ບັນດາເຈົ້າໜ້າທີ່ໄດ້ກ່າວໃນວັນອັງຄານວານນີ້ວ່າ ດາວທຽມ
ທະຫານ ສະຫະລັດ ໄດ້ພົບເຫັນແສງຄວາມຮ້ອນ ໃນເວລາທີ່
ເຮືອບິນໂດຍສານຣັດເຊຍຕົກ ຢູ່ແຫລມ Sinai ອາທິດແລ້ວນີ້
ແຕ່ວ່າ ສາເຫດຂອງອຸປະຕິເຫດຍັງຄົງເປັນເລື້ອງລິ້ລັບຢູ່.
ບັນດາເຈົ້າໜ້າທີ່ໄດ້ລົງຄວາມເຫັນວ່າ ອາດເປັນໄປໄດ້ທີ່ລູກ
ສອນໄຟ ໄດ້ຍິງຖືກເຮືອບິນດັ່ງກ່າວ ກ່ອນທີ່ມັນຫັກອອກຈາກ
ກັນເປັນຊິ້ນໆ ແລະຕົກລົງມາຈາກ 9,400 ແມັດ ສູ່ທະເລຊາຍ
Sinai ເຮັດໃຫ້ມີຜູ້ເສຍຊີວິດທັງໝົດ 224 ຄົນ ຢູ່ໃນເຮືອບິນ.
ບໍ່ໄດ້ມີການພົບເຫັນການຍິງລູກສອນໄຟ ຫລືໄຟໄໝ້ເຄຶ່ອງຈັກ.
ແຕ່ບັນດາຜູ້ຊ່ຽວຊານກ່າວຕໍ່ ແຫລ່ງຂ່າວມວນຊົນ ສະຫະລັດ ວ່າ ແສງຂອງຄວາມຮ້ອນ
ອາດແນໃສ່ ຄວາມພິນາດທີ່ເກີດຂື້ນຢູ່ໃນເຮືອບິນ ເຊັນວ່າລູກລະເບີດ ການເກີດລະເບີດ
ຂອງເຄື່ອງຈັກເຮືອບິນ ຫລືເກີດໄຟໄໝ້ຢູ່ເຮືອບິນ Metrojet A-321 ຫລືເຫດການທີ່ຊິ້ນ
ສ່ວນຂອງເຄື່ອງເຮືອບິນຕົກລົງມາສູ່ໜ້າດິນ.
ຢູ່ໃນອີຈິບ ບັນດາຜູ້ສືບສວນ ໄດ້ເລີ້ມວິເຄາະຫີບບັນທຶກການບິນ ທີ່ໄດ້ມາຈາກຊາກຫັກ
ພັງ ທີ່ກະຈັກກະຈາຍກັນຢູ່ຂົງເຂດອັນກວ້າງໃຫຍ່ ແລະບັນດາຄອບຄົວຊາວຣັດເຊຍ ໄດ້
ເລິ້ມດຳເນີນການຊອກຄົ້ນເບິ່ງຊາກສົບ 140 ສົບດ້ວຍຄວາມເສົ້າໂສກ ທີ່ໄດ້ນຳສົ່ງມາ
ບ້ານທີ່ ເມືອງ St. Petersburg.
ປະທານາທິບໍດີອີຈິບ ທ່ານ Abdul Fattah al-Sisi ໃນວັນອັງຄານວານນີ້ ໄດ້ປະຕິ
ເສດການກ່າວອ້າງ ວ່າ “ເປັນການໂຄສະນາຊວນເຊຶຶ່ອ” ຂອງ ພວກແຊກຊຶ່ມລັດອິສ
ລາມ ວ່າພວກເຂົ້າໄດ້ເຮັດໃຫ້ເຮືອບິນໂດຍສານຕົກ.
ທ່ານ Sisi ກ່່າວຕໍ່ຂ່າວ BBC ໂດຍໃຊ້ຊື່ຫຍໍ້ຂອງລັດອິສລາມວ່າ “ເວລາມີການໂຄສະ
ນາຊວນເຊື່ອວ່າ ວ່າເຮືອບິນຕົກຍ້ອນ ISIS ນີ້ແມ່ນເປັນອີກທາງໜຶ່ງທີ່ໂຄສະນາທຳ
ລາຍ ສະຖຽນລະພາບ ແລະຄວາມໝັ້ນຄົງຂອງອີຈິບ ແລະຮູບພາບຂອງອີຈິບ.”
ທ່ານກ່າວວ່າ “ເຊື່ອຂ້າພະເຈົ້າໄດ້ວ່າ ສະຖານະການໃນ Sinai ໂດຍສະເພາະຢູ່ໃນເຂດ
ຈຳກັດດັ່ງກ່າວ ຢູ່ພາຍໃຕ້ການຄວບຄຸມຂອງພວກເຮົາທັງໝົດ.”
ເຈົ້າໜ້າທີ່ສຸກເສີນ ຣັດເຊຍຄົນໜຶ່ງກ່າວວ່າ ຜູ້ເຄາະຮ້າຍ 10 ຄົນ ໄດ້ຖືກສັນລະສູດ. ພ້ອມ
ທັງ 100 ພາກສ່ວນຂອງຮ່າງກາຍ ເຄື່ອງຂອງສ່ວນໂຕ ແລະເອກກະສານໄດ້ເກັບກຳມາ
ຈາກ ທະເລຊາຍບ່ອນເຮືອບິນຕົກ.
Your browser doesn’t support HTML5
VOA60 World PM - US Satellite Detects Flash At Time of Russian Plane Disaster