ໄຟຟ້າໄດ້ກັບຄືນມາໃຫ້ບໍລິການແກ່ປະຊາຊົນຢ່າງເຕັມສ່ວນແລ້ວທີ່ອິນເດຍລຸນຫລັງທີ່
ໄດ້ ມອດລົງໃນພື້ນທີ່ອັນກວ້າງໃຫຍ່ ເຮັດໃຫ້ຫຼາຍກວ່າ 600 ລ້ານຄົນບໍ່ມີໄຟຟ້າໃຊ້.
ພວກເຈົ້າໜ້າທີ່ຮັບຜິດຊອບເວົ້າໃນວັນພຸດມື້ນີ້ວ່າ ກະແສໄຟຟ້າໄດ້ກັບຄືນມາແລ້ວ ຢູ່
ໃນເຂດພາກເໜືອ ແລະຕາເວັນອອກຂອງອິນເດຍ ບ່ອນທີ່ໄຟມອດຄັ້ງປະຫວັດສາດ ໄດ້ສົ່ງຜົນກະທົບຕໍ່ປະຊາຊົນໃນ 20 ແຂວງ.
ເຫດໄຟຟ້າຕິດຂັດໃນມື້ວານນີ້ ເກີດຂຶ້ນເປັນຄັ້ງທີ່ 2 ໃນໄລຍະເວລາສອງມື້ ລຸນຫລັງ
ທີ່ເກີດເຫດການໄຟດັບຂະໜາດນ້ອຍກວ່າ ທີ່ສົ່ງຜົນກະທົບຕໍ່ 300 ລ້ານຄົນ ໃນວັນ ຈັນຜ່ານມານີ້.
ລັດຖະມົນຕີກະຊວງພະລັງງານອິນເດຍ ທ່ານ Sushil Kumar Shinde ໄດ້ຕໍານິ ບັນດາແຂວງຕ່າງໆຂອງອິນເດຍວ່າ ເຮັດໃຫ້ສາຍສົ່ງກະແສໄຟຟ້າລົ້ມແຫລວ ຍ້ອນໃຊ້ໄຟຫລາຍເກີນອັດຕາຂອງພະລັງງານທີ່ແຈກຈ່າຍໃຫ້. ແຕ່ວ່າ ຫົວໜ້າບໍລິສັດຕາ
ໜ່າງໄຟຟ້າ ທ່ານ RN Nayak ໄດ້ກ່າວເຕືອນວ່າ ມັນຍັງໄວເກີນໄປທີ່ຈະຮູ້ສາເຫດ ຢ່າງແນ່ນອນ.
ການຕິດຂັດດ້ານພະລັງງານໄຟຟ້າໃນລະດັບຈໍາກັດ ແມ່ນເປັນເລື້ອງທໍາມະດາ ຢູ່
ອິນເດຍ. ແຕ່ພວກນັກວິເຄາະໃຫ້ຄໍາເຫັນວ່າ ເຫດການໄຟມອດຄັ້ງໃຫຍ່ຂະໜາດ
ເຊ່ນນີ້ ແມ່ນໄດ້ເນັ້ນໃຫ້ເຖິງຈຸດອ່ອນໃນລະບົບໂຄງລ່າງພື້ນຖານຂອງປະເທດ ໃນ
ຂະນະທີ່ ອິນເດຍກໍາລັງສູ້ຊົນເພື່ອໃຫ້ກາຍເປັນມະຫາອໍານາດດ້ານເສດຖະກິດ ປະເທດນຶ່ງນັ້ນ.
http://www.youtube.com/embed/Q_vVIS0OUwU?feature=player_detailpage