ກອງທັບອິສຣາແອລ ຍັງສືບຕໍ່ທຳການໂຈມຕີທາງອາກາດ ແລະ
ຍິງຖະຫຼົ່ມດ້ວຍລົດຖັງເຂົ້າໃສ່ເຂດກາຊາ ໃນຂະນະດຽວກັນລູກ
ຈະຫຼວດຂອງກຸ່ມຮາມັສ ກໍຍິງເຂົ້າໃສ່ອິສຣາແອລ ທ່າມກາງ
ຄວາມພະຍາຍາມຕ່າງໆ ເພື່ອຮັບປະກັນໃຫ້ມີການຢຸດຍິງກັນ
ເພື່ອຍຸດຕິການສູ້ລົບນັ້ນ.
ບັນດາເຈົ້າໜ້າທີ່ສາທາລະນະສຸກປາແລສໄຕນ໌ ກ່າວວ່າ ການ
ໂຈມຕີຂອງອິສຣາແອລ ໄດ້ສັງຫານປະຊາຊົນຢ່າງໜ້ອຍ 20
ຄົນໃນເຊົ້າວັນພະຫັດມື້ນີ້ ຊຶ່ງເຮັດໃຫ້ຈຳນວນຜູ້ເສຍຊີວິດທັງ
ໝົດ ເພີ້ມຂຶ້ນເປັນ 718 ຄົນ ນັບແຕ່ອິສຣາແອລ ໄດ້ເລີ້ມທຳ
ການໂຈມຕີ ເພື່ອໃຫ້ກຸ່ມຮາມັສຢຸດ ຍິງຈະຫຼວດໃສ່ ນັບແຕ່ວັນ ທີ 8 ກໍລະກົດເປັນຕົ້ນມາ ແລະທະຫານອິສຣາແອລ 32 ຄົນ ໄດ້ເສຍຊີວິດໄປ.
ພາບຈາກ ເຂດກາຊາ ແລະ ອິສຣາແອລ
ກອງທັບອິສຣາແອລ ແຈ້ງໃຫ້ຊາບວ່າ ມີການຍິງຈະຫຼວດຈຳນວນນຶ່ງ ເຂົ້າໃສ່ອິສຣາແອລ
ໃນວັນພະຫັດມື້ນີ້ ຮວມທັງຫລາຍລູກທີ່ລະບົບປ້ອງກັນລູກສອນໄຟ Iron Dome ຂອງຕົນ ສະກັດກັ້ນໄວ້ໄດ້.
ໃນຂະນະດຽວກັນ ລັດຖະມົນຕີການຕ່າງປະເທດສະຫະລັດ ທ່ານ John Kerry ກຳລັງ
ຢູ່ທີ່ນະຄອນຫຼວງໄຄໂຣ ເພື່ອສືບຕໍ່ຊຸກຍູ້ໃຫ້ມີການຕົກລົງຢຸດຍິງກັນ.
Your browser doesn’t support HTML5
Israel Targets Gaza Supply Tunnels
ໃນວັນພຸດວານນີ້ ທ່ານ Kerry ໄດ້ພົບປະກັບນາຍົກລັດຖະມົນຕີ Benjamin Netanya
hu ແຫ່ງອິສຣາແອລ ປະທານາທິບໍດີ Mahmoud Abbas ແຫ່ງປາແລສໄຕນ໌ ແລະທ່ານພັນກີມູນ ເລຂາ ທິການໃຫຍ່ສະຫະປະຊາຊາດ ຊຶ່ງທ່ານໄດ້ບໍ່ກ່າວຖ້ອຍຖະແຫຼງໃດໆໃຫ້
ຮູ້ ຫຼັງຈາກການໂອ້ລົມສົນທະນາກັນແລ້ວ ແຕ່ກໍກ່າວໃນເຊົ້າມື້ນັ້ນວ່າ“ໄດ້ບັນລຸຄວາມ
ຄືບໜ້າເລັກນ້ອຍ”.
ບັນດາຜູ້ນຳກຸ່ມຮາມັສ ກ່າວວ່າ ພວກເຂົາເຈົ້າຈະບໍ່ຕົກລົງຮັບເອົາການຢຸດຍິງ ນອກຈາກວ່າ ອິສຣາແອລ ແລະອີຈິບ ຈະຍຸດຕິການປິດລ້ອມ ຕໍ່ເຂດກາຊາ.
ອິສຣາແອລຢາກໃຫ້ມີການຢຸດເຊົາການຍິງລູກຈະຫຼວດໂຈມຕີຕົນ ແລະຢາກທຳລາຍຕາໜ່າງອຸໂມງຕ່າງໆ ຂ້າມຊາຍແດນ ທີ່ພວກຫົວຮຸນແຮງໃຊ້ນັ້ນ.
Your browser doesn’t support HTML5
israelpalestinians24july14