ປະເທດສະວິດເຊີແລນ ເລີ້ມການສືບສວນ ກ່ຽວກັບການກະ
ທຳຜິດຂອງທ່ານ Sepp Blatter ປະທານອົງການຄຸ້ມຄອງ
ເຕະບານໂລກຫຼື FIFA. ຫ້ອງການອະທິໄອຍະການຂອງສະ
ວິດ ໄດ້ປະກາດການສືບສວນເບິ່ງຄວາມເປັນໄປໄດ້ໃນການ
ກະທໍາຄວາມຜິດ ກ່ຽວກັບການບໍລິຫານທີ່ບໍ່ຖືກຕ້ອງ ແລະ
ໃຊ້ເງິນຂອງອົງການ FIFA ໄປໃນທາງຜິດເມື່ອວັນສຸກວານ
ນີ້.
ຫ້ອງການອະທິໄອຍະການ ກ່າວວ່າ "ຫ້ອງການປະທານອົງ
ການ FIFA ໄດ້ຖືກຄົ້ນ ແລະຍຶດເອົາຂໍ້ມູນ.”
ການສືບສວນທ່ານ Blatter ມີຂຶ້ນໃນຂະນະທີ່ການສືບສວນກ່ຽວກັບການສໍ້ລາດບັງຫຼວງ
ຂອງອົງການຄຸ້ມຄອງກິລາ ທີ່ໄດ້ຮັບຄວາມນິຍົມທີ່ສຸດໃນໂລກ ກຳລັງດຳເນີນຢູ່.
ທ່ານ Blatter ອາຍຸ 79 ປີ ໄດ້ປະກາດແລ້ວວ່າ ທ່ານຈະລາອອກຈາກໜ້າທີ່ໃນເດືອນກຸມ
ພາປີໜ້ານີ້ ເພາະວ່າມີການກ່າວຫາກ່ອນໜ້ານີ້ກ່ຽວກັບການສໍ້ລາດບັງຫຼວງ ຕໍ່ບັນດາເຈົ້າ
ໜ້າທີ່ຂັ້ນສູງຂອງທາງອົງການ.
ທະນາຍຄວາມຂອງ ທ່ານ Blatter ຄືທ່ານ Richard Cullen ກ່າວຢູ່ໃນຖະແຫລງການ
ວ່າ ຫົວໜ້າອົງການ FIFA ໃຫ້ຄວາມຮ່ວມມື ກັບບັນດາເຈົ້າໜ້າທີ່. ທ່ານ Cullen ກ່າວ
ວ່າ ຫລັກຖານຈະພິສູດໃຫ້ເຫັນວ່າ “ບໍ່ມີຄວາມພິດພາດໃນດ້ານການບໍລິຫານເກີດຂຶ້ນ.”
ການປະກາດກ່ຽວກັບສືບສວນເລີ້ມຂຶ້ນ ຫຼັງຈາກການປະຊຸມຄະນະບໍລິຫານຂອງອົງການ
FIFA ທີ່ນະຄອນ Zurich.
ສະຫະລັດ ກໍກຳລັງທຳການສືບສວນ ກ່ຽວກັບການສໍ້ລາດບັງຫລວງ ຂອງອົງການ FIFA ເຊັ່ນດຽວກັນ.
Your browser doesn’t support HTML5
FIFA Corruption