ບັນດາເຈົ້າໜ້າທີ່ອິນເດຍ ກ່າວວ່າ ຢ່າງໜ້ອຍ 27 ຄົນ ໄດ້ເສຍ
ຊີວິດ ຫລັງ ຈາກໄດ້ຢຽບກັນຕາຍຢູ່ແຄມແມ່ນໍ້າ ແຫ່ງນຶ່ງ ບ່ອນ
ທີ່ພວກສະແຫວງບຸນໄດ້ເຕົ້າໂຮມກັນ ເພື່ອສະຫລອງບຸນອາບ
ນໍ້າ ທາງສາສະໜາຣິນດູ.
ການຢຽບກັນຕາຍໄດ້ເກີດຂື້ນໃນວັນອັງຄານມື້ນີ້ ຢູ່ລັດ Andhr
Pradesh ໃນພາກໃຕ້ຂອງອິນເດຍ ໃນຂະນະທີ່ຫລາຍສິບພັນ
ຄົນພາກັນຮີບຮ້ອນລົງໄປອາບນຳ້ ຢູ່ໃນແມ່ນໍ້າ Godavari.
ຫລາຍກວ່າຊາວຄົນ ໄດ້ຮັບບາດເຈັບຈາກການຢຽບກັນໃນຄັ້ງນີ້.
ນາຍົກລັດຖະມົນຕີ Narendra Modi ໄດ້ອອກຖະແຫລງການ
ຜ່ານທາງບັນຊີ Twitterຂອງທ່ານວ່າ ທ່ານ “ມີຄວາມເຈັບປວດຢ່າງເລິກເຊິ່ງ” ຈາກໂສກນາດຕະກຳດັ່ງກ່າວ. ຫົວໜ້າລັດຖະບານຂອງລັດ Andra Pradesh ກ່າວວ່າ ລັດຖະບານຈະມອບເງິນຈຳນວນ 15,570 ໂດລາ ເປັນເງິນຊົດເຊີຍຄວາມເສຍຫາຍໃຫ້ແກ່ບັນດາຜູ້ເຄາະຮ້າຍ.
ວັນອັງຄານມື້ນີ້ ເປັນຂີດໝາຍໃນການເລີ້ມສະຫຼອງບຸນ Maha Pushkaralu ເວລາ
ຫລາຍສິບລ້ານຄົນຄາດວ່າ ຈະໄປສະແຫວງບຸນ ຢູ່ທີ່ແມ່ນໍ້າ Godavari ເພື່ອສູດມົນໃນ
12 ມື້ຂ້າງໜ້ານີ້.
ການຢຽບກັນຕາຍ ມັກເກີດຂື້ນຢູ່ເລື້ອຍໆໃນອິນເດຍ ລະຫວ່າງການສະຫລອງບຸນທາງ
ສາສະໜາ ບ່ອນທີ່ຝູງຊົນເປັນຈຳນວນຫລາຍລ້ານຄົນ ໄປເຕົ້າໂຮມກັນຢູ່ໃນເຂດນ້ອຍໆ
ແລະສ້າງຄວາມຫຍຸ້ງຍາກລຳບາກໃຫ້ແກ່ພວກເຈົ້າໜ້າທີ່ຮັກສາຄວາມປອດໄພ.
Your browser doesn’t support HTML5
India Stampede