ສບາຍດີແຟນເພງທັງຫຼາຍ ຄໍ່າຄືນວັນນະສອນຈະພາທ່ານ
ໄປຮັບຟັງເພງສາກົນທີ່ຫາກໍໄດ້ຮັບລາງວັນ Grammy
ຄັ້ງທີ່ 53 ປີ 2011 ໃນອາທິດທີແລ້ວນີ້. ອາກາດໃນ
ນະຄອນຫຼວງ Washington DC ໃນເດືອນກຸມພານີ້
ກໍດີຂຶ້ນຫຼາຍແລ້ວ ບໍ່ມີຫິມມະໃຫ້ເຫັນຫຼາຍອາທິດແລ້ວ
ແຕ່ກໍບໍ່ແນ່ ເພາະວ່າພະຍາກອນອາກາດຄາດຄະເນວ່າ
ວັນຈັນມື້ອື່ນນີ້ ອາດຈະມີຫິມມະຕົກລົງມາອີກ ໃຫ້ຜູ້ຄົນໄດ້
ຢິບໃສ່ເສື້ອໂຄຕແລະເກີບ boot ອອກມາສວມໃສ່ໃຫ້ເທ່
ເລີຍພ້ອມທັງກັນໜາວນໍາ. ວັນນະສອນກໍຫວັງເຊັ່ນກັນວ່າ
ທ່ານຜູ້ຟັງຄົງຈະຈິນຕະນາຄ້ອຍຕາມ ກັບວັນນະສອນໄປ
ດ້ວຍ ພ້ອມທັງຟັງເພງມ່ວນໆທີ່ຕັ້ງໃຈຈັດມາຝາກໃຫ້ແຟນ VOA ໃນບົດເພງ
“Need You Now” ຂອງກຸ່ມສິນລະປິນ Lady Antebellum ເປັນວົງທີ່ມີທັງ
ແຟນຄລັບ ທັງລູກທົ່ງແລະ Pop ນິຍົມຢ່າງລົ້ນຫຼາມແລະ Grammy ປີ 2011 ນີ້
ໄດ້ຮັບກຽດສູງສຸດ ເຖິງ 5 ລາງວັນດ້ວຍກັນ ຮວມທັງ Record of The Year
ທີ່ສູງສຸດ ຖ້າຈະບອກເປັນພາສາລາວໃນຄວາມໝາຍຂອງເພງນີ້ ກໍຄົງປະມານວ່າ
…ຂ້ອຍຈໍາເປັນຕ້ອງມີເຈົ້າ…ຕ້ອງການເຈົ້າ…ດຽວນີ້.
Music: Need You Now by Lady Antebellum
“Need You Now” - Lady Antebellum
Lady Gaga ຖືວ່າເປັນນັກຮ້ອງແບບວ່າ ລຸດໂລກໄປເລີຍໃນການແຕ່ງຕົວທຸກຄັ້ງຈະ
shock ທັງວົງການແລະມື້ປະກາດລາງວັນ Grammy ກໍເຊັ່ນກັນ Lady Gaga ມາ
ຊຸດແປກຫູແປກຕາ ຢູ່ໃນໄຂ່ໃຫ້ຄົນຫາມ ແຕ່ອອກມາບໍ່ໄດ້ເພື່ອລົງມາຍ່າງໃນ RED
CARPET ເພາະມີບັນຫາຂັດຂ້ອງທາງ technic ນ້ອຍນຶ່ງ ຈົນໃນທີ່ສຸດກໍອອກມາໄດ້
ເພື່ອຮ້ອງໂຊໃນງານ ເຖິງຢ່າງນັ້ນກໍເທາະ Lady Gaga ກໍຖືວ່າເປັນນັກຮ້ອງແຖວໜ້າ
ທີ່ກ້າເຮັດກ້າກະທໍາ ນໍ້າສຽງດີມີພະລັງ
ຈະດ້ວຍເຫດນີ້ຕິ ຈຶ່ງເຮັດໃຫ້ນາງໄດ້ຮັບ
ລາງວັນຕິດໄມ້ຕິດມືໄປເຖິງ 3 ລາງວັນ
ດ້ວຍກັນ…ເອົາພວກເຮົາໄປຟັງພ້ອມໆ
ກັນເລີຍວ່າເພງ “Alejandro” ຈະອອກ
ແນວລຸດໂລກ ຫຼືມ່ວນຫູຈົນຢາກຮ້ອງຕາມ
ເອົານ້ອງໆໄວຣຸ່ນທັງຫຼາຍ…ຮ້ອງຕາມຫຼັງເດີ.
Music: “Alejandro” ໂດຍ Lady Gaga.
ກຸ່ມວົງ Alternative Rock ຈາກ ການາດາ Arcade Fire ໄດ້ຮັບລາງວັນໃຫຍ່ຄື
Album of the Year ແລະ ເພງ “Ready To Start” ນີ້ ຈັດມອບໃຫ້ຜູ້ທີ່ມີ
Rock ໃນຫົວໃຈ ແລະຫວັງວ່າຄົງຈະໄດ້ເຫັນນ້ອງໆຜູ້ທີ່ມີ ຫົວໃຈທີ່ເຕັມປ່ຽມໄປດ້ວຍ
ແນວເພງ Rock ນີ້ຂຽນເຂົ້າມາຕິຊົມ. ອາທິດໜ້າ ເອື້ອຍວັນນະສອນຈະມາຕອບຈມ
ແລະຈັດເພງໃຫ້ຜູ້ທີ່ຂຽນເຂົ້າມາຂໍຟັງນັ້ນ ເອົາຜູ້ທີ່ຍັງບໍ່ເຄີຍຂຽນເຂົ້າມາ ກໍບໍ່ຕ້ອງລີລໍ
ເຂົ້າ internet ສົ່ງ email ມາຫາເອື້ອຍໄດ້ເລີຍທີ່ lao@voanews.com
ຂໍໃຫ້ທຸກໆທ່ານນອນລັບຝັນດີ.
Music: “Ready To Start” ໂດຍ Arcade Fire.