ສານອາຍາສາກົນ ໄດ້ອອກຄຳສັ່ງ ໃຫ້ສະມາຊິກກຸ່ມຫົວຮຸນແຮງຈັດອິສລາມ ຈ່າຍເງິນ
3 ລ້ານ 2 ແສນ ໂດລາ ເພື່ອຊົດໃຊ້ຄ່າເສຍຫາຍ ໃນການທຳລາຍ ສາສະໜາສະຖານ
ທີ່ເກົ່າແກ່ຫຼາຍສັດຕະວັດ ຂອງອິສລາມ ຢູ່ໃນປະເທດມາລີ.
ເສດປະຕູທີ່ປະຖິ້ມໄວ້ ຢູ່ສາສະໜາສະຖານ ບູຮານ ທີ່ຖືກທຳລາວ ໄດ້ຖືກທຳລາຍໂດຍ ພວກຫົວຮຸນແຮງອິສລາມ, ແມ່ນເຫັນໄດ້ໃນ Timbuktu, ປະເທດມາລີ, ວັນທີ 25 ກໍລະກົດ 2013.
ທ້າວ Ahmad al-Faqi al-Mahdi ໄດ້ຖືກພົບເຫັນວ່າມີຄວາມຜິດ ໂດຍສານດັ່ງກ່າວ
ເມື່ອປີກາຍນີ້ ຍ້ອນເປັນຜູ້ກັບກັບນຳ ການທຳລາຍສາສະໜາສະຖານ 9 ແຫ່ງ ແລະ
ປະຕູຂອງວັດອິສລາມ ດ້ວຍຂວານ ແລະ ລົດດຸດຫຼາຍຄັນ ຢູ່ໃນເມືອງບູຮານ
Timbuktu ເວລາ ພວກຫົວຮຸນແຮງຈັດ ໄດ້ເຂົ້າຍຶດເອົາເມືອງດັ່ງກ່າວເປັນເວລາສັ້ນໆ
ຢູ່ທາງພາກເໜືອຂອງປະເທດມາລີ ໃນປີ 2012.
ໃນການຕັດສິນທີ່ສຳຄັນນັ້ນ ສານດັ່ງກ່າວ ໄດ້ຖືເອົາການທຳລາຍສະສະໜາສະຖານ
ຕ່າງໆ ເປັນອາຊະຍາກຳສົງຄາມ ໃນເວລາສານ ໄດ້ຕັດສິນລົງໂທດ ທ້າວ Al-Mahdi
ໃຫ້ຈຳຄຸກເປັນເວລາ 9 ປີ. ລາວໄດ້ປະເຊີນກັບ ໂທດຈຳຄຸກດົນເຖິງ 30 ປີ ແຕ່ສານ
ໄດ້ພິຈາລະນາ ການຍອມຮັບສາລະພາບຜິດ ແລະ ການ ສະແດງອອກເຖິງຄວາມ
ໂສກເສົ້າເສຍໃຈຂອງລາວ.
ຮູບນີ້ຖ່າຍເມື່ອວັນທີ 18 ກໍລະກົດ 2015, ພວກຄົນທີ່ເຂົ້າຮ່ວມ ໃນພິທີ ຢືນຢູ່ໃກ້ໆ ສາສະໜາສະຖ່ານ ທີ່ໄດ້ຖືກຟື້ນຟູຂຶ້ນໃໝ່ ຢູ່ໃນເມືອງ Timbuktu ຂອງ Mali.
ສາສະໜາສະຖານເຫຼົ່ານີ້ ແມ່ນມີອາຍຸຢ້ອນຄືນໄປເຖິງສັດຕະວັດທີ 14 ແລະຖືກຈັດ
ຢູ່ໃນບັນຊີລາຍຊື່ ສະຖານທີ່ມໍລະດົກໂລກຂອງອົງການຢູແນັສໂກ ຊຶ່ງເປັນອົງການ
ວັດທະນະທຳ ຂອງສະຫະປະຊາຊາດ. ອົງການດັ່ງກ່າວ ຕັ້ງແຕ່ນັ້ນມາກໍໄດ້ເລີ້ມ ປະຕິ
ສັງຂອນສາສະໜາສະຖານເຫຼົ່ານີ້ແລ້ວ.
Your browser doesn’t support HTML5
Mali Timbuktoo War Crimes