ຢ່າງໜ້ອຍໄດ້ມີລະເບີດສອງລູກແຕກຂື້ນ ຢູ່ໃນຄຸ້ມທີ່ແອອັດໄປດ້ວຍການຈະລາຈອນ
ຄຸ້ມນຶ່ງຂອງບາງກອກໃນວັນອັງຄານມື້ນີ້ ແລະສື່ມວນຊົນໄທໄດ້ກ່າວວ່າ ຜູ້ຊາຍຄົນນຶ່ງ
ໄດ້ຮັບບາດເຈັບສາຫັດ.
ລາຍງານກ່າວວ່າ ຜູ້ຊາຍຄົນນຶ່ງທີ່ຄິດວ່າເປັນຄົນອີ່ຣານ ຫລືມາຈາກພາກຕາເວັນອອກ
ກາງ ໄດ້ຖືລະເບີດລູກນຶ່ງທີ່ແຕກຂື້ນນັ້ນ.
ສື່ມວນຊົນທ້ອງຖິ່ນ ແລະຕາໜ່າງສື່ສັງຄົມໄດ້ພິມເຜີຍແຜ່ຮູບພາບຈຳນວນນຶ່ງ ທີ່ປະກົດ
ວ່າຂາຂອງຜູ້ຊາຍຄົນດັ່ງກ່າວໄດ້ຂາດອອກຍ້ອນຖືກລະເບີດແຕກໃສ່.
ລະເບີດໄດ້ແຕກຂື້ນຢູ່ຖະໜົນທີ່ແອອັດໄປດ້ວຍການຈະລາຈອນ ໃກ້ກັບໂຮງຮຽນແຫ່ງ
ນຶ່ງ ທາງພາກຕາເວັນອອກຂອງຕົວເມືອງ.
ເຈົ້າໜ້າທີ່ຕໍາຫລວດກໍາລັງທໍາການສືບສວນກ່ຽວກັບສາເຫດ ທີ່ພົວພັນກັບການແຕກ
ຂອງລະເບີດດັ່ງກ່າວ. ຍັງບໍ່ເປັນທີ່ຈະແຈ້ງເທື່ອວ່າ ມີຄົນໄດ້ຮັບບາດເຈັບຕື່ມອີກຫຼືບໍ່.
ປະຊາຊົນໄທໄດ້ພາກັນລະມັດລະວັງມາຕັ້ງແຕ່ເດືອນແລ້ວນີ້ ເວລາເຈົ້າໜ້າທີ່ໄທໄດ້ຮັບຄໍາ
ເຕືອນຈາກສະຫະລັດ ແລະໄດ້້ຈັບກຸມຜູ້ຊາຍຄົນເລບານອນ ໃນຖານສົງໃສທີ່ຈະວາງແຜນ
ກໍ່ການຮ້າຍຢູ່ໃນເຂດທ່ອງທ່ຽວຂອງບາງກອກ. ຜູ້ຊາຍທີ່ຖືກກ່າວຫາວ່າພົວພັນຕິດຕໍ່ກັບ
ກຸ່ມກໍ່ການຮ້າຍ Hezbollah ນັ້ນໄດ້ນໍາພາເຈົ້າໜ້າທີ່ຕໍາຫລວດໄປຫາກຸດັງແຫ່ງນຶ່ງທີ່ເຕັມ
ໄປດ້ວຍສານເຄມີທີ່ສາມາດນໍາໃຊ້ໃນການເຮັດລະເບີດໄດ້.
ການໂຈມຕີຂອງພວກກໍ່ການຮ້າຍບໍ່ຄ່ອຍມີຂຶ້ນປານໃດ ຢູ່ທີ່ບາງກອກນັ້ນຊຶ່ງເປັນທີ່ພວກ
ນັກທອງທ່ຽວຕ່າງປະເທດມັກນິຍົມໄປທ່ຽວກັນຍ້ອນມີຫາດຊາຍອັນງົດງາມ ແລະຊີວິດ
ບັນເທີງໃນຍາມກາງຄືນ.