ມີຄວາມຮູ້ສຶກເພີ້ມຂຶ້ນວ່າໃນເວລາທີ່ກຳລັງອີຣັກເສັດສິ້ນການຕໍ່ສູ້ເພື່ອເຂົ້າຄວບຄຸມເມືອງ Mosul ຊຶ່ງເປັນເມືອງທີ່ສຳຄັນ ຈາກກຸ່ມລັດອິສລາມ ຫລື IS ແລ້ວ ນັກລົບຈຳນວນນຶ່ງ ຖ້າຫາກມີ ຂອງບັນດາຜູ້ນຳກຸ່ມກໍ່ການຮ້າຍດັ່ງກ່າວ ຈະຢູ່ທີ່ນັ້ນຫຼືບໍ່.
ການເຫັນພ້ອມນຳກັນ ໂດຍບັນດາເຈົ້າໜ້າທີ່ສືບລັບ ທັງປັດຈຸບັນແລະອະດີດມີຂຶ້ນທັງໆ ທີ່ມີການກ່າວອ້າງ ຫວ່າງບໍ່ເທົ່າໃດອາທິດທີ່ຜ່ານມານີ້ ຈາກບັນດາເຈົ້າໜ້າທີ່ອີຣັກວ່າ ຜູ້ນຳກຸ່ມລັດອິສລາມ ທ້າວ Abu Barkr al-Baghdadi ຢູ່ໃນຂຸມ ຫລືອຸໂມງໃຕ້ດິນບ່ອນໃດບ່ອນນຶ່ງຢູ່ໃນເມືອງດັ່ງກ່າວ.
ສະມາຊິກກອງທັບອາກາດຄົນນຶ່ງໃຊ້ວິທະຍຸ ຕິດຕໍ່ຢູ່ສູນກາງຄວບຄຸມ ທີ່ຖານທັບອາກາດ Qayyarah ປະມານ 50 ກິໂລແມັດ ພາກໃຕ້ຂອງເມືອງ Mosul ປະເທດ Iraq.
ແຕ່ໃນທາງກົງກັນຂ້າມ ບັນດາເຈົ້າໜ້າທີ່ກອງທັບ ແລະສືບລັບສະຫະລັດ ໄດ້ລະມັດລະ ວັງ ໃນການສົນທະນາກ່ຽວກັບຜູ້ກຸ່ມລັດນຳອິສລາມແລະວ່າຜູ້ກ່ຽວຢູ່ບ່ອນໃດ. ຍັງບໍ່ເທົ່ານັ້ນ ເຂົາເຈົ້າກ່າວວ່າ ມັນເປັນທີ່ແຈ້ງຂາວແລ້ວວ່າ ບັນດາຜູ້ນຳກຸ່ມລັດອິສລາມຈຳນວນ ນຶ່ງ ໄດ້ໜີອອກຈາກເມືອງ Mosul ໄປແລ້ວ ແລະກ່າວຢ້ຳວ່າ ການໂຈມຕີທີ່ມີມາເປັນລຳ ດັບໃນໄລຍະສອງສາມເດືອນທີ່ຜ່ານມານີ້ ເຮັດໃຫ້ “ເກີດຄວາມເສຍຫາຍທີ່ສຳຄັນ” ແກ່ກຸ່ມກໍ່ການຮ້າຍນີ້.
ເຈົ້າໜ້າທີ່ຕໍ່ຕ້ານການກໍ່ການຮ້າຍສະຫະລັດຄົນນຶ່ງກ່າວຕໍ່ວີໂອເອວ່າໂດຍໃຊ້ຊື່ຫຍໍ້ຂອງກຸ່ມກໍ່ການຮ້າຍ ເວົ້າວ່າ “ປະຊາຄົມສືບລັບ ໄດ້ສ້າງຄວາມກ້າວໜ້າຢ່າງໃຫຍ່ຫລວງ ໃນການປັບປຸງກ່ຽວກັບການປະຕິບັດງານ ເທັກນິກ ແລະຂໍ້ມູນ ໃນການແນເປົ້າໝາຍ ແລະ ກຳຈັດບັນດາຜູ້ນຳຄົນສຳຄັນຂອງກຸ່ມລັດອິສລາມ.”
ສິ່ງນຶ່ງທີ່ສ້າງຄວາມເສຍຫາຍຮ້າຍແຮງທີ່ສຸດແກ່ຜູ້ນຳລັດອິສລາມ ໄດ້ມີຂຶ້ນໃນວັນທີ 30 ເດືອນສິງຫາ ເວລາການໂຈມຕີທາງອາກາດຂອງສະຫະລັດໄດ້ແນ ເປົ້າໝາຍ ແລະໄດ້ສັງຫານໂຄສົກ ແລະຜູ້ວາງແຜນປະຕິບັດງານໃນຕ່າງປະເທດຂອງກຸ່ມລັດອິສລາມທ້າວ Abu Muhammad al-Adnani ຊຶ່ງເປັນພຽງນຶ່ງຂອງຈຳນວນເປົ້າໝາຍທີ່ມີ “ຄຸນຄ່າສູງ” ຂອງກຸ່ມລັດອິສລາມທີ່ສະຫະລັດໄດ້ຕິດຕາມຢູ່ໃນເວລານັ້ນ.
ນັບແຕ່ນັ້ນມາ ສະຫະລັດ ແລະການໂຈມຕີທາງອາກາດ ຂອງແນວໂຮມ ໄດ້ສັງຫານບັນ ດາເຈົ້າໜ້າທີ່ລະດັບກາງ ຫາລະດັບສູງຂອງກຸ່ມລັດອິສລາມ ທີ່ແນໃສ່ຫຼາຍສິບຄົນ ຢູ່ໃນເມືອງ Mosul ແຕ່ພຽງບ່ອນດຽວເທົ່ານັ້ນ.
ລົດຕຳຫລວດລັດຖະບານກາງ ຜ່ານດ່ານກວດທີ່ Qayyarah 50 ກິໂລແມັດ ມາງພາກໃຕ້ເມືອງ Mosul.