ນັກດົນຕີປະເພດແຈັສ໌ຂອງສະຫະລັດ ທ່ານ Kenny G ແມ່ນ
ບໍ່ໄດ້ ໃຫ້ຄວາມສຳຄັນ ຕໍ່ການໄປຢ້ຽມຢາມພວກປະທ້ວງເພື່ອ
ປະຊາທິປະໄຕໃນຮົງກົງນັ້ນ ໂດຍກ່າວວ່າ ທ່ານບໍ່ມີເຈດຕະນາ
ສະແດງການສະໜັບສະໜຸນຕໍ່ພວກປະທ້ວງແຕ່ຢ່າງໃດເລີຍ.
ນັກເປົ່າແຊັກໂຊໂຟນທ່ານນີ້ ໄດ້ຢຸດແວ່ຢູ່ບໍລິເວນ ທີ່ມີການ
ປະທ້ວງ ໃນຮົງກົງຊຶ່ງເປັນເຂດເຄິ່ງປົກຄອງຕົນເອງຂອງຈີນ
ເມື່ອວັນພຸດວານນີ້ ໂດຍໄດ້ຖ່າຍພາບ ແລະໄດ້ ຊູສອງນິ້ວຂຶ້ນ
ຄືໂຕ “V” ຊຶ່ງເປັນເຄື່ອງໝາຍ ຂອງສັນຕິພາບ ໃນຂະນະທີ່
ຢືນຄຽງຂ້າງປ້າຍຕ່າງໆ ຂອງພວກປະທ້ວງນິຍົມປະຊາທິປະໄຕ.
ຫຼາຍຄົນໄດ້ຕີລາຄາຂອງການເຄື່ອນໄຫວດັ່ງກ່າວນັ້ນວ່າ ເປັນການສະແດງການສະໜັບ
ສະໜຸນ ລວມທັງກະຊວງຕ່າງປະເທດຂອງຈີນ ຊຶ່ງໄດ້ອອກມາກ່າວເຕືອນຊາວຕ່າງຊາດ
ບໍ່ໃຫ້ເຂົ້າໄປກ່ຽວຂ້ອງກັບພວກປະທ້ວງ.
ຢູ່ໃນຖະແຫລງຂ່າວສະບັບນຶ່ງ ໃນເວລາຕໍ່ມາ ທ່ານ Kenny G ໄດ້ຕີຕົວຫ່າງອອກຈາກ
ພວກເຄື່ອນໄຫວປະທ້ວງນັ້ນ ແລະກ່າວວ່າ ທ່ານ “ບໍ່ຮູ້ຈັກແທ້ໆເລີຍ ກ່ຽວກັບສະຖາ
ນະການ” ແລະ ຢືນຢັດວ່າ “ການໄປຢ້ຽມຢາມບໍລິເວນນັ້ນ ໃນທັນທີແມ່ນເປັນພຽງ
ສ່ວນນຶ່ງຂອງການຍ່າງທ່ຽວຮົງກົງ ແບບທີ່ບໍ່ເລື້ອງຮູ້ລາວຫຍັງເລີຍ.”
ນັກດົນຕີຜູ້ທີ່ສະແດງໃນຄອນເສີດເມື່ອອາທິດນີ້ ໃນແຂວງ Hainan ທາງພາກໃຕ້ຂອງຈີນ ກ່າວຖະແຫລງຜ່ານທາງໜ້າ Facebook ວ່າທ່ານພຽງແຕ່ໝາຍຢາກສະແດງຄວາມຮູ້ສຶກ “ປາຖະໜາໃຫ້ມີສັນຕິພາບສຳຫລັບຮົງກົງ ແລະ ທັງໝົດຂອງຈີນ.”
ທ່ານຍັງເອົາຮູບຖ່າຍຕ່າງໆອອກຈາກໜ້າ Twitter ຂອງທ່ານອີກ.
ນັກດົນຕີໄວ 58 ປີ ຜູ້ມີຊື່ເຕັມວ່າ Kenneth Gorelick ແມ່ນມີຄວາມນິຍົມຢ່າງກວ້າງ
ຂວາງ ໃນຈີນບ່ອນທີ່ເພງ “Going Home” ຂອງທ່ານ ແມ່ນຖືກບັນເລງເລື້ອຍໆ ຢູ່
ຕາມຮ້ານຄ້າ ໂຮງຮຽນ ແລະໃນງານຕ່າງໆ ເພື່ອຊຸກຍູ້ໃຫ້ພວກຝຸງຊົນເລີກລາກັນໄປນັ້ນ.
ວີດີໂອ: ນັກສຶກສາປະທ້ວງ ພະຍາຍາມຮຽນໜັງສື:
Your browser doesn’t support HTML5
Hong Kong Student Activists Trying to Keep Up With Studies