ໃນລາຍການຊີວິດຊາວລາວໃນຕ່າງແດນທາງ VOA ມື້ນີ້
ທ່ານຈະໄດ້ຮັບຟັງການສຳພາດກັບສອງໜຸ່ມຢ່າງເປັນກັນ
ເອງຜ່ານທາງໂທລະສັບຈາກນະຄອນຫຼວງ Washing-
ton ເຖິງນະຄອນຫຼວງວຽງຈັນແລະຊຽງຂວາງປະເທດ
ລາວ.ສອງໜຸ່ມທີ່ວ່ານີ້ກໍຄື ໄຊຊະຫວາດແລະ Long
Vang ທີ່ຫາກໍ່ເດີນທາງກັບຈາກການແຂ່ງຂັນ Gothia
Cup ເຕະບານເຍົາວະຊົນທີ່ປະເທດ Sweden ແລະວ່າ
ພວກເຂົາຈະໄດ້ບົດຮຽນແລະໃຫ້ຂໍ້ຄິດຢ່າງໃດແດ່ນັ້ນ
ໃນບົດສຳພາດຄັ້ງທີ່ນຶ່ງນີ້
ສະຫນາມກິລາເຕະບານພົງສະຫວັນ ຊຽງຂວາງ
ຊຶ່ງໄຊຊະຫວາດຫົວໜ້າທີມໄດ້ສະແດງຄວາມຣູ້ສຶກອອກມາ
ດັ່ງນີ້ “ມີຄວາມດີໃຈຫຼາຍທີ່
ໄດ້ຮັບໂອກາດນີ້ ໃນຊີວິດ
ຂອງນ້ອງບໍ່ຄິດບໍ່ຝັນວ່າຈະ
ໄດ້ພົບກັບອາຈານຜູ້ທີ່ມີ
ຄວາມຮູ້ ຜູ້ທີ່ໃຫ້ໂອກາດ
ນ້ອງໄດ້ເຖິງຂະນາດນີ້
ແລະໃນການທີ່ໄດ້ຮັບ
ໂອກາດໄປສະວີເດັນ
ຄັ້ງນີ້ກໍປຽບເໝືອນວ່າໄດ້
ຕາງໜ້າໃຫ້ປະຊາຊົນລາວໄປເຫັນໂລກກວ້າງໄກຕາ ໄປເຫັນຄວາມຈະເຣີນ
ຮຸ່ງເຮືອງ ຄວາມສີວິໄລຂອງປະເທດທີ່ພັດທະນາແລ້ວ”
ແລະ Long Vang ຊຶ່ງເປັນລູກຊາຍບຸນທຳຂອງພໍ່ມະໂນເພັດ ຜູ້ລິເລີ່ມໂຄງການ
ໂຮງຮຽນພັດທະນາພາສາອັງກິດ ຈົນໄດ້ກາຍມາເປັນທີມນັກກິລາເຕະບານນີ້ ຊຶ່ງ Long
Vang ກໍໄດ້ເວົ້າເຖິງຈຸດປະສົງຂອງໂຄງການດັ່ງກ່າວວ່າ
ວີໂອເອສໍາພາດທີມເຍົາວະຊົນ ເຕະບານລາວ ທີ່ຄວ້າລາງວັນ ມາລະຍາດງາມໃນການແຂ່ງຂັນ Gothia Cup
“ພໍ່ມະໂນເພັດເພິ່ນຕັ້ງເປັນໂຮງຮຽນສອນພາສາອັງກິດ
ພິເສດຢູ່ເຮືອນ ມັນຈະເປັນ
ເຮືອນນ້ອຍໆແຕ່ວ່າມີນັກຮຽນ
ທີ່ສົນໃຈມາຮຽນຢູ່ໂຮງຮຽນ
ນີ້ຫຼາຍພໍ່ຢາກສ້າງໃຫ້ນັກ
ຮຽນມີກິດຈະກຳໃຫ້ສົນທະ
ນາກັນເປັນພາສາອັງກິດ
ແລະເພິ່ນອອກແນວຄິດວ່າ
ຈະເຮັດເປັນທີມເຕະບານ
ທີມນຶ່ງເພື່ອໃຫ້ນັກກິລາ
ນັກຮຽນມີການສົນທະນາກັນເປັນພາສາອັງກິດເວລາພວກເຂົາເຈົ້າມີເວລາ
ວ່າງມາເຕະບານຫຼິ້ນແລະພວກເຂົາເຈົ້າຈະເວົ້າເປັນພາສາອັງກິດ ພໍ່ມະໂນ
ເພັດຈະເປັນຜູ້ນຳເປັນຜູ້ເບິ່ງວ່າບໍ່ໃຫ້ເວົ້າພາສາລາວຫຼືພາສາຊົນເຜົ່າອື່ນໆ”
ແລະນັ້ນກໍເປັນພຽງສ່ວນນຶ່ງຂອງການສຳພາດຂອງພາກທີ່ນຶ່ງ ແລະທ່ານສາມາດເປີດສຽງ
ຮັບຟັງການສຳພາດທັງໝົດໄດ້ດ້ວຍການກົດປຸ່ມສຽງ ແລະພວກເຮົາຈະນຳພາກທີ່ສອງ
ຂອງການສຳພາດມາສະເໜີທ່ານຜູ້ຟັງອີກໃນໂອກາດໜ້າ ກະລຸນາຄອຍຕິດຕາມ.