ປະເທດ ແກມເບຍ ໄດ້ກ່າວຫາສານອາຍາສາກົນ ຫຼື ICC ວ່າ ບໍ່ເອົາຫົວຊາຕໍ່ການກໍ່ “ອາ ຊະຍາກຳສົງຄາມຕ່າງໆ” ໃນວັນອັງຄານວານນີ້ ໃນຂະນະທີ່ ແກມເບຍ ໄດ້ຖອນຕົວ ອອກຈາກສະຖາບັນດັ່ງກ່າວ ໃນວັນອັງຄານວານນີ້ ເຊິ່ງເປັນການກະທຳຕາມແບບຢ່າງ ຂອງ ອາຟຣິກາໃຕ້ ແລະ ບູຣຸນດີ, ເຊິ່ງໄດ້ຖອນຕົວອອກຈາກສານອາຍາສາກົນໃນຕົ້ນ ເດືອນນີ້.
ລັດຖະມົນຕີກະຊວງຖະແຫຼງຂ່າວຂອງ ແກມເບຍ ທ່ານ Sheriff Bojang ໄດ້ກ່າວຫາລະ ບົບຂອງສານອາຍາສາກົນວ່າ ແບ່ງແຍກເຊື້ອຊາດ ແລະ ໄດ້ແນເປົ້າໝາຍການດຳເນີນ ຄະດີຕໍ່ຊາວອາຟຣິກາ ຢ່າງບໍ່ຍຸດຕິທຳ.
ທ່ານໄດ້ກ່າວ ໃນໂທລະພາບລັດຖະບານວ່າ “ການເຄື່ອນໄຫວນີ້ ໄດ້ມີຂຶ້ນກໍຍ້ອນວ່າ ICC, ເຖິງແມ່ນໄດ້ຖືກເອີ້ນວ່າ ສານອາຍາສາກົນກໍຈິງຢູ່, ແຕ່ໃນຄວາມເປັນຈິງແລ້ວ ມັນແມ່ນສານຄົນຜິວຂາວສາກົນເພື່ອຕັດສິນລົງໂທດ ແລະ ສ້າງຄວາມອັບອາຍຂາຍ ໜ້າໃຫ້ກັບຄົນຜິວດຳ, ໂດຍສະເພາະຄົນ ອາຟຣິກາ.”
ການສືບສວນສອບສວນທັງໝົດສິບຄັ້ງ ຍົກເວັ້ນແຕ່ຄະດີດຽວທີ່ໄດ້ຖືກດຳເນີນຂຶ້ນຈົນ ຮອດປະຈຸບັນນີ້ໂດຍສານ ICC ແມ່ນມີຂຶ້ນຢູ່ໃນບັນດາປະເທດ ອາຟຣິກາ, ເຊິ່ງນຳໄປສູ່ ການເຊື່ອຖືຂອງບາງຄົນໃນປະເທດ ແກມເບຍ ວ່າພວກເຂົາເຈົ້າກຳລັງລະເລີຍບໍ່ເອົາຫົວ ຊາຕໍ່ການກໍ່ອາຊະຍາກຳຕ່າງໆໃນປະເທດອື່ນ.
ລັດຖະບານ ແກມເບຍ ໄດ້ກ່າວໃນຖະແຫຼງການສະບັບໜຶ່ງວ່າ “ມັນມີປະເທດຕາເວັນ ຕົກຫຼາຍປະເທດ, ຢ່າງໜ້ອຍ 30 ປະເທດ, ທີ່ໄດ້ກໍ່ອາຊະຍາກຳສົງຄາມທີ່ຊົ່ວຮ້າຍຕໍ່ ປະເທດທີ່ມີເອກະລາດອຳນາດອະທິປະໄຕ ແລະ ປະຊາຊົນຂອງພວກເຂົາເຈົ້ານັບຕັ້ງ ແຕ່ສານ ICC ໄດ້ຖືກສ້າງຕັ້ງຂຶ້ນມາ ແລະ ບໍ່ມີແມ່ນແຕ່ປະເທດຕາເວັນຕົກປະເທດ ດຽວທີ່ໄດ້ກໍ່ອາຊະຍາກຳສົງຄາມ ໄດ້ຖືກຟ້ອງຮ້ອງດຳເນີນຄະດີ.”
ໃນຕົ້ນສັບປະດານີ້, ປະທານາທິບໍດີ ແກມເບຍa ທ່ານ Yahya Jammeh ໄດ້ຂໍໃຫ້ສານ ສືບສວນສອບສວນການຕາຍຂອງຜູ້ຍົກຍ້າຍຖິ່ນຖານຊາວ ອາຟຣິກາ ໃນທະເລ ເມດີເທີ ເຣນຽນ. ໃນຖະແຫຼງການຂອງພວກເຂົາເຈົ້າ, ແກມເບຍ ໄດ້ກ່າວວ່າ ຕົນໄດ້ຂໍໃຫ້ສານຕັ້ງ ຂໍ້ກ່າວຫາຕໍ່ ສະຫະພາບ ຢູໂຣບ ກ່ຽວກັບການຕາຍຂອງຜູ້ຍົກຍ້າຍຖິ່ນຖານ, ແຕ່ບໍ່ໄດ້ຮັບ ຄຳຕອບໃດໆ.
Your browser doesn’t support HTML5
Gambia ICC