ໝູ່ບ້ານແຫ່ງນຶ່ງທີ່ມີໂຮງແຮມພັກເຊົາ ແລະ ອີກບ່ອນນຶ່ງເຊິ່ງມີນັກທ່ອງທ່ຽວເປັນຈຳ
ນວນຫລວງຫຼາຍ ຫລາຍກວ່າປະຊາຊົນທີ່ອາໄສຢູ່ໃນທ້ອງຖິ່ນນັ້ນ ໄດ້ເປັນເຈົ້າພາບ
ຈັດການແຂ່ງຂັນກິລາໃນຫິມະ Audi Nines ຂອງປີນີ້ ຈາກວັນທີ 22-27 ທີ່ຜ່ານມາ.
ບັນດາຜູ້ເຂົ້າຮ່ວມຈາກທົ່ວໂລກ ໄດ້ໄປເປີ້ນພູ ແລະ ໂດດຂຶ້ນໄປເທິງອາກາດ. ບາງຄົນ
ກໍໄດ້ເປັນແຊັ້ມ ແລະ ໄດ້ຜະລິດວິດີໂອທີ່ສວຍງາມອອກມາຈາກປະເທດ ອອສເຕຣຍ.
ນັກຂ່າວວີໂອເອ ອາຣາຊ ອາຣາບາຊາດີ ມີລາຍງານເພີ່ມເຕີມ, ເຊິ່ງ ພຸດທະສອນ ຈະ
ນຳລາຍລະອຽດມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ຟັງລາຍງານນັກສະກີ ເຂົ້າຮ່ວມການແຂ່ງຂັນ Audi Nines ໃນປະເທດ ອອສເຕຣຍ
ຂ່າວດີສຳລັບບັນດານັກກິລາຕ້ານແຮງໂນ້ມຖ່ວງພວກນີ້ ມັນມີທ້ອງຟ້າເປີດກວ້າງຫຼາຍ
ຢູ່ເທິງຍອດພູຂອງປະເທດ ອອສເຕຣຍ.
ທ້າວ ເດວິດ ໄວສ໌, ນັກກິລາຫຼຽນຄຳໂອລິມປິກ ແລະ ຜູ້ກຳສະຖິຕິໂລກ ກ່າວວ່າ “ມັນ
ເປັນຕາຢ້ານແນ່ນອນ. ມັນມີເວລານຶ່ງທີ່ແນວຄິດຂອງເຈົ້າຈະບັງຄັບມັນເອງ, ແລະ
ເຈົ້າຈະຂີ່ສະກີໄວຫຼາຍ ໃນການສະແດງທ່າຕ່າງໆ, ສະນັ້ນເຈົ້າຮອດບໍ່ໄດ້ມີເວລາປ່ອຍ
ໃຫ້ຕົນເອງຢ້ານເລີຍ.”
ທ້າວ ເດວິດ ໄວສ໌ ແມ່ນເຈົ້າຂອງຫຼຽນຄຳໂອລິມປິກສອງຄັ້ງ. ເມື່ອວັນຈັນທີ່ຜ່ານມາ,
ລາວໄດ້ສ້າງສະຖິຕິໂລກໃໝ່ ສຳລັບການຂີ່ສະກີໂດດສູງທີ່ສຸດ ປະເພດ Quarter
Pipe ຢູ່ໃນການແຂ່ງຂັນ Audi Nines ທີ່ຈັດຂຶ້ນໃນບ້ານ ໂຊລເດັນ.
ທ້າວ ເດວິດ ໄວສ໌ ກ່າວວ່າ “ເຈົ້າຈະຮູ້ສຶກວ່າ, ນີ້ມັນບ້າໄປແລ້ວ. ມັນເກີນຄຳວ່າບ້າ.
ແລ້ວເຈົ້າກະຢູ່ເທິງອາກາດ, ແຕ່ມັນກໍຮູ້ສຶກສະບາຍ.”
ການແຂ່ງສະກີ Quarter Pipe ແມ່ນການແຂ່ງຂັນປະເພດໂດດ ເຊິ່ງຜູ້ແຂ່ງຂັນຈະ
ໂດດອອກຈາກລານ ແລ້ວ ກັບລົງມາຢູ່ພື້ນດຽວກັນ. ທ້າວ ໄວສ໌ ໄດ້ໂດດຂຶ້ນສູງເກືອບ
12 ແມັດໃນອາກາດ ກ່ອນທີ່ແຮງດຶງດູດຈະນຳເອົາລາວກັບຄືນລົງມາສູ່ພື້ນດິນ.
ໃນທ້າຍອາທິດທີ່ຜ່ານມາ, ການແຂ່ງຂັນນານາຊາດ ໄດ້ສ້າງແຊັ້ມປ້ຽນ ຈາກນັກກິລາ
ລະດູໜາວລະດັບຕົ້ນໆຂອງໂລກ.
ທ້າວ ເອລຽສ ເຊີຈາ, ນັກສະກີປະເພດຊາຍ ອັນດັບໜຶ່ງຈາກປະເທດ ຟິນແລນ ກ່າວ
ວ່າ “ຂ້າພະເຈົ້າໄດ້ເຂົ້າມາແຂ່ງ ສ່ວນນຶ່ງແມ່ນຍ້ອນການແຂ່ງຂັນຈາກວິດີໂອ, ແລະ
ເຈົ້າຮູ້ບໍ່, ແທ້ຈິງແລ້ວ ການໄດ້ຊະນະຫລັງຈາກນັ້ນ ມັນຮູ້ສຶກເຫຼືອເຊື່ອເລີຍ. ເຫຼືອເຊື່ອ
ແທ້ໆ.”
ແຊັ້ມຊາວ ຟິນແລນ ຄົນດັ່ງກ່າວໄດ້ຮັບການເຊື້ອເຊີນໃຫ້ເຂົ້າແຂ່ງຂັນໃນລາຍການນີ້
ຈາກການເອົາວິດີໂອກ່ຽວກັບທັກສະຂອງລາວ ລົງໃສ່ເວັບໄຊຂອງການແຂ່ງຂັນ Audi
Nines.
ປີ 2019 ເປັນຂີດໝາຍປີທີ 11 ຂອງການແຂ່ງຂັນ Audi Nines. ບັນດາຜູ້ຈັດການ
ແຂ່ງຂັນເວົ້າວ່າ ເປົ້າໝາຍ ແມ່ນເພື່ອສະເຫຼີມສະຫຼອງກິລາດັ່ງກ່າວ ແລະ ພວກນັກກິ
ລາຜູ້ທີ່ສ້າງປະຫວັດສາດໃໝ່ຂອງເຂົາເຈົ້າ.
A village with a hotel settlement camp and another where tourists outnumber residents hosted this year's Audi Nines snow-sport competition (from April 22 to 27).Participants from all over the world took to the slopes and launched through the air making champions out of some and producing this awesome video from Austria.Arash Arabasadi has more.
Good news for these gravity-defying winter athletes: there is a lot of open sky atop the Austrian Alps.
"It is scary for sure.There is a moment where your mind goes into autopilot, and you are going way too fast into a feature (trick/routine), so you do not even let yourself be afraid."
David Wise is a two-time Olympic gold medalist.Last Monday, he set a new world record for the highest ski-air quarter-pipe jump at the Audi Nines event in the village of Solden.
"You are like, This is nuts.This is beyond crazy.'And then you're in the air, and it feels fine."
The quarter pipe is a kind of jump where a rider launches off a ramp and lands on the same surface.Wise rose nearly 12 (11.7) meters in the air before gravity brought him back home.
Over the weekend, the international competition made champions from some of the world's top winter athletes.
"I got the entry as a part of the video contest, and you know, to actually win after that just feels unreal.Unreal."
The Finnish champion earned a wild-card spot in the competition by posting a video of his skills to the Audi Nines website.
2019 marked the eleventh Audi Nines competition.Organizers say the goal is to celebrate sports and the athletes who write its history.