່ວປະເທດ.
Your browser doesn’t support HTML5
India Heat