ໂດຍການປະເຊີນໜ້າກັບພວກສະມາຊິກພັກເດໂມແຄຣັດ ຢູ່ໃນສະພາຕ່ຳທີ່ພາ ກັນນັ່ງປະທ້ວງ ເປັນເວລາເກືອບ 16 ຊົ່ວໂມງຮຽກຮ້ອງໃຫ້ລົງມະຕິກ່ຽວກັບຮ່າງກົດໝາຍຄວບຄຸມປືນນັ້ນ ພັກຣີພັບບລີກັນທີ່ຄວບຄຸມສະພາດັ່ງກ່າວຈຶ່ງໄດ້ລົງຄະແນນສຽງ ໃນຕອນເຊົ້າວັນພະຫັດມື້ນີ້ ເພື່ອຢຸດພັກໄປຈົນຮອດວັນທີ 5 ກໍລະກົດ.
ການເຄື່ອນໄຫວທີ່ວ່ານີ້ ໄດ້ມ້ວນທ້າຍຄ່ຳຄືນທີ່ຕື່ນເຕັ້ນຢູ່ທີ່ຕຶກລັດຖະສະພາສະຫະ ລັດບ່ອນທີ່ໃນບາງຄັ້ງບາງຄາວສະມາຊິກຂອງພັກຣີພັບບລີກັນໄດ້ກັບຄືນໄປລົງຄະ ແນນສຽງກັນ ໃນຂະນະທີ່ສະມາຊິກພັກເດໂມແຄຣັດ ທີ່ໂຮມຊຸມນຸມ ກັນກ່າວວ່າ ບໍ່ ຮັບຜ່ານຮ່າງກົດໝາຍ ກໍຈະບໍ່ມີການພັກ ແລະພາກັນຮ້ອງໂຮສົ່ງສຽງດັງ ຕໍ່ຕ້ານປະ ທານສະພາຕ່ຳ ທ່ານ Paul Ryan.
Your browser doesn’t support HTML5
House Democrats Sit-in to Force Gun Vote
ໃນລະຫວ່າງການລົງຄະແນນສຽງນັ້ນ ພັກຣີພັບບລີກກັນໄດ້ສັ່ງໃຫ້ສະພາຕ່ຳຢຸດ ພັກ ຊຶ່ງເປັນການເຄື່ອນໄຫວທີ່ໝາຍຄວາມວ່າ ທັງກ້ອງຖ່າຍຮູບແລະໄມທີ່ຢູ່ໃນ ສະພາຕ່ຳທັງໝົດຖືກສັ່ງໃຫ້ມອດໄວ້. ສ່ວນພັກເດໂມແຄຣັດໄດ້ສົ່ງຮູບພາບການ ປະທ້ວງຂອງພວກເຂົາເຈົ້າ ອອກໄປທາງໂທລະສັບມືຖືໂດຍຜ່ານທາງເຟສບຸກ ແລະກ້ອງສັງເກດການ ແລະຕາໜ່າງໂທລະພາບ C-SPAN ກໍເລີ້ມການອອກ ອາກາດຂອງຂໍ້ມູນທີ່ໄດ້ຮັບ ຊຶ່ງຕາມປົກກະຕິແລ້ວ ໃຊ້ກ້ອງຖ່າຍຮູບຂອງສະພາຕ່ຳນັ້ນ.
Your browser doesn’t support HTML5
House Democrats Stage Sit-in to Demand Action on Guns
ສະມາຊິກສະພາຕ່ຳ John Lewis ຜູ້ນຳການເຄື່ອນໄຫວດ້ານສິດທິພົນລະເມືອງ ທີ່ສຳຄັນຈາກລັດ Georgia ລິເລີ້ມການຮຽກຮ້ອງ ຂອງພັກເດໂມແຄຣັດ ໃຫ້ເອົາ ມາດຕະການດ້ານນິຕິບັດຢັດ ເພື່ອຕອບໂຕ້ຕໍ່ການສັງຫານໝູ່ ຢູ່ເມືອງ Orlando ໃນລັດ Florida ປະມານຕອນທ່ຽງ ຂອງວັນພຸດວານນີ້ ໂດຍຮຽກຮ້ອງໃຫ້ ສະມາພັກຣີພັບ ບລີກັນເຂົ້າຮ່ວມ ເພື່ອຮັບຮອງເອົາການແກ້ໄຂທີ່ມີເຫດມີຜົນ.
ກ່ອນເວລາ 4 ໂມງເຊົ້າມື້ນີ້ໜ້ອຍນຶ່ງ ໃນຂະນະທີ່ເພື່ອນຮ່ວມງານຂອງທ່ານຍັງສືບ ຕໍ່ຂຶ້ນກ່າວຖະແຫລງຢູ່ສະພາຕ່ຳນັ້ນ ທ່ານເວົ້າວ່າ ປະຊາຊົນຊາວອາເມຣິກັນຢາກ ໃຫ້ສະມາຊິກສະພາດຳເນີນການລົງໄປແລະພັກເດໂມແຄຣັດຈະເລີ້ມຄືນອີກເວລາ ສະຕ່ຳກັບຄືນມາເຮັດວຽກໃນເດືອນກໍລະກົດ.