ເຢຍຣະມັນ ໄດ້ຂັບໄລ່ເຈົ້າໜ້າທີ່ຂັ້ນສູງຝ່າຍສືບລັບ ຂອງສະຫະ
ລັດ ຢູ່ນະຄອນ Berlin ອອກຈາກປະເທດ ຊຶ່ງເປັນການຕຳນິຕິ
ຕຽນຢ່າງແຮງ ແບບບໍ່ເຄີຍເຫັນ ມາກ່ອນຕໍ່ພັນທະມິດທີ່ໃກ້ຊິດ
ທີ່ສຸດຂອງຕົນ ທ່າມກາງທີ່ມີການກ່າວຫາວ່າ ວໍຊິງ ຕັນໄດ້ຈ້າງ
ນັກສືບຊາວເຢຍຣະມັນ ຂາຍເອກກະສານລັບໃຫ້ຕົນ.
ໂຄສົກລັດຖະບານເຢຍຣະມັນ ທ່ານ Steffen Seibert ກ່າວ
ວ່ານັກສືບທີ່ບໍ່ລະບຸຊື່ “ໄດ້ຖືກແຈ້ງໃຫ້ໜີອອກຈາກເຢຍຣະມັນ."
ທ່ານກ່າວວ່າ ມັນມີຄວາມສຳຄັນທີ່ສຸດ ທີ່ເຢຍຣະມັນ “ປະຕິບັດ
ງານຢ່າງໃກ້ຊິດບົນພື້ນຖານແຫ່ງຄວາມໄວ້ເນື້ອເຊື່ອໃຈກັບພາຄີ
ຕາເວັນຕົກ ໂດຍສະເພາະຢ່າງຍິ່ງກັບ ສະຫະລັດ ອາເມຣິກາ.”
ເຢຍຣະມັນ ກຳລັງສືບສວນເບິ່ງກິດຈະການຕ່າງໆ ຂອງຊາວເຢຍຣະມັນສອງຄົນ ທີ່ຖືກກ່າວ
ຫາເປັນນັກສືບໃຫ້ແກ່ສະຫະລັດ ຊຶ່ງກິດຈະການເຫຼົ່ານີ້ ບັນດາ ເຈົ້າໜ້າທີ່ສະຫະລັດ ບໍ່ຍອມ
ກ່າວເຖິງຢ່າງເປັນການເປີດເຜີຍ.
ຢູ່ທີ່ນະຄອນຫລວງວໍຊິງຕັນ ທໍານຽບຂາວ ກ່າວວ່າ ຕົນບໍ່ມີຄໍາຖະແຫລງໃດໆ ຕໍ່ການຂັບໄລ່ເຈົ້າ
ໜ້າທີ່ສືບລັບຂອງສະຫະລັດ.
ແຕ່ໂຄສົກຍິງ ທ່ານນາງ Cathlin Hayden ກ່າວວ່າ “ຄວາມສຳພັນໃນດ້ານ ຄວາມໝັ້ນຄົງ
ແລະສືບລັບຂອງພວກເຮົາ ກັບເຢຍຣະມັນ ເປັນທີ່ສຳຄັນທີ່ສຸດ ແລະມັນເຮັດໃຫ້ ເຢຍຣະມັນ
ແລະສະຫະລັດ ມີຄວາມປອດໄພ.” ທ່ານນາງ ກ່າວຕື່ມອີກວ່າ ສະຫະລັດ ຈະຕິດຕໍ່ກັບລັດ
ຖະບານເຢຍຣະມັນ “ຢູ່ໃນຊ່ອງທາງທີ່ເໝາະສົມ.”
Your browser doesn’t support HTML5
GERMANY US SPY SOT