ເຂດ Silicon Valley ໃນລັດ California ຊຶ່ງເປັນທີ່ຮູ້ກັນດີໃນການເລີ້ມຕົ້ນຕັ້ງບໍລິສັດ high-tech ນັ້ນ ສາມາດອະທິບາຍໄດ້ວ່າ ເປັນບ່ອນປະສົມປະສານທາງດ້ານວັດທະນະ ທໍາ ແລະພາສາຕ່າງໆ ຊຶ່ງທັງໝົດແມ່ນເຕົ້າໂຮມກັນຢູ່ໃນຂົງເຂດຂອງບໍລິສັດເທັກໂນໂລ ຈີ. ໃນຂະນະທີ່ພະຍາຍາມລິເລີ້ມຕັ້ງບໍລິສັດ ໃນຖານະທີ່ເປັນຄົນຕ່າງດ້າວນັ້ນ ມັນຈະເປັນການຍາກລຳບາກຢູ່ໃນບາງບ່ອນ ແຕ່ຈະບໍ່ແມ່ນໃນກໍລະນີຂອງເຂດ Silicon Valey ນັ້ນ ຄືຄຳເວົ້າຂອງຄູ່ຮ່ວມງານຜູ້ກໍ່ຕັ້ງ ບໍລິສັດທີ່ຮ້ອງວ່າ Osmo. ຄືດັ່ງຜະລິດຕະພັນຂອງລາວ ທີ່ໄດ້ອອກແບບໃຫ້ແກ່ພວກເດັກ ນ້ອຍ ເຂດ Silicon Valle ກຳລັງທັບມ້າງອຸບປະສັກ ທີ່ ກີດຂວາງ ທາງດ້ານວັດທະນາທຳ. Elizabeth Lee ໄດ້ໃຫ້ການອະທິບາຍຢູ່ໃນລາຍ ງານ ນີ້ ຈາກເມືອງ Palo Alto ລັດ California ຊຶ່ງ ກິ່ງສະຫວັນ ຈະນຳມາສະເໜີທ່ານ ໃນອັນດັບຕໍ່ໄປ.
Your browser doesn’t support HTML5
ເຊີນຟັງລາຍງານ ກ່ຽວກັບ Cilicon Valley ບ່ອນເຕົ້າໂຮມບໍລິສັດ ເທັກໂນໂລຈີ ໃນລັດ California
ນາງ Hayley Chu ແລະນ້ອງຊາຍຂອງລາວໄດ້ຊື້ເຄື່ອງຫລິ້ນນີ້ບໍ່ພໍເທົ່າໃດນາທີຜ່ານ ມານີ້.
ນາງ Rochelle Chu ຜູ້ເປັນແມ່ກ່າວວ່າ “ບໍ່ມີປື້ມອ່ານໃຫ້ຄຳແນະນຳບອກໃຫ້ຮູ້ວິທີ ຫລິ້ນ ແຕ່ເຂົາເຈົ້າພາກັນເລີ້ມຫລິ້ນໄປໂລດ.”
ເຂົາເຈົ້າພາກັນທົດລອງເຄື່ອງຫລິ້ນລຸ້ນຫລ້າສຸດຂອງບໍລິສັດ Osmo ທີ່ໃຊ້ລະຫັດ. ມັນ ສອນໃຫ້ພວກເດັກນ້ອຍທີ່ມີອາຍຸນ້ອຍເຖິງຫ້າປີ ໃຫ້ຮູ້ຈັກເຖິງພື້ນຖານຄວາມຄິດກ່ຽວກັບ ລະຫັດ. ນີ້ຮວມທັງການບັນຊາການ ໃນວິທີທາງທີ່ມີເຫດຜົນກັບເຄຶ່ອງຫລິ້ນ ທີ່ເປັນກ້ອນ ເຫລົ່ານີ້ ເພື່ອໃຫ້ໂຕສັດຢູ່ໃນ iPad ນັ້ນຮູ້ວ່າ ຈະເຮັດຢ່າງໃດ.
ທ່ານ Pramod Sharma ຜູ້ຮ່ວມກໍ່ຕັ້ງບໍລິສັດ Osmo ກ່າວວ່າ “ສິ່ງສຳຄັນກໍຄືແນວຄິດ ຂອງ ທ່ານນັ້ນແມ່ນຫຍັງ? ທ່ານຄິດຢ່າງໃດ? ການໃຊ້ພາສາທີ່ເປັນລະຫັດໃຫ້ໜ້ອຍ ລົງ. ລະຫັດ ທ່ານສາມາດຄິດເຖິງການສື່ສານລະຫວ່າງເຄຶ່ອງຈັກ ແລະໂຕທ່ານເອງ.”
ນາງ Rochelle ກ່າວວ່າ “ມັນດີເພາະວ່າ ມັນແນະນຳໃຫ້ເຂົາເຈົ້າໃນວິທີທາງທີ່ເປັນ ເພື່ອນມິດ ເພື່ອໃຫ້ເຂົາເຈົ້າສາມາດທົດລອງ ແລະຫລີ້ນ ແລະກໍບໍ່ມີຄວາມຢ້ານກົວ.”
ຜູ້ຮ່ວມກໍ່ຕັ້ງບໍລິສັດ Osmo ທ່ານ Pramod Sharma ກ່າວວ່າ ການບໍ່ຢ້ານທີ່ຈະທົດລອງ ຍັງເປັນຄວາມຈິງຂອງວັດທະນາທຳໃນການລິເລີ້ມ ຢູ່ໃນເຂດ Silicon Valley.
ທ່ານ Sharma ກ່າວວ່າ “ພວກເຮົາກາຍມາເປັນຜູ້ອອກແບບ ໃນການປະດິດຄິດສ້າງ ໂດຍມີຊັບພະຍາກອນພຽງເລັກນ້ອຍໄດ້ແນວໃດ? ນັ້ນເປັນສິ່ງທ້າທາຍ. ສິ່ງທີ່ເຮັດໃຫ້ ມີຄວາມ ມ່ວນຊື່ນ ກໍແມ່ນທ່ານເອງທີ່ມີເສ ລີພາບຢ່າງຫລວງຫລາຍ. ທ່ານສາມາດເຮັດ ໄດ້ ເກືອບວ່າທຸກຢ່າງ."
ທ່ານ Sharma ກ່າວວ່າ ເຄຶ່ອງຫລີ້ນທີ່ມີລະຫັດຂອງບໍລິສັດ Osmo ຈະເປັນທີ່ດືງດູດຢູ່ໃນທົ່ວໂລກ ເພາະວ່າການຮຽນຮູ້ໃນການສື່ສານກັບຄອມ ພິວເຕີ ແມ່ນຢູ່ເໜືອຄວາມ ແຕກຕ່າງທາງດ້ານພາສາ ແລະວັດທະນາທຳ. ເພາະສະນັ້ນ ທ່ານ Sharma ຈຶ່ງກ່າວວ່າ ບໍລິສັດຂອງທ່ານປະກອບໄປດ້ວຍຜູ້ຄົນທີ່ມາຈາກທົ່ວໂລກ.
ທ່ານ Sharma ກ່າວວ່າ “ພວກເຮົາຊອກສະແຫວງຫາຜູ້ຄົນທີ່ມີພື້ນຖານ ແຕກຕ່າງໃນດ້ານວັດທະນາທຳ ຢູ່ເລື້ອຍໆ ເພາະວ່າ ຜະລິດຕະພັນທີ່ພວກເຮົາສ້າງ ແມ່ນສຳລັບ ເດັກ ນ້ອຍ ແລະເຂົາເຈົ້າຢູ່ທຸກຫົນແຫ່ງທີ່ພະ ຍາຍາມຮຽນຮູ້.”
ແຕ່ວ່າຄວາມຫລາກຫລາຍ ແມ່ນນອກເໜືອໄປກວ່າບໍລິສັດ ແລະຜະລິດຕະພັນຂອງທ່ານ
Sharma. ມັນເປັນການສະທ້ອນໃຫ້ເຫັນ ຂອງເຂດ Silicon Valle ບ່ອນທີ່ພາສາຂອງ ຄອມພິວເຕີແລະເທັກໂນໂລຈີເຊື່ອມ ໂຍງຜູ້ຄົນ ທີ່ມາຈາກປະເພນີທີ່ແຕກຕ່າງກັນ ທີ່ເຮັດ ວຽກ ແລະຢູ່ທີ່ນີ້ ໃຫ້ເຂົ້າຫາກັນ.
ທ່ານ Sharma ກ່າວວ່າ “ຂ້າພະເຈົ້າຄິດວ່າ ປະສົບພະການຂອງຂ້າພະ ເຈົ້າເປັນເລື້ອງ ທີ່ສຳຄັນຫຼາຍ ກ່ອນສິ່ງທີ່ທ່ານຄິດ ແລະຂັ້ນຕອນໃນການຄິດຂອງທ່ານເປັນຢ່າງໃດ ແທນທີ່ຈະແມ່ນວ່າ ທ່ານມີຮູບຮ່າງລັກສະນະແບບໃດ ພາສາຫຍັງທີ່ທ່ານປາກ ແລະ ທ່ານມີສຳນຽງແບບໃດ.”
ການປະສົມປະສານລະຫວ່າງຄວາມຫລາກຫລຍາຍ ທາງດ້ານວັດທະ ນະທຳແລະແນວ ຄິດ ພ້ອມທັງເສລີພາບການປະດິດຄິດສ້າງ ອາດເປັນເພາະວ່າ ເປັນຫຍັງພວກນັກວິສະ ວະ ກອນ ແລະບັນດານັກວິທະຍາສາດຄອມພິວເຕີ ຈາກທົ່ວໂລກ ຈຶ່ງຖືກດືງດູດໃຫ້ເຂົ້າ ມາຢູ່ໃນເຂດ Silicon Valley.