ພວກຊ່ອຍກູ້ໄພໃນພາກຕາເວັນຕົກຂອງເທີກີ ກຳລັງຊອກຄົ້ນ
ຫາພວກທີ່ອາດລອດຊີວິດມາໄດ້ ຫຼັງຈາກເກີດເຫດຈັກໄຟຟ້າ
ລະເບີດແລະໄຟໄໝ້ ຢູ່ບໍ່ຖ່ານຫີນທີ່ເຮັດໃຫ້ມີຜູ້ເສຍຊີວິດ
ຢ່າງນ້ອຍ 205 ຄົນ ໃນອຸປະຕິເຫດບໍ່ຖ່ານຫີນ ທີ່ຮ້າຍແຮງ
ທີ່ສຸດຄັ້ງນຶ່ງຂອງປະເທດ.
ພວກກູ້ໄພ ໄດ້ປ່ອຍອາກາດສົດ ເຂົ້າໄປໃນບໍ່ຖ່ານຫີນ ໃນວັນ
ພຸດມື້ ທີ່ເມືອງ Soma ທາງໃຕ້ ນະຄອນ Istanbul ໃນຂະນະທີ່
ພວກເຂົາເຈົ້າພະຍາຍາມຊ່ອຍພວກທີ່ຕິດຄ້າງຢູ່ຂ້າງໃນບໍ່
ຖ່ານຫີນ ນັ້ນອອກມາ. ທາງການກ່າວວ່າ ມີຄົນງານ 787 ຄົນ
ຢູ່ໃນບໍ່ຖ່ານຫີນນັ້ນ ເວລາຈັກໄຟຟ້າ ໄດ້ລະເບີດຂຶ້ນ ທີ່ພາໃຫ້ເກີດໄຟໄໝ້ພາຍໃນບໍ່ຖ່ານຫີນ ທີ່ຕັ້ງຢູ່ໃນແຂວງ Manisa ທາງພາກ ຕາເວັນຕົກຂອງປະເທດ. ເຈົ້າໜ້າທີ່ເຕືອນວ່າ ຈຳນວນຜູ້ຄົນທີ່ລົ້ມຕາຍ ອາດຈະເພີ່ມຂຶ້ນຕື່ມ.
ປະທານາທິບໍດີເທີກີ ທ່ານ Abdullah Gul ໄດ້ສັ່ງໃຫ້ເຈົ້າແຂວງ Manisa ໝູນໃຊ້
ທຸກຊັບພະ ຍາກອນທີ່ມີຢູ່ ເຂົ້າຊ່ອຍໃນການກູ້ໄພພວກຄົນງານບໍ່ຖ່ານຫີນແຫ່ງນີ້. ພວກກູ້ໄພໄດ້ຊ່ອຍພວກຄົນງານຫຼາຍຮ້ອຍຄົນອອກມາແລ້ວ ຈົນເຖິງປະຈຸບັນນີ້.
ນາຍົກລັດຖະມົນຕີເທີກີ ທ່ານ Recep Tayyp Erdogan ໄດ້ປະກາດໄວ້ທຸກ ເປັນ
ເວລາ 3 ມື້ໃນທົ່ວປະເທດ ໃຫ້ແກ່ພວກເຄາະຮ້າຍ ແລະພ້ອມນີ້ ທ່ານຍັງໄດ້ເລື່ອນການເດີນທາງໄປຢ້ຽມ ຢາມ Albania ເປັນເວລານຶ່ງມື້ ຊຶ່ງມີໝາຍກຳນົດໄວ້ໃນວັນພຸດມື້ນີ້.
ບໍ່ຖ່ານຫີນໃນເທີກີ ແມ່ນຊື່ສຽງໃນທາງທີ່ບໍ່ດີ ຊຶ່ງພາໃຫ້ສະມາຊິກສະພາບາງຄົນ ທວງໃຫ້ທຳ ການສືບສວນສອບສວນ ກ່ຽວກັບສະພາບການທີ່ບໍ່ມີຄວາມປອດໄພ
ທີ່ວ່ານີ້.
ອຸປະຕິເຫດບໍ່ຖ່ານຫີນທີ່ຮ້າຍແຮງທີ່ສຸດໃນເທີກີ ແມ່ນເກີດຂຶ້ນໃນປີ 1992 ເວລາພວກ
ຄົນງານ 263 ຄົນ ເສຍຊີວິດ ໃນເຫດລະເບີດຂອງແກ໊ສ ຢູ່ທີ່ບໍ່ຖ່ານຫີນ ໃນເມືອງທ່າ Zonguldak ທີ່ ຕັ້ງຢູ່ແຄມທະເລດຳນັ້ນ.
ໜັງສືພິມເທີກີ ໄດ້ອ້າງເອົາຄຳເວົ້າຂອງສະມາຊິກສະພາຄົນນຶ່ງ ທີ່ກ່າວວ່າ ທ່ານເບື່ອແລ້ວທີ່ຈະຕ້ອງເຂົ້າຮ່ວມ ພິທີສົ່ງສະການໃຫ້ພວກຄົນງານບໍ່ຖ່ານຫີນ.
ບາງຂໍ້ມູນຂ້າງເທິງນີ້ ໄດ້ມາຈາກແຫຼ່ງຂ່າວ AP ແລະ Reuters.
ຫາພວກທີ່ອາດລອດຊີວິດມາໄດ້ ຫຼັງຈາກເກີດເຫດຈັກໄຟຟ້າ
ລະເບີດແລະໄຟໄໝ້ ຢູ່ບໍ່ຖ່ານຫີນທີ່ເຮັດໃຫ້ມີຜູ້ເສຍຊີວິດ
ຢ່າງນ້ອຍ 205 ຄົນ ໃນອຸປະຕິເຫດບໍ່ຖ່ານຫີນ ທີ່ຮ້າຍແຮງ
ທີ່ສຸດຄັ້ງນຶ່ງຂອງປະເທດ.
ພວກກູ້ໄພ ໄດ້ປ່ອຍອາກາດສົດ ເຂົ້າໄປໃນບໍ່ຖ່ານຫີນ ໃນວັນ
ພຸດມື້ ທີ່ເມືອງ Soma ທາງໃຕ້ ນະຄອນ Istanbul ໃນຂະນະທີ່
ພວກເຂົາເຈົ້າພະຍາຍາມຊ່ອຍພວກທີ່ຕິດຄ້າງຢູ່ຂ້າງໃນບໍ່
ຖ່ານຫີນ ນັ້ນອອກມາ. ທາງການກ່າວວ່າ ມີຄົນງານ 787 ຄົນ
ຢູ່ໃນບໍ່ຖ່ານຫີນນັ້ນ ເວລາຈັກໄຟຟ້າ ໄດ້ລະເບີດຂຶ້ນ ທີ່ພາໃຫ້ເກີດໄຟໄໝ້ພາຍໃນບໍ່ຖ່ານຫີນ ທີ່ຕັ້ງຢູ່ໃນແຂວງ Manisa ທາງພາກ ຕາເວັນຕົກຂອງປະເທດ. ເຈົ້າໜ້າທີ່ເຕືອນວ່າ ຈຳນວນຜູ້ຄົນທີ່ລົ້ມຕາຍ ອາດຈະເພີ່ມຂຶ້ນຕື່ມ.
ປະທານາທິບໍດີເທີກີ ທ່ານ Abdullah Gul ໄດ້ສັ່ງໃຫ້ເຈົ້າແຂວງ Manisa ໝູນໃຊ້
ທຸກຊັບພະ ຍາກອນທີ່ມີຢູ່ ເຂົ້າຊ່ອຍໃນການກູ້ໄພພວກຄົນງານບໍ່ຖ່ານຫີນແຫ່ງນີ້. ພວກກູ້ໄພໄດ້ຊ່ອຍພວກຄົນງານຫຼາຍຮ້ອຍຄົນອອກມາແລ້ວ ຈົນເຖິງປະຈຸບັນນີ້.
ພາບ ບໍ່ຖ່ານຫີນ ລະເບີດ ໃນເທີກີ
ນາຍົກລັດຖະມົນຕີເທີກີ ທ່ານ Recep Tayyp Erdogan ໄດ້ປະກາດໄວ້ທຸກ ເປັນ
ເວລາ 3 ມື້ໃນທົ່ວປະເທດ ໃຫ້ແກ່ພວກເຄາະຮ້າຍ ແລະພ້ອມນີ້ ທ່ານຍັງໄດ້ເລື່ອນການເດີນທາງໄປຢ້ຽມ ຢາມ Albania ເປັນເວລານຶ່ງມື້ ຊຶ່ງມີໝາຍກຳນົດໄວ້ໃນວັນພຸດມື້ນີ້.
ບໍ່ຖ່ານຫີນໃນເທີກີ ແມ່ນຊື່ສຽງໃນທາງທີ່ບໍ່ດີ ຊຶ່ງພາໃຫ້ສະມາຊິກສະພາບາງຄົນ ທວງໃຫ້ທຳ ການສືບສວນສອບສວນ ກ່ຽວກັບສະພາບການທີ່ບໍ່ມີຄວາມປອດໄພ
ທີ່ວ່ານີ້.
ອຸປະຕິເຫດບໍ່ຖ່ານຫີນທີ່ຮ້າຍແຮງທີ່ສຸດໃນເທີກີ ແມ່ນເກີດຂຶ້ນໃນປີ 1992 ເວລາພວກ
ຄົນງານ 263 ຄົນ ເສຍຊີວິດ ໃນເຫດລະເບີດຂອງແກ໊ສ ຢູ່ທີ່ບໍ່ຖ່ານຫີນ ໃນເມືອງທ່າ Zonguldak ທີ່ ຕັ້ງຢູ່ແຄມທະເລດຳນັ້ນ.
ໜັງສືພິມເທີກີ ໄດ້ອ້າງເອົາຄຳເວົ້າຂອງສະມາຊິກສະພາຄົນນຶ່ງ ທີ່ກ່າວວ່າ ທ່ານເບື່ອແລ້ວທີ່ຈະຕ້ອງເຂົ້າຮ່ວມ ພິທີສົ່ງສະການໃຫ້ພວກຄົນງານບໍ່ຖ່ານຫີນ.
ບາງຂໍ້ມູນຂ້າງເທິງນີ້ ໄດ້ມາຈາກແຫຼ່ງຂ່າວ AP ແລະ Reuters.