ເຂດ Silicon Valley ຢູ່ລັດ California ທີ່ຮູ້ກັນດີວ່າ ເປັນສູນກາງນະວັດຕະກໍາເທັກໂນໂລຈີຂອງໂລກນັ້ນ ຍັງເປັນບ່ອນທີ່ສະແດງໃຫ້ເຫັນເຖິງເລື່ອງລາວໃນການປະສົບຜົນສຳເລັດ ຂອງພວກຄົນເຂົ້າເມືອງ. ໃນປີ 2013 ສອງບໍລິສັດທີ່ເລີ້ມຕົ້ນໃໝ່ໂດຍພວກຄົນເຂົ້າເມືອງ ແມ່ນຮວມຢູ່ໃນຫ້າບໍລິສັດໃຫ້ເງິນກູ້ຢືມ ທີ່ໃຫຍ່ທີ່ສຸດ ໃນເຂດ Silicon Valley ແລະປັດຈຸບັນນີ້ ເຂົາເຈົ້າໄດ້ກາຍເປັນຜູ້ທີ່ມີການຈັດຕັ້ງເຂັ້ມແຂງແລ້ວ. Saquib Ui Islam ຈະພາທ່ານສຳຫຼວດເບິ່ງວ່າ ພວກທີ່ມາຮອດອາເມຣິກາໃໝ່ໆເຫລົ່ານີ້ ປະສົບຜົນ ສຳເລັດໄດ້ແນວໃດ ໃນອຸດສາຫະກໍາເທັກໂນໂລຈີ ທີ່ມີການແຂ່ງຂັນກັນນັ້ນ. ກິ່ງສະຫວັນ ມີລາຍລະ ອຽດມາສະເໜີທ່ານ ໃນອັນດັບຕໍ່ໄປ.
ເຂດ Silicon Valley ໃນລັດ California ເປັນເວທີຫັນປ່ຽນຄວາມຝັນໃຫ້ກາຍເປັນ ຄວາມຈິງ. ສຳລັບພວກຄົນເຂົ້າເມືອງ ຫລາຍຄົນແລ້ວ ພຽງແຕ່ວ່າມາເຖິງສະຫະລັດກໍແມ່ນເປົ້າໝາຍຂອງເຂົາເຈົ້າ. ແຕ່ສຳລັບຄົນອື່ນໆນັ້ນ ຍັງມີ ຄວາມໄຝ່ຝັນໃຫຍ່ໄປກວ່າ ນັ້ນອີກ.
Your browser doesn’t support HTML5
ເຊີນຟັງ ຄົນເຂົ້າເມືອງ ປະສົບຜົນສຳເລັດ ກັບການສ່ຽງລົງທຶນ ເຮັດທຸລະກິດຢູ່ Silicon Valley.
ທ່ານ Qasar Younis ທີ່ປາກພາສາປັນຈາບ ແມ່ນໂຕຢ່າງຄົນນຶ່ງ. ປັດຈຸບັນນີ້ລາວເປັນ ເຈົ້າໜ້າທີ່ ຫົວໜ້າບໍລິຫານບໍລິສັດໃຫ້ເງິນກູ້ຢືມທີ່ໃຫຍ່ສຸດຢູ່ໃນເຂດ Silicon Valley ຄືບໍລິສັດ Y Combinator. ແຕ່ວ່າໃນເມື່ອກ່ອນ ທ່ານເຄີຍເປັນພຽງເດັກນ້ອຍຄົນນຶ່ງ ທີ່ ມາຈາກບ້ານ ທີ່ຢູ່ໂດດດ່ຽວຫ່າງໄກ ໃນແຂວງປັນ ຈາບ ປະເທດປາກິສຖານ. ທ່ານ Younis ກ່າວວ່າ ລາວຮູ້ຢູ່ສະເໝີວ່າລາວສາ ມາດກາຍເປັນບຸກຄົນສຳຄັນ ຢູ່ທີ່ເຂດ Silicon Valley.
ທ່ານ Younis ກ່າວວ່າ “ຂ້າພະເຈົ້າຄິດວ່າ ເຂດ Silicon Valley ເປັນພາກສ່ວນນຶ່ງທີ່ແຕກຕ່າງຂອງປະສົບພະການຂ້າພະເຈົ້າ ນອກເໜືອໄປຈາກອາເມຣິກາ ແລະຖ້າຫາກ ທ່ານເບິ່ງຄືນໄປຍັງເຂດ Silicon Valley ແລ້ວຫລາຍກວ່າເຄິ່ງນຶ່ງຂອງບັນດາບໍລິສັດ ຢູ່ໃນເຂດ Silcon Valley ແມ່ນຕັ້ງຂຶ້ນມາໂດຍພວກຄົນເຂົ້າເມືອງ.”
ຄັ້ງນຶ່ງ ທ່ານກໍເຄີຍເປັນເຈົ້າຂອງບໍລິສັດທີ່ຕັ້ງໃໝ່ ຊຶ່ງຕ້ອງການທຶນເພື່ອບໍລິຫານທຸລະກິດ ຕົນເອງ ໃນເວລານີ້ ທ່ານ Younis ເປັນຫົວໜ້າບໍລິຫານຂອງບໍລິສັດ Y Combinator ທີ່ໃຫ້ການຊ່ວຍເຫລືອແກ່ບໍລິສັດຕັ້ງໃໝ່ ຂະຫຍາຍທຸລະກິດ ຂອງພວກເຂົາເຈົ້າ.
ທ່ານ Younis ເປັນຜູ້ໃຫ້ເງິນກູ້ຢືມໃນການຕັ້ງບໍລິສັດທີ່ມີຄວາມສ່ຽງ ເປັນນັກລົງທຶນຜູ້ທີ່ ເຊື່ອວ່າບໍລິສັດທີ່ຕັ້ງໃໝ່ຈະປະສົບຜົນສຳເລັດແລະໃຫ້ເງິນກູ້ຢືມເພື່ອ ແລກປ່ຽນກັບການມີຮຸ້ນສ່ວນຢູ່ໃນບໍລິສັດທີ່ຕັ້ງໃໝ່. ທ່ານ Younis ທີ່ເລີ້ມຈາກ ການເປັນເຈົ້າຂອງບໍລິສັດທີ່ຕັ້ງໃໝ່ມາເປັນຜູ້ໃຫ້ເງິນກູ້ຢືມແບບມີຄວາມສ່ຽງ ແຕ່ວ່າ ຊາວປາກິສຖານອີກຄົນນຶ່ງ ທ່ານ Dilawar Sayed ແມ່ນໄດ້ເຮັດໃນອີກ ທາງນຶ່ງທີ່ແຕກຕ່າງກັນ.
ບໍລິສັດ Freshdesk ແມ່ນບໍລິສັດຊອບແວ ທີ່ໃຊ້ cloud ເປັນຫລັກ ຊຶ່ງມີສຳ ນັກງານຢູ່ນະຄອນ San Francisco ໄດ້ຊ່ວຍບັນດາທຸລະກິດຕ່່າງໆບໍລິຫານງານ ຮັບໃຊ້ພວກ ລູກຄ້າຂອງຕົນ.ທ່ານ Dilawar Sayed ປະທານຂອງບໍລິ ສັດ ກ່າວວ່າ ເຂດ Silicon Valley ແມ່ນມີຄວາມສຳຄັນໄປກວ່າທີ່ຕັ້ງ ມັນເປັນໝາກຫົວໃຈ ທີ່ໃຫ້ໂອກາດອັນໃຫຍ່ ແກ່ພວກຄົນເຂົ້າເມືອງ.
ທ່ານ Sayed ກ່າວວ່າ “ຂ້າພະເຈົ້າຄິດວ່າ ເຂດ Silicon Valley ແມ່ນແຕກຕ່າງ ເພາະ ວ່າຢູ່ໃນລະບົບທີ່ສະທ້ອນ ມີສ່ວນຊ່ວຍໃຫ້ຄົນພັດທະນາເຂົາເຈົ້າເອງ ຊຸກຍູ້ໃຫ້ເຂົເຈົ້າຮັບເອົາຄວາມສ່ຽງ ມັກລົ້ມແຫລວຢູ່ເລື້ອຍໆ ແລະຫຼັງຈາກນັ້ນກໍມັກ
ຈະປະສົບກັບຜົນສຳ ເລັດ ໃນແບບທີ່ໂດ່ງດັງເປັນພິເສດ.”
ເພາະສະນັ້ນມີຫຍັງລີ້ລັບຢູ່ເບື້ອງຫລັງ ທີ່ເຮັດໃຫ້ຍິ່ງມີການປະສົບຄວາມສຳເລັດຢ່າງ ໃຫຍ່ໃນເຂດ Silicon Valley?
ທ່ານ Dilawar ກ່າວວ່າ “ຮັບເອົາການສ່ຽງ ແລະຢ່າຢ້ານກົວ ຕໍ່ການລົ້ມແຫລວ.”
ທ່ານ Younis ກ່າວວ່າ “ນຶ່ງ ເປັນນັກວິສະວະກອນ ສອງເລີ້ມຢ່າງໃດຢ່າງ ນຶ່ງດ້ວຍຕົວທ່ານເອງ ແທນທີ່ຈະເຮັດວຽກໃຫ້ແກ່ຄົນອື່ນ.”
ເລື່ອງຂອງຜູ້ສຳເລັດສອງຄົນນີ້ຢູ່ເຂດ Silicon Valley ຫວັງວ່າຈະກະຕຸ້ນໃຈໃຫ້ແກ່ພວກນັກວິສາຫະກິດລຸ້ນຕໍ່ໆໄປ.