ທ່ານນາງ Angela Merkel ນາຍົກລັດຖະມຸນຕີເຢຍຣະມັນກ່າວໃນວັນເສົາວານນີ້ວ່າ
ເຢຍຣະມັນໄດ້ປະສົບກັບຄວາມລົ້ມແຫລວຢ່າງສິ້ນເຊີງ ໃນການກໍ່ສ້າງສັງຄົມ ບ່ອນທີ່
ຜູ້ຄົນມາຈາກຫລາຍວັດທະນະທໍາສາມາດຢູ່ຮ່ວມກັນໄດ້ຢ່າງສັນຕິນັ້ນ.
ທ່ານນາງ Merkel ກ່າວເຊ່ນນີ້ຕໍ່ທີ່ໂຮມຊຸມນຸມຂອງບັນດາສະມາຊິກພັກສະຫະພາບຄຣີສ
ຕຽນປະຊາທິປັດຫລື CDU ຂອງທ່ານນາງ ຊຶ່ງ ທ່ານນາງໄດ້ກ່າວຕໍ່ໄປວ່າ ມັນເປັນໄປບໍ່ໄດ້
ທີ່ຈະໃຫ້ປະຊາຊົນທີ່ມາຈາກພື້ນຖານແຕກຕ່າງກັນຢູ່ຮ່ວມກັນໄດ້ ໂດຍບໍ່ມີການປະສົມປະ ສານໂຮມເຂົ້າເປັນອັນນຶ່ງອັນດຽວກັນ.
ທ່ານນາງ Merkel ປະເຊີນກັບຄວາມກົດດັນຈາກພາຍໃນພັກຂອງທ່ານນາງ ໃຫ້ເອົາບາດກ້າວເຂັ້ມແຂງຂຶ້ນ ກ່ຽວກັບພວກອົບພະຍົບທີ່ບໍ່ສະແດງຄວາມເຕັມອົກເຕັມໃຈ ທີ່ຈະປັບໂຕເຂົ້າກັບສັງຄົມເຢຍຣະມັນນັ້ນ ຊຶ່ງທ່ານນາງກ່າວຕື່ມວ່າ ພວກອົບພະຍົບທີ່ອາໄສຢູ່ໃນເຢຍ ຣະມັນ ຈະຕ້ອງດໍາເນີນການຫລາຍຂຶ້ນ ທີ່ຮວມທັງການຮຽນປາກພາສາເຢຍຣະມັນນໍາ.