ປະທານາທິບໍດີສະຫະລັດ ທ່ານດໍໂນລ ທຣຳ ເປັນແຂກຜູ້ມີກຽດ ເຂົ້າຮ່ວມໃນໂອກາດ
ການສະຫຼອງວັນຊາດຂອງຝຣັ່ງທີ່ມີການສະແດງທີ່ສຳຄັນຮວມທັງໜ່ວຍດຸລິຢາງຂອງ
ກອງທັບ ແລະການບິນຜ່ານ ຂອງເຮືອບິນລົບອາຍພົ່ນ ສະຫະລັດ ພ້ອມທັງການເດີນສວນສະໜາມຂະໜາດໃຫຍ່ ເພື່ອສະເຫຼີມສະຫລອງ ວັນຄົບຮອບນຶ່ງຮ້ອຍປີ ໃນການ
ເຂົ້າຮ່ວມສົງຄາມໂລກຄັ້ງທີ 1 ຂອງສະຫະລັດ.
ທຸງຊາດຂອງຝຣັ່ງ ແລະອາເມຣິກັນ ໄດ້ປິວສະບັດຢູ່ຕາມຖະໜົນ Champs Elysees
ບ່ອນທີ່ທະຫານອາເມຣິກັນ ມີກຳນົດທີ່ຈະນຳໜ້າການເດີນສວນສະໜາມຮ່ວມກັບທະ
ຫານຝຣັ່ງບຫຼາຍພັນຄົນ.
ມີຕຳຫຼວດ ຫຼາຍກວ່າ 3,500 ຄົນ ເຂົ້າປະຈຳການ ຢູ່ຕາມຈຸດຕ່າງໆ ໃນເສັ້ນທາງເດີນ
ສວນສະໜາມ ເພື່ອປ້ອງກັນການໂຈມຕີຂອງພວກກໍ່ການຮ້າຍທີ່ອາດຈະມີຂຶ້ນ.
ສ່ວນນຶ່ງ ຂອງກຳລັງທະຫານ ເທິງຫຼັງມ້າ ຂອງຝຣັ່ງ ເດີນສວນສະໜາມ ຜ່ານປະຕູໄຊ ສະຫຼອງຄົບຮອບ 100 ປີ ໃນການເຂົ້າສູ່ ສົງຄາມໂລກ ຄັ້ງທີ 1 ຂອງສະຫະລັດ
ການສະເຫຼີມສະຫຼອງດັ່ງກ່າວ ມີຂຶ້ນນຶ່ງປີ ຫລັງຈາກໄດ້ມີການໂຈມຕີດ້ວຍລົດບັນທຸກ
ຢູ່ທີ່ເມືອງນິສຊຶ່ງເປັນຫົວເມືອງແຄມຝັ່ງທະເລເມດີແຕເຣນຽນຂອງຝຣັ່ງທີ່ເຮັດໃຫ້ມີຜູ້
ເສຍຊີວິດ 86 ຄົນ. ລັດອິສລາມໄດ້ອ້າງເອົາຄວາມຮັບຜິດຊອບໃນການໂຈມຕີນີ້.
ການຕໍ່ຕ້ານການກໍ່ການຮ້າຍແມ່ນຈຸດສຳຄັນສຸດ ເວລາທ່ານທຣຳ ພົບປະກັບປະທາ
ນາທິບໍດີຝຣັ່ງ ທ່ານເອັມມານູແອລ ມາກຣົງ ໃນວັນພະຫັດວານນີ້ໃນການປະຊຸມຊຶ່ງ
ນອກເໜືອໄປຈາກນັ້ນແລ້ວ ແມ່ນມີຄວາມເຫັນທີ່ຍັງແຕກຕ່າງກັນຢູ່ ຮວມທັງບັນຫາ
ການປ່ຽນແປງຂອງດິນຟ້າອາກາດ.
ປະທານາທິບໍດີ ສຫລ ທ່ານດໍໂນລ ທຣຳ ແລະສະຕີ ໝາຍເລກນຶ່ງ ທ່ານນາງ ມາເລເນຍ ທຣຳ ປະທານາທິບໍດີຝຣັ່ງ ທ່ານເອັມມານູແອລ ມາກຣົງ ແລະພັນລະຍາ ທ່ານນາງ ບຣິກິດ ມາກຣົງ ໄປຊົມ ຂຸມຝັ່ງສົບ ທ່ານນະໂປລຽນ ໂບນາປາກ
ພາຍໃຕ້ບັນຍາກາດບ່ອນທີ່ຜູ້ນຳຂອງຝຣັ່ງແລະຢູໂຣບຕາເວັນຕົກອື່ນໆຮູ້ສຶກຕື່ນຕົກ
ໃຈຕໍ່ອັນທີ່ພວກທ່ານມອງເຫັນວ່າເປັນທ່າອຽງໃນການຢູ່ຢ່າງໂດດດ່ຽວແລະປົກປ້ອງ
ສິນຄ້າພາຍໃນປະເທດ ແຕ່ທ່ານມາກຣົງກໍໄດ້ເຮັດວຽກເພື່ອສະແດງໃຫ້ເຫັນກ່ຽວກັບ
ບັນຫາຕ່າງໆທີ່ທ່ານເອງແລະປະທານາທິບໍດີທຣຳ ມີຮ່ວມກັນນັ້ນ. ການຕໍ່ສູ້ກັບພວກ
ກໍ່ການຮ້າຍ ແມ່ນຫົວຂໍ້ທີ່ສຳຄັນສຸດ.
ຫລັງຈາກການຫາລືກັນ ໃນວັນພະຫັດວານນີ້ແລ້ວ ຜູ້ນຳຂອງຝຣັ່ງກ່າວວ່າ ຄຳຕອບ
ທີ່ເໝາະສົມສຳລັບພວກກໍ່ການຮ້າຍ ກໍແມ່ນເສີມຂະຫຍາຍການຮ່ວມມືລະຫວ່າງປະ
ເທດທັງສອງແລະການຕໍ່ສູ້ແບບຍືນຍົງ “ບໍ່ຮູ້ຈັກຈົບສິ້ນກັບພວກກໍ່ການຮ້າຍບໍ່ສຳຄັນ
ວ່າພວກເຂົາແມ່ນໃຜ.”
ກ່ຽວກັບເລື່ອງນີ້ ທ່ານມາກຣົງ ເວົ້າວ່າ “ບໍ່ມີຄວາມເຫັນ ທີ່ແຕກຕ່າງກັນເລີຍ ແລະ
ຊ່ອງຫວ່າງ ລະຫວ່າງທ່າທີຂອງຝຣັ່ງແລະຂອງອາເມຣິກັນ.”
ການມີປະທານາທິບໍດີທຣຳເປັນແຂກຜູ້ມີກຽດທີ່ສຳຄັນເຂົ້າຮ່ວມສະຫຼອງວັນຊາດ
ຂອງຝຣັ່ງນັ້ນ ແມ່ນເປັນສັນຍາລັກອັນເລິກເຊິ່ງແລະຮ່ອງຮອຍທີ່ສະແດງໃຫ້ເຫັນ
ວ່າ ຝຣັ່ງແລະຢູໂຣບຕ້ອງການການພົວພັນຂອງອາເມຣິກາຫຼາຍກວ່າໃນເວລາອື່ນ
ໃດທັງໝົດ.
ໃນວັນທີ 14 ກໍລະກົດມື້ນີ້ ຝຣັ່ງໄດ້ສະເຫຼີມສະຫຼອງ ການບຸກເຂົ້າໄປ ໃນຄຸກໃຫຍ່
Bastille ທີ່ນະຄອນປາຣີ ໂດຍພວກກະບົດ ໃນປີ 1789 ຊຶ່ງເປັນເຫດການ ທີ່ໃຫ້
ສັນຍານ ໃນການເລີ້ມຕົ້ນການປະຕິວັດຂອງຝຣັ່ງ.