ສະຫະປະຊາຊາດ ໄດ້ປະກາດກ່ຽວກັບການຢຸດຍິງເພື່ອມະນຸດ
ສະທຳ ທີ່ຈະເລີ້ມຂຶ້ນໃນເດິກວັນສຸກມື້ນີ້ ເວລາ 23 ໂມງ 59 ນາ
ທີ ຕາມເວລາທ້ອງຖິ່ນ ໃນເຢເມັນ ໂດຍໃຫ້ຍຸດຕິການໂຈມຕີ
ທາງອາກາດ ພາຍໃຕ້ການນຳພາຂອງຊາອຸດີ ແລະການສູ້ລົບ
ກັບພວກກະບົດ Houthi ທີ່ຈະອະນຸຍາດໃຫ້ການຊ່ວຍເຫລືອ
ເຂົ້າໄປເຖິງຊາວເຢເມັນ ຫລາຍລ້ານຄົນຢູ່ໃນທົ່ວປະເທດ.
ທ່ານ Stephans Dujarric ໂຄສົກຂອງອົງການສະຫະປະຊາ
ຊາດ ໄດ້ກ່າວ ວ່າ “ການຢຸດຍິງທີ່ບໍ່ມີເງື່ອນໄຂ ເພື່ອມະນຸດສະ
ທຳ ຈະດຳເນີນຢູ່ຕໍ່ໄປຈົນເທົ່າເດືອນສັກສິດ Ramadan ສິ້ນ
ສຸດລົງ.
ອິງຕາມຖະແຫລງການຂອງສະຫະປະຊາຊາດແລ້ວ “ເລຂາທິການໃຫຍ່ ໄດ້ຮັບການຄໍ້າ ປະກັນຜ່ານ ທູດພິເສດຂອງທ່ານ ຈາກພວກກະບົດ Houthi ສະພາປະຊາຊົນທົ່ວໄປ
ແລະພັກຝ່າຍຕ່າງໆ ວ່າ ການຢຸດຍິງຈະໄດ້ຮັບການເຄົາລົບຢ່າງເຕັມທີ່ ແລະຈະບໍ່ມີການ
ລະເມີດໃດໆຈາກກຳລັງສູ້ລົບ ທີ່ຢູ່ພາຍໃຕ້ການຄວບຄຸມຂອງເຂົາເຈົ້າ”
ບຸນ Eid ຊຶ່ງເປັນຂີດໝາຍການສີ້ນສຸດ ຂອງເດືອນອົດອາຫານສຳລັບຊາວມຸສລິມມີກຳ
ນົດຈະຈັດຂຶ້ນປະມານວັນທີ 17 ເດືອນກໍລະກົດ ຈະມາເຖິງນີ້.
ສະຫະປະຊາຊາດ ໄດ້ພະຍາຍາມຊໍ້າແລ້ວຊໍ້າອີກ ເພື່ອເຈລະຈາຢຸດຍິງ ລະຫວ່າງ ລັດຖະ
ບານພັດຖິ່ນ ຂອງປະທານາທິບໍດີ Abd Radu Mansour Hadi ທີ່ຮັບຮູ້ໂດຍນາໆຊາດ
ແລະກຸ່ມກະບົດ Houthi ທີ່ໄດ້ເຂົ້າຍຶດເອົານະ ຄອນຫລວງ ໃນປີແລ້ວນີ້.
ການໂຈມຕີທາງອາກາດຂອງ ຊາອຸດີ ຕໍ່ພວກກະບົດ Houthi ໄດ້ເລີ້ມໃນທ້າຍເດືອນມີນາ
ເຮັດໃຫ້ຊາວເຢເມັນຕ້ອງໄດ້ພາກັນຫລົບໜີອອກຈາກຫຼາຍຫົວເມືອງສຳຄັນ ບ່ອນທີ່ໄດ້ມີ
ການສູ້ລົບກັນເກີດຂຶ້ນ.
Your browser doesn’t support HTML5
Yemen