ການສູ້ລົບກັນຢູ່ໃນເມືອງ Aleppo ຊຶ່ງເປັນເມືອງໃຫຍ່ສຸດຂອງຊີເຣຍ ຍັງສືບຕໍ່ຢູ່ຕໍ່ມາ ຫລັງ
ຈາກການປະທະກັນມາເປັນເວລາ 2 ອາທິດ ແລະນັກເຄື່ອນໄຫວ ລາຍງານວ່າ ພວກກະບົດ
ໄດ້ໃຊ້ລົດຖັງ ຍິ່ງໃສ່ເດີ່ນເຮືອບິນທະຫານ.
ອົງການສິ້ງຊອມສິດທິມະນຸດ ທີ່ມີຫ້ອງການຕັ້ງຢູ່ອັງກິດ ກ່າວວ່າ ກໍາລັງຂອງຝ່າຍລັດຖະ
ບານ ໄດ້ຍິ່ງຖະຫລົ່ມຄຸ້ມນຶ່ງຂອງເມືອງ Aleppo ໃນວັນພະຫັດມື້ນີ້ ເຮັດໃຫ້ພົນລະເຮືອນ
ເສຍຊີວິດ 7 ຄົນ.
ບັນດານັກເຄື່ອນໄຫວຍັງກ່າວອີກວ່າ ກໍາລັງຮັກສາຄວາມປອດໄພ ໄດ້ທໍາການໂຈມຕີໃນວັນ
ພຸດ ຕໍ່ຫລາຍເຂດໃນນະຄອນຫລວງ Damascus ຊຶ່ງໄດ້ສັງຫານ ຫລາຍສິບຄົນ. ສື່ຂອງ
ລັດຖະບານຊີເຣຍ ກ່າວວ່າ ການປະຕິບັດງານດັ່ງກ່າວແມ່ນແນ່ໃສ່ກຸ່ມກໍ່ການຮ້າຍຢູ່ໃນ
ຕົວເມືອງ.
ຄວນໄຟໃໜ້ຈາກຕືກ ຫລັງຈາກການໂຈມຕີຂອງກໍາລັງລັດຖະບານ ທີ່ສະໜັບສະໜູນ ປະທານາທິບໍດີ Bashar al-Assad ທີ່ເມືອງ Aleppo, ວັນທີ່ 31, ກໍລະກົດ 2012.
ໃນຂະນະດຽວກັນ ອົງການ
ສະຫະປະຊາຊາດກ່າວວ່າ
ເກືອບ 3 ລ້ານຄົນໃນ ຊີເຣຍ
ກໍາລັງຕ້ອງການຄວາມຊ່ວຍ
ເຫລືອດ້ານອາຫານ ແລະຍັງ
ໄດ້ເຕືອນອີກວ່າ ເຄິ່ງນຶ່ງຂອງ
ຈໍານວນດັ່ງກ່າວ ມີຄວາມຕ້ອງ
ການ ການຊ່ວຍເຫລືອ ໂດຍ
“ດ່ວນແລະໂດຍທັນທີ່” ໃນໄລ
ຍະສາມ ຫາຫົກເດືອນຂ້າງໜ້ານີ້.
ອົງການອາຫານ ແລະການກະ
ເສດຂອງສະຫະປະຊາຊາດ ໄດ້
ອອກຖະແຫລງການຮ່ວມກັບ ໂຄງການອາຫານໂລກ (WFP) ກ່າວວ່າ ວິກິດການ 17 ເດືອນ
ໃນຊີເຣຍ ໄດ້ສ້າງຄວາມເສຍຫາຍໃຫ້ແກ່ ພາກສ່ວນກະເສດຂອງປະເທດເຖິງ 1800 ລ້ານໂດ
ລາ ແຕ່ກ່າວຕໍ່ໄປວ່າ ຜົນກະທົບດ້ານມະນຸດສະທໍາແມ່ນ ສໍາຄັນຫລາຍກ່ວານັ້ນອີກ.
ຂໍ້ມູນດັ່ງກ່າວນັ້ນ ແມ່ນອີງຕາມການຕີລາຄາຮ່ວມກັນຂອງອົງການສະຫະປະຊາຊາດ ແລະ
ລັດຖະບານຊີເຣຍ.