ນັກສຶກສາຫຼາຍພັນຄົນ ຢູ່ໃນຮົງກົງ ໄດ້ເລີ້ມການຂວ້ຳບາດບໍ່ເຂົ້າ
ຫ້ອງຮຽນ ເປັນເວລານຶ່ງອາທິດ ເພື່ອປະທ້ວງການຕັດສິນຂອງ
ປັກກິ່ງ ທີ່ບໍ່ອະນຸຍາດໃຫ້ມີການເລືອກຕັ້ງແບບປະຊາທິປະໄຕ
ໂດຍເຕັມ ຢູ່ໃນ ອານານິຄົມເກົ່າຂອງອັງກິດແຫ່ງນັ້ນ.
ນັກສຶກສາວິທະຍາໄລ ແລະ ມະຫາວິທະຍາໄລ ຈາກທົ່ວດິນແດນ
ດັ່ງກ່າວ ໄດ້ພາກັນຫລັ່ງໄຫລເຂົ້າໄປໃນ ບໍລິເວນເດີ່ນມະຫາວິທະ
ຍາໄລຮົງກົງ ໃນຕອນບ່າຍວັນຈັນມື້ນີ້ ເພື່ອລິເລີ້ມການຂວ້ຳບາດ
ດ້ວຍການໂຮມຊຸມນຸມຂະໜາດໃຫຍ່.
ບັນດາຜູ້ຈັດແຈງການນັດງົດຮຽນ ມີຄວາມໂກດແຄ້ນນຳການ
ຕັດສິນ ຂອງປັກກິ່ງ ໃນເດືອນສິງຫາຜ່ານມາ ທີ່ບໍ່ໃຫ້ມີການສະເໜີຊື່ຜູ້ສະໝັກເລືອກຕັ້ງ
ເປັນຜູ້ບໍລິຫານຮົງກົງຢ່າງເປີດເຜີຍ ແຕ່ລະບຸວ່າພວກສະໝັກ ເລືອກຕັ້ງ ຕ້ອງຜ່ານການ
ກວດສອບໂດຍຄະນະກຳມະການທີ່ນິຍົມປັກກິ່ງ.
ທ້າວ Hong Yuen ນັກສຶກສາມະຫາວິທະຍາໄລຮົງກົງ ເວົ້າວ່າ “ຂ້ອຍເຊື່ອວ່າ
ໃນວັນທີ 31 ເດືອນສິງຫາ ເວລາສະພາແຫ່ງຊາດປະຊາຊົນຈີນ ທຳການຕັດສິນ
ດັ່ງກ່າວ ມັນໄດ້ທຳລາຍຄວາມຝັນ ຂອງຊາວຮົງກົງຈຳນວນນຶ່ງ ຜູ້ທີ່ໄດ້ຕໍ່ສູ້ຢ່າງ
ໜັກເພື່ອປະຊາທິປະໄຕ ເປັນເວລາ 30 ປີ ທີ່ຜ່ານມານັ້ນ.”
ນັກວິເຄາະທັງຫຼາຍ ກ່າວວ່າ ເຂົາເຈົ້າຄາດວ່າ ການຂວ້ຳບາດໃນຄັ້ງນີ້ ແມ່ນຈະມີຜົນໜ້ອຍຫລາຍ ຫຼື ບໍ່ມີຜົນກະທົບແຕ່ຢ່າງໃດເລີຍ ຕໍ່ການຕັດສິນຂອງປັກກິ່ງ.
Your browser doesn’t support HTML5
HONG KONG POLITICS SOTVO