ລະຫວ່າງກາງເດືອນທີ່ແລ້ວນີ້ທະນາຄານໂລກ ພ້ອມກັບ
ອົງການSmithsonian, National Geographic
Society ແລະGlobal Environment Facility
ໄດ້ຮວມກັນຈັດກອງປະຊຸມວ່າການອະນຸລັກເສືອໂຄ່ງ
ທີ່ກຳລັງຈະສູນພັນໃນທົ່ວໂລກ ຊຶ່ງກົງກັບວັນຄຸ້ມຄອງໂລກ
ຫຼື Earth Day ພໍດີ ໂດຍມີການວາງສະແດງຮູບພາບ
ຂອງບັນດາເສືອໂຄ່ງໃນທົ່ວໂລກຈາກຝືມືຂອງຕາກ້ອງດັງ
ລະດັບໂລກໂດຍໃຫ້ຊື່ວ່າ “Vanishing Icons.”
ທ່ານບົວພັນ ພັນທະວົງ - ຫົວຫນ້າກອງອະນຸລັກ ຊັບພະຍາກອນປ່າໄມ້
ຈຸດປະສົງຫຼັກໃນການຮວມຕົວຂອງບັນດາປະເທດທີ່ມີເສືອໂຄ່ງຫຼາຍ
ກວ່າສິບປະເທດນີ້ ແມ່ນເພື່ອປຶກສາຫາລືແລະແລກປ່ຽນ
ຂໍ້ມູນເພື່ອອະນຸລັກບັນດາເສືອໂຄ່ງໃນທົ່ວໂລກທີ່ໃກ້ຈະສູນ
ພັນນັ້ນໃຫ້ເພີ່ມຈຳນວນຂຶ້ນ ຊຶ່ງຕາງຫນ້າໃຫ້ສປປລາວກໍມີ
ຫຼາຍທ່ານດ້ວຍກັນແລະຫົວຫນ້າກອງອະນຸລັກຊັບພະຍາກອນ
ປ່າໄມ້ກໍແມ່ນທ່ານບົວພັນ ພັນທະວົງ ຊຶ່ງທ່ານເວົ້າເຖິງໂຄງການ
ອະນຸລັກໃນສປປລາວດັ່ງບົດສຳພາດຕໍ່ໄປນີ້.
"ກອງປະຊຸມໃນຄັ້ງນີ້ກໍແມ່ນການສ້າງສາຍພົວພັນປະສານງານລະຫວ່າງ
ບັນດາປະເທດທີ່ເຂົ້າຮ່ວມເພື່ອຕຽມຕົວໃນການວາງແຜນປະຕິບັດຂອງ
ກອງປະຊຸມສຸດຍອດທີ່ຈະຈັດໃຫ້ມີຂຶ້ນໃນເດືອນກັນຍາເມືອງVladivostok,
Russia ເພື່ອໃຫ້ເສືອໂຄ່ງທີ່ກຳລັງຈະສູນພັນນີ້ ຍືນຍົງແລະຢູ່ຂູ່ກັບມະນຸດ
ຕະລອດໄປ ໂດຍທີ່ເມື່ອປະມານນຶ່ງສັດຕະວັດຜ່ານມາ ຈຳນວນພວກເສືອ
ໂຄ່ງໃນໂລກໄດ້ລົດຈຳນວນປະມານ 100 ພັນໂຕມາຍັງເຫຼືອປະມານ300-500
ໂຕຕາມຕົວແລກປະຈຸບັນ. ດັ່ງນັ້ນບັນດານັກຊ່ຽວຊານຈຶ່ງເຫັນຄວາມຮີບຮ້ອນ
ທີ່ຕ້ອງຮັກສາແລະປ້ອງກັນບໍ່ໃຫ້ເສືອໂຄ່ງນີ້ຕ້ອງສູນພັນ."
ເຊີນຟັງລາຍລະອຽດເພິ່ມຕື່ມ ຈາກລາຍງານຂອງເຮົາ.