ພັກສັງຄົມນິຍົມຂອງທ່ານ Francois Hollande, ແລະພັກອື່ນໆທີ່ເປັນພັນທະມິດ
ໄດ້ຮັບບ່ອນນັ່ງໃນສັດສ່ວນຫລາຍທີ່ສຸດ ຢູ່ໃນການປ່ອນບັດເລືອກຕັ້ງສະພາຕໍ່າຮອບ
ທໍາອິດຂອງຝຣ່ັງ ໃນວັນອາທິດວານນີ້.
ຜົນການປ່ອນບັດຂອງທາງການ ສະແດງໃຫ້ເຫັນວ່າ ພັກຝ່າຍທີ່ນິຍົມຊ້າຍໄດ້ກວາມ
ເອົາປະມານ 46% ຂອງຄະແນນສຽງໃນການຍາດເອົາບ່ອນນັ່ງທັງໝົດ 577 ບ່ອນ
ໃນສະພາແຫ່ງຊາດ ຫລືສະພາຕໍ່ານັ້ນ.
ພັກນິຍົມແນວທາງເດີມ UMP ຂອງອະດີດປະທານາທິບໍດີ Nicolas Sarkozy ໄດ້
ຮັບປະມານ 34% ຂອງຄະແນນສຽງ ໃນຂະນະທີ່ພັກແນວໂຮມຊາດຂວາຈັດ ໄດ້ຮັບ
ຄະແນນສຽງ ປະມານ 13%.
49% ທີ່ໄດ້ໄປປ່ອນບັດໃນການເລືອກ
ຕັ້ງສະພາ ເມື່ອປີ 2007 ນັ້ນໜ້ອຍນຶ່ງ.
ສ່ວນວ່າພັກໃດຈະໄດ້ບ່ອນນັ່ງໂຕຈິງຫລາຍເທົ່າໃດໃນສະພາແຫ່ງຊາດນັ້ນ ແມ່ນຈະຮູ້ກັນ
ຫລັງຈາກການປ່ອນບັດຮອບທີສອງ ທີ່ໄດ້ກໍານົດໃສ່ວັນທີ 17 ມິຖຸນາ ວັນອາທິດຈະມາ
ເຖິງນີ້.
ພັກສັງຄົມນິຍົມແລະພັນທະມິດຂອງເຂົາເຈົ້າ ແມ່ນໄດ້ຄວບຄຸມສະພາສູງຂອງລັດຖະສະ
ພາຝຣັ່ງແລ້ວ ໃນເວລານີ້.
ທ່ານ Hollande ຢາກໃຫ້ມີການຮັບຜ່ານມາດຕະການຫລາຍໆຢ່າງ ທີ່ທ່ານຫວັງວ່າ ຈະ ຊ່ວຍລຸດອັດຕາການຫວ່າງງານລົງ ແລະກະຕຸກຊຸກຍູ້ເສດຖະກິດທີ່ໃຫຍ່ ອັນດັບສອງຂອງ
ຢູໂຣບ ໃຫ້ຟື້ນຄືນມາໄດ້.
ລາຍງານຂ່າວກ່າວວ່າ ຈໍານວນຄົນໄປປ່ອນບັດໃນວັນອາທິດວານນີ້ ແມ່ນມີປະມານ 48%
ຂອງຜູ້ມີສິດເລືອກຕັ້ງທັງໝົດ ຊຶ່ງແມ່ນລຸດຈໍານວນ 49% ທີ່ໄດ້ໄປປ່ອນບັດໃນການເລືອກ
ຕັ້ງສະພາ ເມື່ອປີ 2007 ນັ້ນໜ້ອຍນຶ່ງ.