ສະຫະພາບຢູໂຣບ ໃຫ້ການຊ່ອຍເຫຼືອລາວ ໃນການລິເລີ້ມ
ຂະບວນການ ເສີມສ້າງຄວາມເຂົ້າໃຈ ກ່ຽວກັບການຕີຄວາມ
ໝາຍຂອງໄມ້ທີ່ຖືກກົດໝາຍ ຊຶ່ງຈະສົ່ງຜົນດີ ຕໍ່ການຄ້າ ແລະ
ການອະນຸລັກປ່າໄມ້ ຢ່າງຍືນຍົງໃນລາວ.
Your browser doesn’t support HTML5
ຟັງລາຍງານ EU ຊ່ອຍເຫຼືອລາວ ເສີມສ້າງຄວາມເຂົ້າໃຈ ກ່ຽວກັບການຕີຄວາມໝາຍ ຂອງໄມ້ທີ່ຖືກກົດໝາຍ.
ກອງປະຊຸມວ່າດ້ວຍການເສີມສ້າງຄວາມເຂົ້າໃຈ ກ່ຽວກັບການຕີ
ຄວາມໝາຍ ຂອງໄມ້ທີ່ຖືກກົດໝາຍ ໄດ້ມີຂຶ້ນເມື່ອບໍ່ນານມານີ້ ຢູ່
ນະຄອນຫລວງວຽງຈັນ ໂດຍມີຜູ້ຊ່ຽວຊານ ແລະ ຜູ້ຕ່າງໜ້າຈາກ
ພາກລັດ ເອກະຊົນ ແລະ ອົງກອນປະຊາສັງຄົມຈຳນວນ 80 ຄົນ ທີ່ໄດ້ເຂົ້າຮ່ວມ ໃນກອງ
ປະຊຸມຄັ້ງນີ້ ທີ່ໄດ້ຮັບການສະໜັບສະໜຸນ ຈາກກຸ່ມສະຫະພາບຢູໂຣບ.
ການເສີມສ້າງຄວາມເຂົ້າໃຈກ່ຽວກັບ ການຕີຄວາມໝາຍຂອງໄມ້ທີ່ຖືກກົດໝາຍ ຖືເປັນ
ສ່ວນສຳຄັນໜຶ່ງ ໃນການເຈລະຈາ ຂໍ້ຕົກລົງການເຂົ້າເປັນ ຄູ່ຮ່ວມສັນຍາການຄ້າ ແບບ
ສະໝັກໃຈ ລະຫວ່າງລາວ ກັບສະຫະພາບຢູໂຣບ ທີ່ຢູ່ພາຍໃຕ້ແຜນງານ ການບັງຄັບໃຊ້
ກົດໝາຍປ່າໄມ້ ເພື່ອສົ່ງເສີມການຄ້າໄມ້ ທີ່ຖືກກົດໝາຍ ແລະ ການບໍລິຫານ ຄຸ້ມຄອງປ່າ
ໄມ້ ຢ່າງຍືນຍົງໃນລາວ.
ໂດຍແຜນງານດັ່ງກ່າວນີ້ ເປັນການລິເລີ້ມ ຂອງສະຫະພາບຢູໂຣບ ທີ່ຕ້ອງການຈະສະ
ໜອງຜົນປະໂຫຍດ ທີ່ຫລາກຫຼາຍໃຫ້ແກ່ລາວ ດ້ວຍການເພີ້ມມູນຄ່າ ໃຫ້ແກ່ການປຸງ
ແຕ່ງໄມ້ ການຂະຫຍາຍຕະຫລາດສົ່ງອອກໄມ້ ການເພີ້ມລາຍຮັບໃຫ້ແກ່ ພາກລັດ ການ
ສ້າງໂອກາດ ໃນການມີວຽກເຮັດງານທຳ ການສົ່ງເສີມການແຂ່ງຂັນ ລະຫວ່າງບໍລິສັດ
ຕ່າງໆ ລວມທັງການບໍລິຫານ ຈັດການປ່າໄມ້ແບບຍືນຍົງ.
ການຕັດໄມ້ ຢູ່ໃນເຂດສຳປະທານແຫ່ງນຶ່ງ ຂອງບໍລິສັດຫວຽດນາມ ຢູ່ໃນແຂວງອັດຕະປື.
ແຕ່ຢ່າງໃດກໍຕາມ ກະຊວງຊັບພະຍາກອນ ແລະສິ່ງແວດລ້ອມ
ທຳມະຊາດ ລາຍງານວ່າປ່າໄມ້ ໃນເຂດປ່າສະຫງວນແຫ່ງຊາດ
ຂອງລາວ ໄດ້ລົດຄວາມໜາແໜ້ນລົງ ຢ່າງຫລວງຫຼາຍ ໃນລະຍະ
10 ປີ ມານີ້ ໂດຍການສຳຫລວດ ເມື່ອປີ 2013 ພົບວ່າເຂດປ່າ
ສະຫງວນ ທີ່ຢູ່ໃນຄວາມຮັບຜິດຊອບຂອງກະຊວງຊັບພະຍາກອນ
ແລະ ສິ່ງແວດລ້ອມທຳມະຊາດນັ້ນ ມີເນື້ອທີ່ລວມ 4 ລ້ານກວ່າ
ເຮັກຕາ.
ຫາກແຕ່ໃນປັດຈຸບັນກໍເຊື່ອວ່າ ລະດັບຄວາມໜາແໜ້ນ ຂອງ
ປ່າໄມ້ ໃນເຂດປ່າສະຫງວນດັ່ງກ່າວ ໄດ້ລົດລົງເຫຼືອຢູ່ບໍ່ເຖິງ
4 ລ້ານເຮັກຕາ ໂດຍນອກຈາກຈະມີສາເຫດມາຈາກການຖາງ
ແລະ ເຜົາປ່າ ເພື່ອເຮັດໄຮ່ເລື່ອນລອຍ ຂອງປະຊາຊົນລາວແລ້ວ ກໍຍັງມີສາເຫດ ທີ່ສຳຄັນ
ມາຈາກການລັກລອບ ຕັດໄມ້ເພື່ອການຄ້າຜິດກົດໝາຍ ທີ່ເກີດຂຶ້ນຢ່າງກວ້າງຂວາງ ໃນ
ທົ່ວປະເທດລາວ.
ໂດຍສະເພາະ ແມ່ນການທີ່ບັນດາພໍ່ຄ້າໄມ້ ໄດ້ວ່າຈ້າງໃຫ້ປະຊາຊົນລາວ ໃນລະດັບທ້ອງ
ຖິ່ນ ເພື່ອໃຫ້ເຂົ້າໄປລັກລອບຕັດໄມ້ ໃນເຂດປ່າສະຫງວນແຫ່ງຊາດນັ້ນ ຖືເປັນບັນຫາ ທີ່
ໄດ້ເກີດຂຶ້ນຢ່າງກວ້າງຂວາງທີ່ສຸດ ໃນເວລານີ້ ທັງກໍຍັງເປັນການຍາກ ທີ່ຈະປ້ອງກັນອີກ
ດ້ວຍ ດັ່ງທີ່ເຈົ້າໜ້າທີ່ຂັ້ນສູງ ໄດ້ຢືນຢັນວ່າ:
“ການບຸກລຸກປ່າສະຫງວນ ປ່າປ້ອງກັນນີ້ ມັນມີຫຼາຍສາເຫດ ເປັນຕົ້ນນີ້ ແມ່ນ
ການຖາງປ່າເຮັດໄຮ່ຫັ້ນ ໄຟໄໝ້ປ່າ ແລ້ວກະມີນັກທຸລະກິດ ຈຳນວນໜຶ່ງ ທີ່ຢູ່
ເບື້ອງຫລັງ ໃຫ້ປະຊາຊົນ ລັກລອບຕັດໄມ້ ໂດຍນຳໃຊ້ລົດໄຖນາຫັ້ນແລ້ວ ໄປ
ແກ່ໄມ້ໃນກາງຄືນ ອັນນີ້ ຍາກໃນການສະກັດກັ້ນ.”
ເຈົ້າໜ້າທີ່ຂັ້ນສູງ ຍັງໄດ້ໃຫ້ການຍອມຮັບດ້ວຍວ່າ ນອກຈາກການລັກລອບຕັດໄມ້ ໃນ
ເຂດປ່າສະຫງວນ ແຫ່ງຊາດດັ່ງກ່າວແລ້ວ ເຂດປ່າປ້ອງກັນໃນລາວ ທີ່ມີພື້ນທີ່ກວ້າງກວ່າ
7 ລ້ານເຮັກຕາ ໃນທົ່ວປະເທດລາວ ໃນປັດຈຸບັນນີ້ ກໍກຳລັງຕົກ ຢູ່ພາຍໃຕ້ສະພາບບັນຫາ ດຽວກັນ ໂດຍປັດໄຈສຳຄັນປະການໜຶ່ງທີ່ເຮັດໃຫ້ບັນຫາດັ່ງກ່າວນີ້ ສາມາດເກີດຂຶ້ນໄດ້
ຢ່າງກວ້າງຂວາງ ກໍຍ້ອນວ່າບັນດາພະນັກງານຂອງລັດ ໄດ້ໃຫ້ການຮ່ວມມືກັບຂະບວນ
ການຄ້າໄມ້ເຖື່ອນ ໂດຍເຫັນແກ່ຜົນປະໂຫຍດຕອບແທນສ່ວນຕົວ ເປັນສິ່ງທີ່ສຳຄັນກວ່າ
ຜົນກະທົບຕໍ່ປະເທດຊາດ ດັ່ງຈະເຫັນໄດ້ຈາກໜ່ວຍສະເພາະກິດ ຂອງຕຳຫລວດລາວ
ສາມາດ ຍຶດໄມ້ທີ່ລັກລອບຕັດ ໂດຍຜິດກົດໝາຍໄດ້ຫຼາຍກວ່າ 8 ແສນແມັດກ້ອນ ໃນ
ລະຍະ 6 ເດືອນທຳອິດ ຂອງແຜນການປະຈຳປີ 2013-2014 ທີ່ຜ່ານມາ.
ທາງດ້ານທ່ານທອງສິງ ທຳມະວົງ ນາຍົກລັດຖະມົນຕີລາວ ຖະແຫລງວ່າ ລັດຖະບານລາວ
ມີນະໂຍບາຍກ່ຽວກັບປ່າໄມ້ທີ່ຈະແຈ້ງ ກໍຄືການເພີ້ມລະດັບຄວາມໜາແໜ້ນຂອງປ່າໄມ້
ພາຍໃນປະເທດໃຫ້ໄດ້ເຖິງ 65 ເປີເຊັນ ແລະ 70 ເປີເຊັນ ຂອງພື້ນທີ່ທັງໝົດໃນປີ 2015
ແລະ ປີ 2020 ແຕ່ວ່າການທີ່ຈະສາມາດບັນລຸເປົ້າໝາຍດັ່ງກ່າວນີ້ ໄດ້ຢ່າງແທ້ຈິງນັ້ນ ກໍ
ຈະຕ້ອງໄດ້ຮັບການຮ່ວມືຈາກທຸກພາກສ້ວນທັງໃນພາກບັດຖະບານ ພາກເອກະຊົນ ແລະ ປະຊາຊົນລາວບັນດາເຜົ່າໃນທົ່ວປະເທດ.