ບັນດາຜູ້ສະໝັກເປັນປະທານາທິບໍດີສັງກັດພັກ Republican
ແຖວໜ້າ ແລະມະຫາເສດຖີພັນ ລ້ານ ທ່ານ Donald Trump
ໄດ້ໂຕ້ວາທີກັນໃນແລງວັນພຸດວານນີ້ ຊຶ່ງເປັນການໂຕ້ວາທີທີ່
ສຳຄັນຄັ້ງ 2 ໃນການແຂ່ງຂັນເພື່ອໃຫ້ຖືກແຕ່ງຕັ້ງເປັນຜູ້ຕາງໜ້າ
ຂອງພັກໂດຍທີ່ທ່ານ Trump ຖືກກ່າວຫາຈາກພວກຄູ່ແຂ່ງວ່າ
ທ່ານນັ້ນແມ່ນບໍ່ເໝາະສົມທີ່ຈະເປັນຜູ້ນຳຂອງປະເທດ.
ຜູ້ແຂ່ງຂັນທັງ 10 ທ່ານ ໄດ້ຮ່ວມກັນກັບມະຫາເສດຖີອະສັງຫາ
ລິມະຊັບ ໃນການໂຕ້ວາທີທີ່ມີ ການປະທະກັນຢ່າງໜັກ ຢູ່ຫໍສະມຸດປະທານາທິບໍດີ Ronald Reagan ທີ່ເມືອງ Simi Valley ລັດ California.
ຜູ້ສະໝັກລົງແຂ່ງເຂົ້າເປັນປະທານາທິລໍດີ ສັງກັດພັກ Republican, ສະມາຊິກສະພາສູງ ທ່ານ Ted Cruz, ຈາກລັດ Texas, ກ່າວໃນການໂຕ້ວາທີຂອງ CNN ໃນຫໍສະມຸດ _Ronald Reagan in Simi Valley, Calif. 16 ກັນຍາ, 2015.
ທ່ານ Trump ກ່າວໂຄສະນາເຖິງປະສົບການຕ່າງໆຂອງທ່ານໃນຖານະທີ່ເປັນນັກທຸລະ
ກິດ ທີ່ທ້າທາຍຕໍ່ພວກຄູ່ແຂ່ງທ່ານ. ທ່ານ Trump ທີ່ຢືນຢູ່ທາງກາງຂອງເວທີໂຕ້ວາທີ ໄດ້ກ່າວວ່າ “ທ່ານມີອາລົມທີ່ແປກ” ແລະປະຫວັດໃນການເຮັດທຸລະກິດ ໃນຈະຊ່ອຍທ່ານ ໃນເວທີໂລກ. ທ່ານຍັງໄດ້ກ່າວອີກວ່າ ທ່ານຈະເຂົ້າກັບບັນດາຜູ້ນຳລະດັບໂລກໄດ້ເປັນຢ່າງດີ ຊຶ່ງຮວມທັງ ຜູ້ນຳຣັດເຊຍ ທ່ານ Vladimir Putin.
ທ່ານ Trump ຜູ້ຊຶ່ງໃຊ້ສຳນວນໂວຫານຕໍ່ຕ້ານວໍຊິງຕັນ ພ້ອມທັງທວງໃຫ້ເນລະເທດ ພວກຄົນຕ່າງດ້າວທີ່ເຂົ້າເມືອງຜິດກົດໝາຍຈຳນວນ 11 ລ້ານຄົນ ອອກຈາກສະຫະລັດ ແລະໃຊ້ຄຳ ເວົ້າສຽດສີຕໍ່ຄູ່ແຂ່ງຂອງທ່ານ ແມ່ນໄດ້ນຳພາໃຫ້ທ່ານໄດ້ຮັບຄະແນນສູງສຸດໃນ
ການຢັ່ງຫາງສຽງຂອງພວກມີສິດ ປ່ອນບັດ ຈາກພັກ Republican. ການຢັ່ງຫາງສຽງຂອງໂທລະພາບ CBS ແລະໜັງສືພິມ New York Times ໃນສັບປະດານີ້ ໄດ້ສະແດງໃຫ້ເຫັນວ່າ ມີ 27% ທີ່ສະໜັບສະໜຸນທ່ານ Trump ລື່ນທ່ານ Ben Carson ໝໍຜ່າຕັດສະໝອງຜູ້ຊຶ່ງກະສຽນແລ້ວ ທີ່ໄດ້ຮັບ 23%.
ທ່ານ Donald Trump ກ່າວໃນການໂຕ້ວາທີ ຂອງ CNN ໃນຫໍສະມຸດ _Ronald Reagan in Simi Valley, Calif. 16 ກັນຍາ, 2015
ບໍ່ມີຜູ້ ສະໝັກຄົນໃດໃນເວທີ ທີ່ເຂົ້າຮ່ວມການໂຕ້ວາທີກັບທ່ານ Trump ແລະທ່ານCarson ໄດ້ຮັບຄະແນນກາຍສິບເປີເຊັນ ໃນການຢ່າງຫາງສຽງ.
ກ່ຽວກັບ ເລື້ອງຂໍ້ຕົກລົງໂຄງການນິວເຄລຍກັບອິຣ່ານນັ້ນ ສະມາຊິກສະພາສູງຈາກລັດ Kentucky ທ່ານ Rand Paul ແລະອະດີດຜູ້ປົກຄອງລັດ Florida ທ່ານ Jeb Bush ທີ່ແມ່ນມີຄວາມເຫັນແຕກຕ່າງໄປຈາກບັນດາຜູ້ສະໝັກສ່ວນໃຫຍ່ຂອງພັກ Republican ແລະໄດ້ກ່າວວ່າ ປະທານາທະບໍດີຄົນຕໍ່ໄປ ບໍ່ຄວນຕ່າວປີ້ນຂໍ້ຕົກລົງທີ່ວ່ານີ້ ໃນທັນໃດໂລດ.
ສະມາຊິກພັກ Republican ທ່ານ Marco Rubio ຈາກລັດ Florida ຖະແຫຼງການໂຕ້ວາທີຂອງ CNN ໃນຫໍສະມຸດ _Ronald Reagan in Simi Valley, Calif. 16 ກັນຍາ, 2015.
ທ່ານ Paul ໄດ້ກ່າວວ່າ “ມັນຈະເປັນເລື້ອງໄຮ້ສາລະ” ທີ່ຈະ “ທັບມ້າງຂໍ້ຕົກລົງໂດຍທັນທີ.” ທ່ານ Bush ກໍໄດ້ສະທ້ອນທ່າທີດັ່ງກ່າວ ໂດຍເວົ້າວ່າ “ມັນບໍ່ແມ່ນຍຸດທະສາດທີ່ຈະຈີກ
ຫຼືທຳລາຍຂໍ້ຕົກລົງນີ້.” ໃນທາງກັບກັນ ທ່ານໄດ້ກ່າວວ່າ ທ່ານຈະເພີ້ມຄວາມສຳພັນກັບ Israel ໃຫ້ເໜັ້ນແຟ້ນຂຶ້ນ ຊຶ່ງເປັນບາດກ້າວ ທີ່ທ່ານໄດ້ກ່າວວ່າ ຈະສ້າງ “ການຕ້ານຢັນ
ທີ່ເຂັ້ມແຂງຂຶ້ນກວ່າສິ່ງອື່ນໃດທີ່ຂ້າພະເຈົ້າສາມາດຄິດໄດ້.”
ທ່ານນາງ Carly Fiorina, ກ່າວໃນການໂຕ້ວາທີຂອງ CNN ໃນຫໍສະມຸດ in Simi Valley, Calif.
ສ່ວນທ່ານ Rubio ແນະນຳວ່າ ປະເທດຊາດບໍ່ຄວນສ່ຽງຕໍ່ການເລືອກເອົາຜູ້ນຳ ທີ່ອ່ອນ
ປະສົບ ພະການດ້ານນະໂຍບາຍການຕ່າງປະເທດ ເຊັ່ນທ່ານ Trump ເປັນປະທານາທິ
ບໍດີ. ທ່ານຍັງໄດ້ກ່າວເຖິງການຂົ່ມຂູ່ຕ່າງໆຕໍ່ສະຫະລັດ ເຊັ່ນໂຄງການລູກສອນໄຟຂອງເກົາຫຼີເໜືອ, ການຮຸກຮານຂອງຣັດເຊຍເຂົ້າໄປໃນຢູເຄຣນ ແລະການໂຈມຕີ ຫຼືລັກຂະໂມຍຂໍ້ຄວາມທາງອິນເຕິແນ໊ດ ຂອງຈີນ. ທ່ານກ່າວວ່າ ຜູ້ຄົນຄວນຈະຖາມບັນດາຜູ້ສະໝັກເຊັ່ນທ່ານ Trump ກ່ຽວກັບນະໂຍບາຍການຕ່າງປະເທດຂອງທ່ານ ເພາະວ່າ “ນີ້ແມ່ນເປັນເວລາທີ່ຕົກຢູ່ໃນອັນຕະລາຍຮ້າຍແຮງເປັນພິເສດ.”
Your browser doesn’t support HTML5
Republican Advisers 'Spin' Debate