ລັດຖະມົນຕີກະຊວງພາຍໃນຂອງອິນເດຍກ່າວວ່າ ລະເບີດທີ່ແຕກໃສ່ລົດຂອງສະຖານ
ທູດອິສຣາແອລໃນວັນຈັນວານນີ້ ຢູ່ກາງນະຄອນຫຼວງນີວເດລີນັ້ນ ໄດ້ແຕກຂຶ້ນບໍ່ພຽງ
ເທົ່າໃດວິນາທີຫລັງຈາກລະເບີດລູກດັ່ງ ກ່າວໄດ້ຖືກນຳໄປຕິດຕັ້ງໃສ່ລົດ ຊຶ່ງສະແດງ
ອອກມາໃຫ້ເຫັນວ່າ ການໂຈມຕີດັ່ງກ່າວນີ້ ໄດ້ດຳເນີນການໂດຍ “ຜູ້ທີ່ໄດ້ຮັບການຝຶກ
ຫັດເປັນຢ່າງດີ.”
ທ່ານ Palaniappan Chidambaram ກ່າວໃນວັນອັງຄານນີ້ວ່າ ເພາະວ່າການໂຈມ
ຕີດ້ວຍລະເບີດຄັ້ງນີ້ ໄດ້ແນໃສ່ພັນລະຍາຂອງນັກການທູດອິສຣາແອລ ເພາະສະນັ້ນ
ມັນຈຶ່ງກ່າວໄດ້ວ່າເປັນການໂຈມຕີຂອງພວກກໍ່ການຮ້າຍນີ້ ຊຶ່ງເປັນສິ່ງທີ່ອິນເດຍປະ
ນາມ.
ອິສລາແອລໄດ້ກ່າວຫາອີຣ່ານ ແລະ ກຸ່ມມຫົວຮຸນແຮງ Hezbollah ຂອງເລບານນອນ
ວ່າເປັນຜູ້ທຳການໂຈມຕີ ພ້ອມໆກັບການໂຈມຕີດ້ວຍລະເບີດທີ່ເກີດຂຶ້ນເກືອບພ້ອມໆ
ກັນ ທີ່ແນໃສ່ລົດຂອງນັກການທູດອິສຣາແອລ ທີ່ Goegia ແຕ່ວ່າກຸງ Tehran ໄດ້ປະ
ຕິເສດຢ່າງວ່ອງໄວຕໍ່ຂໍ້ຫາດັ່ງກ່າວ.
ລະເບີດແຕກທີ່ກຸງນີວເດລີ ໄດ້ເຮັດໃຫ້ 4 ຄົນໄດ້ຮັບບາດເຈັບ.
ອີກເຫດການນຶ່ງ ພະນັກງານສະຖານທູດອິສຣາແອລ ທີ່ນະຄອນຫລວງ Tbilisi ຂອງ
Georgia ໄດ້ຫລຽວເຫັນອຸປະກອນທີ່ໜ້າສົງໄສຕິດໃສ່ລົດຂອງລາວ ແລະໄດ້ແຈ້ງໃຫ້
ເຈົ້າໜ້າທີ່ຕໍາຫລວດຊາບ ແລະໄດ້ມາຊ່ວຍປົດກະນວນລະເບີດອອກຢ່າງປອດໄພ.