ບັນດາຜູ້ສ້າງຕັ້ງການເຄື່ອນໄຫວເຂົ້າຍຶດຄອງຮົງກົງ ໄດ້ມອບໂຕ
ຕໍ່ຕຳຫລວດ ສຳຫລັບບົດບາດ ໃນການຈັດຕັ້ງນຳພາພວກປະທ້ວງ
ເພື່ອປະຊາທິປະໄຕ ທີ່ບັນດາເຈົ້າໜ້າທີ່ຮົງກົງ ເຫັນວ່າຜິດກົດໝາຍ.
ທ່ານ Benny Tai ທ່ານ Chan Kin-man ແລະ ທ່ານ Chu
Yiu-ming ໄດ້ເຂົ້າໄປໃນ ສູນກາງສະຖານີຕຳຫລວດ ໃນວັນພຸດ
ມື້ນີ້. ພວກເຂົາເຈົ້າ ກັບຄືນອອກໄປ ຈາກສະຖານີດັ່ງກ່າວ ໃນ
ລະຍະເວລາ ນຶ່ງຊົ່ວໂມງ ຫຼັງຈາກທີ່ເຈົ້າໜ້າທີ່ຕຳຫລວດ ປະຕິເສດ
ທີ່ຈະຈັບກຸມ ຫຼື ກ່າວຫາ ພວກເຂົາເຈົ້າ ແຕ່ຢ່າງໃດ.
ຜູ້ນຳ ການປະທ້ວງ ຮົງກົງ
ທີ່ກອງປະຊຸມຖະແຫລງຂ່າວ ຢູ່ນອກສະຖານີຕຳຫລວດ ທ່ານ Tai ກ່າວວ່າ ພວກທ່ານທັງສາມ ໄດ້ຮັບສຳນວນພິເສດ ຈາກເຈົ້າໜ້າທີ່ຕຳຫລວດ ແລ້ວກ່າວບອກໃຫ້ ພວກເຂົາເຈົ້າຄີດເອົາຄວາມຜິດອັນໃດ ທີ່ຕົນໄດ້ຍອມຮັບນັ້ນ. ພວກທີ່ສະໜັບສະໜຸນການເຄື່ອນໄຫວຍຶດຄອງ ຍັງພາກັນອອກມາ ລຽນແຖວ ເພື່ອຈະກອງສຳນວນດັ່ງກ່າວນັ້ນ.
ບໍ່ມີຄວາມກະຈ່າງແຈ້ງວ່າ ຕຳຫລວດ ຈະຈັບໂຕ ຫຼື ຈະກ່າວຫາ ຄວາມຜິດທາງອາຍາ ຕໍ່ບັນດານັກເຄື່ອນໄຫວ ຜູ້ໃດຜູ້ນຶ່ງຫຼືບໍ່. ບັນດາເຈົ້າໜ້າທີ່ ບໍ່ໄດ້ໃຫ້ຄຳຖະແຫລງການ ຕໍ່ການມອບໂຕ ຊຶ່ງເປັນການມອງເຫັນວ່າ ເປັນຄວາມພະຍາຍາມ ທີ່ຈະປຸກລະດົມການເຄື່ອນໄຫວຄືນອີກ ຫຼັງຈາກທີ່ໄດ້ສູນເສຍການສະໜັບສະໜຸນຈາກມວນຊົນໄປແລ້ວນັ້ນ.
ໃນວັນອັງຄານວານນີ້ ບັນດາຜູ້ສ້າງຕັ້ງການເຄື່ອນໄຫວຍຶດຄອງນັ້ນ ໄດ້ຮຽກຮ້ອງໃຫ້ພວກປະທ້ວງທັງຫຼາຍ ຖອຍຄືນ ເພາະຢ້ານກົວວ່າ ຈະເກີດຄວາມຮຸນແຮງຕື່ມອີກ ຫຼັງຈາກທີ່ມີການປະທະກັນຫຼາຍໆຄັ້ງກັບເຈົ້າໜ້າທີ່ຕຳຫລວດ ເມື່ອວັນອາທິດຜ່ານມາ. ແຕ່ຫາກວ່າ ພວກປະທ້ວງໄດ້ປະຕິເສດຄຳຮຽກຮ້ອງດັ່ງກ່າວນັ້ນ.
Your browser doesn’t support HTML5
US Senator: Hong Kong Should Wait No Longer for Democracy