ນາຍົກລັດຖະມົນຕີຝຣັ່ງ ທ່ານ Manuel Valls ກ່າວວ່າ ຝຣັ່ງ
ຈະສ້າງຕັ້ງຕຳແໜ່ງທາງດ້ານ ຄວາມໝັ້ນຄົງໃໝ່ 2,680 ໜ້າວຽກ
ພາຍໃນໄລຍະ 3 ປີຕໍ່ໜ້າ ເພື່ອຮັບມືກັບໄພຂົ່ມຂູ່ຈາກ ພວກຫົວ
ຮຸນແຮງຈັດອິສລາມ.
ທ່ານ Valls ໄດ້ປະກາດກ່ຽວກັບມາດຕະການໃໝ່ ໃນວັນພຸດມື້ນີ້
ຫລັງຈາກ ການປະຊຸມຄະນະ ລັດຖະບານປະຈຳສັບປະດາຂອງ
ທ່ານ ໂດຍເວົ້າວ່າ ປາຣີຈະໃຊ້ຈ່າຍເງິນ 500 ລ້ານໂດລາ ໃນ ການດຳເນີນຄວາມພະຍາຍາມເພື່ອເສີມຄວາມເຂັ້ມແຂງໃຫ້ກັບ
ການຕໍ່ສູ້ຕ້ານພວກກໍ່ການຮ້າຍ ຫຼັງ ຈາກໄດ້ມີການໂຈມຕີຢ່າງ
ຮ້າຍແຮງເມື່ອຕົ້ນເດືອນນີ້.
ຝຣັ່ງ ຫາທາງປ້ອງກັນ ການກໍ່ການຮ້າຍ
ນອກນັ້ນ ໃນວັນພຸດມື້ນີ້ ຄະນະສອບສວນຂອງຝຣັ່ງ ກ່າວວ່າ ພວກເຂົາເຈົ້າໄດ້ກ່າວຫາ 4 ຄົນ ທີ່ພົວພັນກັບການໂຈມຕີຕະຫຼາດຊາວຢິວ ໃນພາກຕາເວັນອອກຂອງນະຄອນປາຣີ
ທີ່ຍັງຜົນໃຫ້ມີ 4 ຄົນ ເສຍຊີວິດນັ້ນ.
ໄອຍະການສານໄດ້ກ່າວໃນວັນພຸດມື້ນີ້ວ່າ ຊາຍທັງ 4 ຄົນນັ້ນແມ່ນ ໄດ້ຖືກກ່າວວ່າ ມີສ່ວນ
ພົວ ພັນກັບທ້າວ Amedy Coulibaly ຊຶ່ງໄດ້ສັງຫານ 4 ຄົນ ໃນການປະທະກັນກັບຕຳຫຼວດ
ໃນຕະຫຼາດຂອງຊາວຢິວ ໃນວັນທີ 9 ມັງກອນ ຜ່ານມານີ້ ນຶ່ງມື້ກ່ອນໜ້ານັ້ນ ລາວໄດ້ສັງຫານ
ຕຳຫຼວດແມ່ຍິງຄົນນຶ່ງ.
ຊາຍທັງ 4 ຄົນແມ່ນ ໄດ້ຖືກກ່າວຫາໃນການໃຫ້ຄວາມຊ່ອຍເຫຼືອທ້າວ Coulibaly ຊຶ່ງຖືກຕຳຫຼວດສັງຫານ ໃນເວລາຕໍ່ມາ.
ການຍິງກັນທີ່ວ່ານີ້ ແມ່ນສ່ວນນຶ່ງຂອງການປະທະກັນ 3 ມື້ ໃນການໂຈມຕີຂອງພວກກໍ່ການຮ້າຍໃນນະຄອນປາຣີ ທີ່ໄດ້ເລີ້ມຕົ້ນດ້ວຍການຍິງສັງຫານ 12 ຄົນຢູ່ທີ່ສຳນັກງານວາລະສານເຍາະເຍີ້ຍ ຊວນຫົວ ລາຍສັບປະດາ Charlie Hebdo ໃນວັນພຸດ ທີ 7 ມັງກອນ ຜ່ານມານີ້.
Your browser doesn’t support HTML5
France Terror SOTVO