ນາຍົກລັດຖະມົນຕີອິນເດຍ ທ່ານນາເຣນດຣາ ໂມດີ ກ່າວວ່າ ປະເທດຂອງທ່ານຈະ
ເລີ້ມໂຄງການສົ່ງມະນຸດຂຶ້ນສູ່ອະວະກາດເປັນເທື່ອທຳອິດໃນປີ 2022.
ທ່ານໂມດີໄດ້ປະກາດໃນວັນພຸດມື້ນີ້ ຢູ່ທີ່ຄ້າຍປະວັດສາດເຣດຝອດ ໃນນະຄອນຫຼວງ
ນິວເດລີ ລະຫວ່າງການສະຫຼອງຄົບຮອບ 71 ປີ ທີ່ໄດ້ຮັບເອກກະລາດ ຈາກອັງກິດ.
ທ່ານໂມດີກ່າວວ່າ ການສົ່ງມະນຸດດັ່ງກ່າວ ຈະເຮັດໃຫ້ອິນເດຍເປັນປະເທດທີສີ່ ທີ່ຈະ
ສົ່ງນັກບິນອະວະກາດຕົນຂຶ້ນສູ່ວົງໂຄຈອນ ຫຼັງຈາກຣັດເຊຍ ສະຫະລັດ ແລະຈີນ. ໂຄງ
ການອະວະກາດຂອງອິນເດຍໄດ້ພັດທະນາຢ່າງວ່ອງໄວໃນບໍ່ເທົ່າໃດປີທີ່ຜ່ານມາ ໂດຍ
ໄດ້ປະສົບຜົນສຳເລັດໃນການສົ່ງດາວທຽມຂຶ້ນສູ່ວົງໂຄຈອນຂອງດາວພະອັງຄານ ໃນ
ປີ 2014.
ແມ່ຍິງຄົນນຶ່ງກຳລັງຂາຍເຄື່ອງລະລຶກ ວັນເອກກະລາດອິນເດຍ ທີ່ເມືອງລັກໂນ ວັນອັງຄານ ທີ 14 ສິງຫາ 2018.
ທ່ານໂມດີຍັງໄດ້ປະກາດເຖິງໂຄງການປະກັນໄພສຸຂະພາບໃໝ່ ທີ່ຈະໃຫ້ເງິນປະມານ
7,000 ໂດລາຕໍ່ປີ ແກ່ປະຊາຊົນ 500 ລ້ານຄົນທີ່ທຸກຈົນໃນການຮັກສາສຸຂະພາບຂອງ
ເຂົາເຈົ້າ.
ນາຍົກລັດຖະມົນຕີ ກ່າວວ່າ ເສດຖະກິດອິນເດຍ ໄດ້ຫັນປ່ຽນຈາກ ‘ການຫລັບນອນ”
ກ້າວເຂົ້າເປັນມະຫາອຳນາດໃນໂລກ ເນື່ອງຈາກຈຳນວນການລິເລີ້ມນັບແຕ່ທ່ານໄດ້
ຖືກເລືອກເຂົ້າຮັບໜ້າທີ່ໃນປີ 2014 ຮວມທັງການເກັບພາສີຮວມ ແຫ່ງຊາດ ແລະການ
ລົງທຶນໃນດ້ານພື້ນຖານໂຄງລ່າງ.