ໄດ້ມີລາຍງານວ່າ ມີການສູ້ລົບກັນຢ່າງໜັກ ຢູ່ໃນແລະອ້ອມແອ້ມ
ເມືອງ Kobani ຂອງຊີເຣຍ ທີ່ຕິດກັບຊາຍແດນເທີກີນັ້ນ.
ມີຄວັນໄຟພຸ່ງຂຶ້ນສູ່ທ້ອງຟ້າ ເໜືອເມືອງດັ່ງກ່າວ ໃນວັນອາທິດ
ມື້ນີ້ ຂະນະທີ່ພວກນັກລົບຊາວເຄີດ ທຳການຕໍ່ສູ້ເພື່ອປ້ອງກັນ
ເມືອງຈາກການບຸກໂຈມຕີທີ່ຍັງດຳເນີນມາຢູ່ບໍ່ເຊົາ ຂອງພວກ
ຫົວຮຸນແຮງລັດອິສລາມນັ້ນ.
ພວກເຮືອບິນລົບຂອງແນວໂຮມພາຍໃຕ້ການນຳພາຂອງສະ
ຫະລັດ ໄດ້ໂຈມຕີຢ່າງໜັກຕໍ່ເປົ້າໝາຍແຫ່ງຕ່າງໆໃນເມືອງ
ແລະໃນເຂດອ້ອມແອ້ມເມືອງ Kobani ນັ້ນ.
ພວກທະຫານເທີກີ ທີ່ຢູ່ອີກຟາກນຶ່ງຂອງຊາຍແດນນັ້ນ ຍັງຄົງບໍ່ຍອມເຂົ້າຮ່ວມສູ້ລົບເທື່ອ
ເຖິງແມ່ນນາໆຊາດເພີ້ມທະວີຄວາມກົດດັນ ໂດຍການຮຽກຮ້ອງໃຫ້ປະທານາທິບໍດີ Recep Tayyip Erdogan ແຫ່ງເທີກີ ເຂົ້າແຊກແຊງກໍຕາມ.
Your browser doesn’t support HTML5
islamicstate12october14
ບັນດາເຈົ້າໜ້າທີ່ສະຫະປະຊາຊາດໃນຂົງເຂດໄດ້ເຕືອນວ່າ ເປັນໄປໄດ້ຫຼາຍທີ່ສຸດວ່າ
ພວກຊາວເຄີດ ຈຳນວນຫຼາຍເຖິງ 12 ພັນຄົນ ຮວມທັງພວກເຖົ້າແກ່ຊະລາ ຫຼາຍຮ້ອຍຄົນ
ໃນໃຈກາງເມືອງ “ແມ່ນຈະຖືກສັງຫານໝູ່” ຖ້າເມືອງ Kobani ຕົກໃຫ້ພວກກຸ່ມລັດອິສ
ລາມ. ກຸ່ມສິ້ງຊອມສິດທິມະນຸດຊີເຣຍ Syrian Observatory ທີ່ມີຫ້ອງການຕັ້ງຢູ່ໃນອັງ
ກິດ ກ່າວວ່າ ພວກຫົວຮຸນແຮງ IS ໄດ້ເຂົ້າຄວບຄຸມພື້ນທີ່ເມືອງດັ່ງກ່າວ ປະມານ 40 ເປີເຊັນ ມາຮອດຕອນເຊົ້າວັນເສົາວານນີ້.
ລັດຖະບານເທີກີ ມາຮອດປັດຈຸບັນນີ້ ບໍ່ຍອມເຂົ້າຮ່ວມໃນການສູ້ລົບ ໂດຍອ້າງເຖິງສາຍ
ພົວພັນລະຫວ່າງ ພວກຊາວເຄີດທີ່ປ້ອງກັນເມືອງໂກບານີ ກັບພັກແຮງງານຊາວເຄີດທີ່
ເທີກີຖືວ່າ ຜິດກົດໝາຍນັ້ນ. ພັກແຮງງານຊາວເຄີດ ຫຼື PKK ໄດ້ທຳການກໍ່ກະບົດ ມາເປັນເວລາຫຼາຍທົດສະວັດ ເພື່ອຢາກປັກຄອງຕົນເອງໃນພາກຕາເວັນອອກສຽງໃຕ້ຂອງເທີກີ ແລະລັດຖະບານອັງກາຣາ ແລະວໍຊິງຕັນ ໄດ້ຈັດອົງການດັ່ງກ່າວວ່າເປັນກຸ່ມຈັດຕັ້ງກໍ່ການຮ້າຍ.
Your browser doesn’t support HTML5
Kurds See War-Ravaged Kobani As Political, Emotional Heartland