ມີຊາວມຸສລິມຫຼາຍກວ່າ 1 ລ້ານ 5 ແສນຄົນຈາກທົ່ວໂລກໄປເຕົ້າໂຮມກັນທີ່ປະເທດຊາອຸດີ ອາຣາເບຍເພື່ອສະແຫວງບຸນ Hajj ປະຈຳປີເປັນເວລາ 5 ມື້. ການໄປສະແຫວງບຸນດັ່ງ ກ່າວ ແມ່ນນຶ່ງໃນຫ້າກົດຫຼືຫຼັກການ ຂອງສາສະໜາອິສລາມ. ຊາວມຸສລິມທຸກໆຄົນທີ່ມີສຸ ຂະພາບດີ ແລະມີເງິນຄຳພຽງພໍ ແມ່ນຄາດວ່າ ຈະຕ້ອງໄປຮ່ວມສະແຫວງບຸນ Hajj ຢ່າງໜ້ອຍຄັ້ງນຶ່ງ ໃນຊີວິດຂອງເຂົາເຈົ້າ.
ອີຣ່ານບໍ່ຍອມໄປຮ່ວມການສະແຫວງບຸນ Hajj ໃນປີນີ້ສ່ວນນຶ່ງກໍແມ່ນເປັນຫ່ວງໃນດ້ານຄວາມປອດໄພ. ໃນລະຫວ່າງການໄປສະແຫວງບຸນປີກາຍນີ້ ຊາວອີຣ່ານຫຼາຍຮ້ອຍຄົນແມ່ນຮວມຢູ່ໃນຈຳນວນ ພວກທີ່ເສຍຊີວິດ ບໍ່ຕ່ຳກວ່າ 2,000 ຄົນທີ່ ໄດ້ຢຽບກັນຕາຍ ຢູ່ເມືອງ Mina. ອີຣ່ານໃຫ້ເຫດຜົນວ່າ ເປັນຍ້ອນຄວາມບໍ່ສາມາດ ຂອງຊາອຸດີ ແລະການຮັບມືກັບສະຖານະການທີ່ບໍ່ພຽງພໍຂອງພວກເຈົ້າໜ້າທີ່ສາທາລະນະສຸກແລະເຈົ້າໜ້າທີ່ຮັກສາຄວາມປອດໄພ.
What are guarantees #Minastampede won’t be repeated in similar situations? World of Islam must not let Saudi rulers escape responsibility.
— Khamenei.ir (@khamenei_ir) September 7, 2016
ນີ້ບໍ່ແມ່ນເທື່ອທຳອິດທີ່ອີຣ່ານບໍ່ຍອມໄປຮ່ວມການສະແຫວງບຸນ Hajj ແຕ່ກໍມີຂຶ້ນໃນຂະ ນະທີ່ຄວາມເຄັ່ງຕຶງກັບຊາອຸດີ ຊຶ່ງເປັນຄູ່ປໍລະປັກ ກຳລັງສູງເປັນປະຫວັດການ ຍ້ອນບັນ ຫາຂັດແຍ້ງໃນຊີເຣຍແລະເຢເມນ ບ່ອນທີ່ເຕຫະຣ່ານແລະຣິຢາດ ຊຶ່ງຕ່າງກໍໃຫ້ການສະ ໜັບສະໜຸນແກ່ພັກຝ່າຍກົງກັນຂ້າມ.
Saudi Arabia%27s top cleric Abdulaziz al-Sheikh says Iranians are "not Muslims" https://t.co/Ly3KDj5EbE
— The Daily Star (@dailystarnews) September 6, 2016
ຊາອຸດີ ໄດ້ຕັດຄວາມສຳພັນ ກັບອີຣ່ານ ໃນເດືອນມັງກອນແລ້ວ ຫລັງຈາກພວກປະທ້ວງເຜົາສະຖານທູດຊາອຸດີທີ່ນະຄອນຫຼວງເຕຫະຣ່ານ ຫລັງຈາກຊາອຸດີໄດ້ປະຫານຊີວິດນັກສອນສາສະໜາທີ່ມີຊື່ສຽງ Sheik Nimr al-Nimr.