ປະທານາທິບໍດີ Belarus ທ່ານ Alexandr Lukashenko ໄດ້ຮັບໄຊຊະນະສະໄໝທີ 5 ຢ່າງຖ້ວມລົ້ນໃນການເລືອກຕັ້ງວັນອາທິດວານນີ້, ເຊິ່ງໄດ້ຖືກຂວ້ຳບາດໂດຍພັກຝ່າຍຄ້ານຈຳນວນຫຼາຍ.
ຄະນະກຳມາທິການ ການເລືອກຕັ້ງ ໄດ້ລາຍງານວ່າ ທ່ານປະທານາທິບໍດີໄດ້ຊະນະດ້ວຍ 83.5 ເປີເຊັນຂອງການລົງຄະແນນສຽງ,
ເຊິ່ງໄດ້ຖືກກວດສອບໂດຍ ຜູ້ແທນຈາກອົງການຄວາມໝັ້ນຄົງ ແລະ ການຮ່ວມມືໃນ ຢູໂຣບ ຫຼື OSCE. ອົງການ OSCE ຈະສະເໜີບົດລາຍງານກ່ຽວກັບການເລືອກຕັ້ງຕໍ່ສະຫະພາບ ຢູໂຣບ ໃນວັນຈັນມື້ນີ້, ເຊິ່ງຕໍ່ໄປຄາດວ່າຈະອອກຖະແຫຼງການຢ່າງເປັນທາງການ.
ສຳນັກຂ່າວ Reuters ໄດ້ອ້າງອີງແຫຼ່ງຂ່າວທາງການທູດວ່າ ສະຫະພາບ ຢູໂຣບ ແມ່ນໄດ້ກຽມພ້ອມທີ່ຈະຍົກເລີກມາດຕະການລົງໂທດ, ຢ່າງໜ້ອຍເປັນຊົ່ວຄາວຕໍ່ລັດຖະບານທ່ານ Lukashenko ທີ່ຂາດແຄນເງິນຕາ ຖ້າລາຍງານເວົ້າວ່າຈຳເປັນຕ້ອງໄດ້ເຮັດເຊັ່ນນັ້ນ.
ທ່ານ Lukashenko ໄດ້ປະເຊີນໜ້າພຽງໜ້ອຍດຽວ ກັບຂູ່ແຂ່ງໃນວັນອາທິດວານນີ້ ຈາກສອງພັກສະໜັບສະໜູນລັດຖະບານ ແລະ ນັກເຄື່ອນໄຫວຝ່າຍຄ້ານຄົນໜຶ່ງທີ່ບໍ່ຄ່ອຍເປັນທີ່ຮັບຮູ້ດີ.
Your browser doesn’t support HTML5
Belarus Election