ທີ່ໄຕ້ຫວັນ ການປະຕິບັດງານຊອກຫາແລະກູ້ໄພ ໄດ້ດຳເນີນຕໍ່ໄປ
ໃນຕອນເຊົ້າວັນສຸກມື້ນີ້ ຫລັງຈາກເກີດເຫດແກັສລະເບີດຕໍ່ເນື່ອງ
ກັນຢ່າງແຮງ ຢູ່ເມືອງທ່າ Kaohsiung ຂອງໄຕ້ຫວັນ ໃນຕອນ
ແລງວັນພະຫັດວານນີ້ ເຮັດໃຫ້ມີຜູ້ເສຍຊີວິດ 24 ຄົນ ແລະໄດ້
ຮັບບາດເຈັບ 270 ຄົນ.
ນາຍົກລັດຖະມົນຕີໄຕ້ຫວັນ ທ່ານ Jian Yi-huah ກ່າວວ່າ ເຫດ
ລະເບີດຢ່າງ ໜ້ອຍຫ້າເທຶຶ່ອ ໄດ້ສະເທືອນໂຕເມືອງ ທີ່ມີພົນລະ
ເມືອງ 2 ລ້ານ 8 ແສນຄົນ ນັ້ນ ແລະວ່າ ທະຫານຫລາຍຮ້ອຍຄົນ
ໄດ້ຮ່ວມຊ່ວຍເຫລືອ ໃນຄວາມພະຍາຍາມກູ້ໄພ.
ສຳນັກງານຂ່າວກາງ ຫລື CNA ຂອງໄຕ້ເປ ໄດ້ອ້າງຄຳເວົ້າຂອງປະທານາທິບໍດີ Mah Yong-jeou ທີ່ກ່າວວ່າ ເຫດລະເບີດຄັ້ງນີ້ແມ່ນພົວພັນກັບແກັສຮົ່ວໄຫລ ຢູ່ໃນລະບົບ
ລະບາຍສິ່ງໂສໂຄກ ໃນເຂດ Cianjhen ຂອງເມືອງ. ແຕ່ລາຍງານຂອງ CNA ເວົ້າວ່າ
ສາເຫດ ຍັງບໍ່ໄດ້ຮັບການຢືນຢັນໃນທັນທີນີ້ເທື່ອ ແລະວ່າ ຄວາມພະຍາຍາມຊອກຄົ້ນຫາ
ແລະກູ້ໄພ ຍັງດຳເນີນມາຈົນຮອດເຊົ້າວັນສຸກມື້ນີ້.
ໂທລະພາບທ້ອງຖິ່ນ ສະແດງໃຫ້ເຫັນພາບໄຟໄໝ້ລາມ ໄປຕາມຖະໜົນຫົນ ທາງຂອງເມືອງ ແລະສ້າງຄວາມເສຍຫາຍໃຫ້ແກ່ລົດລາ ຖະໜົນເຕັມໄປດ້ວຍຊາກຮັກພັງ ໃກ້ກັບບ່ອນເກີດລະເບີດ. ລາຍງານກ່າວວ່າ ແຮງລະເບີດເທຶ່ອທຳອິດ ຍັງໄດ້ເຮັດໃຫ້ຕົ້ນໄມ້ຫັກລົງ ແລະກະຈົກປ່ອງຢ້ຽມແຕກກະຈາຍ ໄປທົ່ວບໍລິເວນອັນກ້ວາງໃຫຍ່.
Your browser doesn’t support HTML5
TAIWAN EXPLOSIONS VO