ປະທານາທິບໍດີຝຣັ່ງ ທ່ານ Francois Hollande ເວົ້າວ່າ ທ່ານໄດ້ແຍກທາງກັບ Valerie Trierweiler ທີ່ຢູ່ນໍາກັນມາໄດ້ເຈັດປີນັ້ນແລ້ວ ຫຼັງຈາກສື່ມວນຊົນລາຍງານວ່າ ທ່ານມີຄວາມສໍາພັນ ກັບດາລາຍິງຄົນນຶ່ງ.
ທ່ານ Hollande ໄດ້ປະກາດຂ່າວການແຍກທາງກັບເມຍທີ່
ບໍ່ໄດ້ແຕ່ງ ຕໍ່ອົງການຂ່າວຝຣັ່ງ AFP ເມື່ອວັນເສົາວານນີ້.
ການປະກາດດັ່ງກ່າວມີຂຶ້ນສອງອາທິດ ຫຼັງຈາກໜັງສືພິມຂ່າວ
ດາລາສະບັບນຶ່ງ ລາຍງານວ່າ ທ່ານ Hollande ກໍາລັງມີຄວາມ
ສໍາພັນສັນຊູ້ສາວ ກັບດາລາຮູບເງົາ ນາງ Julie Gayet ໄວ 41
ປີ ຊຶ່ງມີອາຍຸຕໍ່າກວ່າທ່ານເກືອບ 20 ປີ.
ປະທານາທິບໍດີ ໄວ 59 ປີ ບໍ່ໄດ້ແຕ່ງງານກັບ ທ່ານນາງ Trierweiler ໄວ 48 ປີ ນັກຂ່າວທີ່
ມີຊື່ສຽງຄົນນຶ່ງ ແຕ່ທັງສອງກໍໄດ້ຢູ່ນໍາກັນມາຕັ້ງແຕ່ປີ 2006 ແລະທ່ານນາງ ກໍໄດ້ປະຕິບັດ
ໜ້າທີ່ເປັນສະຕີໝາຍເລກນຶ່ງ ຫຼັງຈາກການເລືອກຕັ້ງຂອງທ່ານໃນປີ 2012.
ການປະກາດຂອງການແຍກທາງຂອງທັງສອງ ມີຂຶ້ນພຽງນຶ່ງມື້ກ່ອນ ທ່ານນາງ Trierweiler ມີກໍາໜົດຈະເດີນທາງໄປອິນເດຍ ເພື່ອງານກຸສົນ. ມີລາຍງານວ່າ ທ່ານນາງໄດ້ເຂົ້າຮັກສາຕົວທີ່ໂຮງໝໍ ຈາກອາການອ່ອນເພຍ ຫຼັງຈາກໄດ້ຍິນຂ່າວປະກາດແຍກທາງກັນ.
ຜ່ານມາ ທ່ານ Hollande ໄດ້ມີຄວາມສໍາພັນກັບທ່ານນາງ Segolene Royal ສະມາຊິກ
ອາວຸໂສຂອງພັກສັງຄົມນິຍົມຂອງທ່ານ ແລະເຄີຍເປັນຜູ້ສະໝັກປະທານາທິບໍດີ. ທັງສອງ
ມີລູກນໍາກັນສີ່ຄົນ ແຕ່ກໍໄດ້ແຍກກັນໃນປີ 2007 ຫຼັງຈາກທ່ານນາງປາໄຊການເລືອກຕັ້ງ
ໃຫ້ແກ່ທ່ານ Nocolas Sarkozy ຜູ້ທີ່ທ່ານ Hollande ສືບຕໍາແໜ່ງແທນນັ້ນ.
.
ທ່ານ Hollande ໄດ້ປະກາດຂ່າວການແຍກທາງກັບເມຍທີ່
ບໍ່ໄດ້ແຕ່ງ ຕໍ່ອົງການຂ່າວຝຣັ່ງ AFP ເມື່ອວັນເສົາວານນີ້.
ການປະກາດດັ່ງກ່າວມີຂຶ້ນສອງອາທິດ ຫຼັງຈາກໜັງສືພິມຂ່າວ
ດາລາສະບັບນຶ່ງ ລາຍງານວ່າ ທ່ານ Hollande ກໍາລັງມີຄວາມ
ສໍາພັນສັນຊູ້ສາວ ກັບດາລາຮູບເງົາ ນາງ Julie Gayet ໄວ 41
ປີ ຊຶ່ງມີອາຍຸຕໍ່າກວ່າທ່ານເກືອບ 20 ປີ.
ປະທານາທິບໍດີ ໄວ 59 ປີ ບໍ່ໄດ້ແຕ່ງງານກັບ ທ່ານນາງ Trierweiler ໄວ 48 ປີ ນັກຂ່າວທີ່
ມີຊື່ສຽງຄົນນຶ່ງ ແຕ່ທັງສອງກໍໄດ້ຢູ່ນໍາກັນມາຕັ້ງແຕ່ປີ 2006 ແລະທ່ານນາງ ກໍໄດ້ປະຕິບັດ
ໜ້າທີ່ເປັນສະຕີໝາຍເລກນຶ່ງ ຫຼັງຈາກການເລືອກຕັ້ງຂອງທ່ານໃນປີ 2012.
ການປະກາດຂອງການແຍກທາງຂອງທັງສອງ ມີຂຶ້ນພຽງນຶ່ງມື້ກ່ອນ ທ່ານນາງ Trierweiler ມີກໍາໜົດຈະເດີນທາງໄປອິນເດຍ ເພື່ອງານກຸສົນ. ມີລາຍງານວ່າ ທ່ານນາງໄດ້ເຂົ້າຮັກສາຕົວທີ່ໂຮງໝໍ ຈາກອາການອ່ອນເພຍ ຫຼັງຈາກໄດ້ຍິນຂ່າວປະກາດແຍກທາງກັນ.
ຜ່ານມາ ທ່ານ Hollande ໄດ້ມີຄວາມສໍາພັນກັບທ່ານນາງ Segolene Royal ສະມາຊິກ
ອາວຸໂສຂອງພັກສັງຄົມນິຍົມຂອງທ່ານ ແລະເຄີຍເປັນຜູ້ສະໝັກປະທານາທິບໍດີ. ທັງສອງ
ມີລູກນໍາກັນສີ່ຄົນ ແຕ່ກໍໄດ້ແຍກກັນໃນປີ 2007 ຫຼັງຈາກທ່ານນາງປາໄຊການເລືອກຕັ້ງ
ໃຫ້ແກ່ທ່ານ Nocolas Sarkozy ຜູ້ທີ່ທ່ານ Hollande ສືບຕໍາແໜ່ງແທນນັ້ນ.
Your browser doesn’t support HTML5
France Hollande
.