ບັນດາເຈົ້າໜ້າທີ່ ອິນໂດເນເຊຍ ກ່າວວ່າ ຈຳນວນຜູ້ເສຍຊີວິດ
ຍ້ອນເຮືອບິນຂົນສົ່ງທະຫານຕົກ ໄດ້ເພີ້ມຂື້ນຢ່າງຫຼວງຫຼາຍ
ເປັນ 141 ຄົນ ໃນຂະນະທີ່ໜ່ວຍກູ້ໄພກຳລັງຊອກຫາຢູ່ຊາກ
ເພພັງ ໃນຄຸ້ມທີ່ປະຊາຊົນອາໄສຢູ່ແຫ່ງນຶ່ງ ທີ່ເກາະ Sumatra.
ເຮືອບິນ Hecules C-130 ໄດ້ຕົກລົງໃສ່ເຮືອນສອງຫລັງ
ແລະໂຮງແຮມນຶ່ງຫລັງ ໃນວັນອັງຄານວານນີ້ ບໍ່ເທົ່າໃດນາທີ
ລຸນຫລັງທີ່ໄດ້ບິນຂື້ນຈາກຖານທັບອາກາດ Medan ເມືອງ
ໃຫຍ່ອັນດັບສາມຂອງອິນໂດເນເຊຍ. ບໍ່ຜູ້ໃດລອດຊີ ວິດ.
ນັກບິນໄດ້ລາຍງານຕໍ່ຫໍຄວບຄຸມການບິນ ກ່ອນເຮຶຶອບິນຕົກ
ວ່າ ລາວຕ້ອງການບິນກັບຄືນເພາະວ່າເຄື່ອງຈັກມີບັນຫາ ອິງຕາມຜູ້ບັນຊາການກອງທັບອາກາດ ພົນອາກາດ Agus Supriatna.
ບັນດາເຈົ້າໜ້າທີ່ຢືນຢັດວ່າ ເຮືອບິນທີ່ມີອາຍຸ 51 ປີ ສີ່ໝາກປິ່ນທີ່ຂັບດັນດ້ວຍ ຈັກອາຍ
ພົ່ນ ແມ່ນຢູ່ໃນສະພາບດີ.
ອຸບັດເຫດນີ້ ໄດ້ກໍ່ໃຫ້ເກີດຄວາມເປັນຫ່ວງຂື້ນມາໃໝ່ ກ່ຽວກັບມາດຕະຖານດ້ານການບິນ
ທະຫານຂອງປະເທດ. ມັນເປັນເຫດເຮືອບິນຕົກຮ້າຍແຮງເທື່ອທີຫົກ ພົວພັນກັບກອງທັບ
ອາກາດອິນໂດເນເຊຍ ໃນຮອບສິບປີທີ່ຜ່ານມາ ອີງຕາມຕາໜ່າງຄວາມປອດໄພດ້ານ
ການບິນ.
ປະທານາທິບດີອິນໂດເນເຊຍ ທ່ານ Joko Widodo ໃນວັນພຸດມື້ນີ້ ໄດ້ໃຫ້ຄຳໝັ້ນສັນ
ຍາ ຈະທຳການສຶບສວນຢ່າງເຕັມທີ່ ແລະທົບທວນເບິ່ງອຸບປະກອນໃນ ດ້ນາປ້ອງກັນ
ປະເທດ. ທ່ານກ່າວຜ່ານທາງ twitter ວ່າ “ຕ້ອງໄດ້ມີການຊັ່ງຊາເບິ່ງອາຍຸເຮືອບິນ ແລະ
ລະບົບປ້ອງກັນປະເທດ.”
ໄດ້ມີການສັບສົນກ່ຽວກັບວ່າ ມີຈັກຄົນແທ້ຢູ່ໃນເຮືອບິນ. ບັນດາເຈົ້າໜ້າທີ່ກ່າວໃນວັນພຸດ
ມື້ນີ້ວ່າ ມີ 122 ຄົນ ສ່ວນໃຫຍ່ແມ່ນທະຫານ ແລະຄອບຄົວເຂົາເຈົ້າ ຢູ່ໃນເຮືອບິນ. ກາ
ຄາດຄະເນໃນຂັ້ນຕົ້ນ ແມ່ນປະມານ 12 ຄົນ. ບັນຊີຜູ້ໂດຍ ສານທີ່ເປັນທາງການມີຢູ່ 50
ຄົນ.
Your browser doesn’t support HTML5
Indonesia Plane Crash