ຄລິກບ່ອນນີ້ ເພື່ອເບິ່ງວີດິໂອພາສາລາວ
ລາງວັນທີນຶ່ງຂອງການແຂ່ງຂັນ ຊ່ວຍຊີວິດຄົນໄວ້ໃນຍາມເກີດລູກ ກໍຄືວິທີການທີ່ດີທີ່ສຸດ
ໃນຈໍານວນ 600 ລາຍການທີ່ສົ່ງເຂົ້າແຂ່ງຂັນ ຈາກນາໆຊາດນັ້ນ ແມ່ນຕົກເປັນຂອງ
ດຣ. ມີແຊລ ແມັກອິນທັອສ (Michelle McIntosh) ແລະເພື່ອນຮ່ວມງານຂອງທ່ານນາງ
ທີ່ມະຫາວິທະຍາໄລ ໂມນາສ (Monash University) ປະເທດອອສເຕຣເລຍ. ພວກເຂົາ
ເຈົ້າໄດ້ ພັດທະນາສະເປ ທີ່ສູດເອົາອາຍໄດ້ ທີ່ບັນຈຸຢາຮໍໂມນ oxytocin ທີ່ຫລຸດຜ່ອນອາ ການຕົກເລືອດຫລັງຄອດລູກ ຍ້ອນວ່າເລືອດໄຫລອອກຢ່າງຫລວງຫລາຍໃນລະຫວ່າງການ
ເກີດລູກ ຊຶ່ງເປັນສາເຫດການຕາຍເຖິງ 25% ຂອງການຕາຍທັງໝົດຂອງແມ່ຍິງ ຫລັງເກີດ
ລູກ ຢູ່ໃນທົ່ວໂລກ.
ດຣ. ມີແຊລ ແມັກອິນທັອສ ກ່າວວ່າ:
“ພວກເຮົາຈະຜະລິດຜົງແຫ້ງ ທີ່ບັນຈຸຮໍໂມນ oxytocin ທີ່ແມ່ສາມາດສູດດົມ
ເຂົ້າໄປໃນປອດຂອງຕົນໄດ້ ແລ້ວຈາກນັ້ນ ມັນກໍຈະຖືກຊຶມຊັບເຂົ້າໄປໃນລະບົບ
ໝູນວຽນຂອງກະແສເລືອດ.”
ອົງການອະນາໄມໂລກ ເວົ້າວ່າ ການຕິດເຊື້ອໂຣກ, ການເອົາລູກອອກທີ່ບໍ່ປອດໄພ ແລະ
ອາການແຊກຊ້ອນອື່ນໆ ແມ່ນກວາມເອົາ 70% ຂອງການເສຍຊີວິດຂອງແມ່ຍິງຫລັງຄອດ
ລູກ. ດ້ວຍເຫດນີ້ ດຣ. ຈອຍ ລອນ (Joy Lawn) ຈາກອົງການເອກະຊົນຊ່ວຍເດັກນ້ອຍ
ຫລື Save the Children ຈຶ່ງເວົ້າວ່າ ການມີພະນັກງານແພດທີ່ຊໍານິຊໍານານຄອຍຊ່ວຍ
ເຫລືອໃນເວລາເກີດລູກ ແມ່ນມີຄວາມສໍາຄັນຍິ່ງ. ດຣ. ຈອຍ ລອນ ກ່າວຕໍ່ໄປວ່າ:
“ສະນັ້ນ ການລົງທຶນໃນລະດັບໂລກທີ່ສໍາຄັນທີ່ສຸດ ກໍຄືໃຫ້ການດູແລ ໃນເວລາ
ທີ່ເກີດລູກ ໂດຍໃຫ້ມີຜູ້ທີ່ເໝາະສົມ ທີ່ມີເຄື່ອງມືເໝາະສົມ ແລະໃຫ້ການອູ້ມຊູ
ຊ່ວຍເຫລືອທີ່ຖືກຕ້ອງ. ແລະນັ້ນກໍຄືສິ່ງທີ່ສໍາຄັນທີ່ສຸດ ທີ່ຊ່ວຍເຫລືອຊີວິດຂອງ
ແມ່ໄວ້ໄດ້.”
ດຣ. ໂອເວິນ ມອນກາວເມີຣີ (Owen Montgomery) ແຫ່ງມະຫາວິ ທະຍາໄລ ເດຣັກ
ເຊິລ (Drexel) ທີ່ນະຄອນຟີລາແດລເຟຍ ລັດເພັນຊິລເວເນຍ ໄດ້ເຮັດວຽກກ່ຽວກັບສຸຂະ
ພາບຂອງແມ່ ໃນປະເທດຕັນຊາເນຍ, ໂມຊໍາບິກ, ແລະກາມເບຍ. ຍຸດທະສາດທີ່ທ່ານສົ່ງ
ເຂົ້າແຂ່ງຂັນ ແມ່ນເວົ້າເຖິງຢ່າງລະອຽດກ່ຽວກັບການຝຶກອົບຮົມພວກນາງຜະດຸງຄັນທີ່ມີ
ປະສົບປະການແລ້ວ ໃຫ້ຮູ້ຈັກວ່າ ຄວນຈະຕັດສິນໃຈແນວໃດໃນກໍລະນີທີ່ຮ້າຍແຮງຂັ້ນເປັນ
ຂັ້ນຕາຍ.
ດຣ. ມອນກາວເມີຣີ ອະທິບາຍວ່າ:
ນາງ Aminata Sisay, ອາຍຸ 15 ປີ, ນອນຢູ່ ຕຽງຜ່າຕັດ ເພື່ອເອົາລູກອອກທີ່ໂຮງໝໍສໍາລັບແມ່ Princess Christian ທີ່ Freetown, ປະເທດ Sierra Leone.
“ເພື່ອຊ່ວຍໃຫ້ນາງຜະດຸງຄັນ
ສາມາດຕັດສິນໃຈໄດ້ວ່າ
ເວລາໃດທີ່ຄໍາຕອບທີ່ດີທີ່
ສຸດ ແມ່ນການຜ່າຕັດເອົາ
ລູກອອກແບບສຸກເສີນ ຊຶ່ງ
ນີ້ແມ່ນຈໍາເປັນຕ້ອງມີການ
ຝຶກອົບຮົມຢ່າງລົງເລິກ
ກ່ຽວກັບຮ່າງກາຍຂອງ
ພວກຜູ້ຍິງ ສໍາລັບນາງຜະ
ດຸງຄັນທີ່ມີປະສົບປະການ
ມາແລ້ວ ແລະຈາກນັ້ນ ກໍ
ແມ່ນຝຶກອົບຮົມພວກເຂົາ
ເຈົ້າ ກ່ຽວກັບວິທີຜ່າຕັດ
ເພື່ອເອົາລູກອອກ ໂດຍ
ໃຊ້ຮຸ່ນຄົນທີ່ທັນສະໄໝ.”
ທ່ານ ວິສວາຈິດ ກູມາ (Vishwajeet Kumar) ທີ່ຊີ້ນໍາສູນກາງ ສຸຂະພາບແມ່ ແລະ ເດັກນ້ອຍເກີດໃໝ່ ທີ່ເມືອງຊິບກາ (Shivgarh) ແຄວ້ນ ອັດຕາປະແດສ (Uttar Pradesh) ໃນອິນເດຍ ຊຶ່ງເປັນປະເທດນຶ່ງທີ່ມີອັດຕາການຕາຍຂອງແມ່ແລະເດັກສູງທີ່ສຸດ ກ່າວວ່າ ຍຸດທະສາດໃນດ້ານສຸຂະພາບແມ່ ທີ່ໄດ້ນໍາໄປສະແດງໃນກອງປະຊຸມນັ້ນ ສາມາດເປັນວິທີທີ່ມີປະສິດທິພາບດີ.
"ຄວາມ ຄິດປະດິດສ້າງເກືອບໝົດທຸກອັນ ແມ່ນມີຄວາມສາມາດບົ່ມຊ້ອນສູງ
ທີ່ສາມາດນໍາໄປໃຊ້ຮ່ວມກັບປະຊາຄົມໄດ້ ມັນສາມາດເປັນການປ່ຽນເກມໄດ້.
ແຕ່ຖ້າຂາດປະຊາຄົມໄປ ມັນກໍອາດຈະໄດ້ຮັບຜົນຢ່າງຈໍາກັດ."
ອົງການອະນາໄມໂລກເວົ້າວ່າ ຕົນຍັງມຸ້ງໝັ້ນທີ່ຈະໃຫ້ບັນລຸຜົນໃນນຶ່ງໃນຫລາຍໆເປົ້າໝາຍ
ທີ່ເອີ້ນກັນວ່າ ເປົ້າໝາຍສະຫັດສະວັດດ້ານການພັດທະນາ ຂອງອົງການສະຫະປະຊາຊາດ
ແລະນັ້ນກໍຄື ຫລຸດຜ່ອນການເສຍຊີວິດຂອງແມ່ ລົງໃຫ້ໄດ້ 3 ສ່ວນສີ່ຂອງການຕາຍທັງໝົດ
ໃນແຕ່ລະປີ ຊຶ່ງພວກນັກຊ່ຽວຊານການແພດທັງຫລາຍຕ່າງກໍເວົ້າວ່າ ມັນເປັນເປົ້າໝາຍທີ່
ສາມາດບັນລຸໄດ້.
ເບິ່ງວີດີໂອພາສາອັງກິດ: