ລັດຖະມົນຕີ ຕ່າງປະເທດ ອີຣ່ານ ກ່າວໃນວັນພຸດມື້ນີ້ວ່າ ຕົນ
ກຳລັງພິຈາລະນາ ເຂົ້າຮ່ວມກອງປະຊຸມຫລາຍຝ່າຍ ກ່ຽວກັບ
ສະຖານະການໃນຊີເຣຍ ທີ່ຈະຈັດຂື້ນທີ່ນະຄອນ Vienna
ໃນທ້າຍອາທິດນີ້.
ໂຄສົກກະຊວງຕ່າງປະເທດສະຫະລັດ ທ່ານ John Kirby
ກ່່າວໃນວັນອັງຄານວານນີ້ວ່າ ອີຣ່ານແມ່ນຄາດວ່າຈະຖືກເຊີນ
ໃຫ້ໄປຮ່ວມໃນການເຈລະຈາດັ່ງກ່າວ. ຄະນະຜູ້ຕາງໜ້າສະຫະ
ລັດ ຈະນຳພາໂດຍ ລັດຖະມົນຕີຕ່າງປະເທດສະຫະລັດ ທ່ານ
John Kerry. ທ່ານ Kirby ກ່າວວ່າ ການສົນທະນາຈະເນັ້ນ
ໜັກໃສ່ການແກ້ໄຂຕ່າງໆຕໍ່ “ສະພາບທີ່ຫຍຸ້ງຍາກທາງດ້ານການເມືອງ” ຢູ່ໃນຊີເຣຍ.
ຈຸດສຳຄັນຂອງກອງປະຊຸມ ມີກຳນົດທີ່ຈະຈັດຂື້ນໃນວັນສຸກຈະມາເຖິງນີ້ ແຕ່ວ່າ ການ
ສົນທະນາຂັ້ນຕົ້ນ ຄາດວ່າຈະເລີ້ມຂື້ນໃນວັນພະຫັດມື້ອຶ່ນນີ້.
ການປະຊຸມໃນວັນພະຫັດມື້ນອື່ນ ອີງຕາມແຫລ່ງຂ່າວນັກການທູດຣັດເຊຍ ອາດຮວມ
ທັງການລື້ມຄືນຂອງການປະຊຸມໃນອາທິດແລ້ວນີ້ ລະຫວ່າງບັນດານັກການທູດອາວຸ
ໂສຈາກ ສະຫະລັດ ຣັດເຊຍ ຊາອຸດີ ອາຣາເບຍ ແລະເທິກີ.
ລັດຖະມົນຕີ ຕ່າງປະເທດ ອີຣ່ານ ທ່ານ Mohammad Javad Zarif ແລະ ຄູ່ຕຳແໜ່ງ
າຍຣັດເຊຍ ທ່ານ Sergei Lavrov ໄດ້ຫາລືກັນກ່ຽວກັບສະຖານະການໃນຊີເຣຍ ໂດຍ
ທາງໂທລະສັບ. ກະຊວງຕ່າງປະເທດຂອງພວກທ່ານກ່າວວ່າ ທັງສອງນັກການທູດ ໄດ້
ສົນທະນາກັນໃນວັນພຸດມື້ນີ້ ກ່ຽວກັບການກະກຽມຕໍ່ກອງປະຊຸມໃນນະຄອນ Vienna
ໃນຂະນະທີ່ເຂົາເຈົ້າກຳລັງລົມກັນເປັນມື້ທີສອງຕິດຕໍ່ກັນ.
ການເຂົ້າຮ່ວມໃດໆກໍຕາມ ໃນກອງປະຊຸມ ໂດຍອີຣ່ານ ແມ່ນເປັນຂີດໝາຍໃນການປ່ຽນ
ແປງທ່າທີຂອງສະຫະລັດ ແລະບັນດາປະເທດມະຫາອຳນາດຕາເວັນຕົກ ທີ່ໄດ້ຊອກຫາ
ຊ່ອງທາງຈຳກັດການພົວພັນກັບອີຣ່ານ ກ່ຽວກັບບັນຫາຕ່າງໆ ທີ່ເໜືອໄປກວ່າການບັນລຸ
ຂໍ້ຕົກລົງນິວເຄລຍອີຣ່ານ ໃນເດືອນກໍລະກົດທີຜ່ານມາ.
ເຖິງຢ່າງໃດກໍດີ ໃນວັນອັງຄານວານນີ້ ທ່ານ Kirby ບໍ່ໄດ້ກ່າວເຖິງອີຣ່ານ ວ່າເປັນພາຄີ
ທີ່ສຳຄັນຂອງສະຫະລັດ ໃນວິກິດການຊີເຣຍ.